Frétt

bb.is | 23.03.2005 | 16:08Ónákvæmir útreikningar stjórnenda MÍ á hlutfalli réttindakennara

Menntaskólinn á Ísafirði.
Menntaskólinn á Ísafirði.
Stjórnendur Menntaskólans á Ísafirði segjast standa við yfirlýsingu þá er þeir birtu á dögunum þrátt fyrir bréf sem ritað var undir fyrir hönd nafnlauss fyrrverandi kennara við MÍ. Í því bréfi kemur m.a. fram að útreikningur stjórnenda um hækkandi hlutfall réttindakennara við skólann hafi verið rangur. Ólína segir að tölur í yfirlýsingu stjórnenda hefðu mátt vera nákvæmari. Hið rétta sé að frá hausti 2001 til haustsins 2004 hafi hlutfall réttindakennara við skólann hækkað úr 30% í 70%, en ekki úr 20% í 80% eins og upphaflega var haldið fram. Í áðurnefndu bréfi kemur fram að stjórnsýslukæra hafi verið send Menntamálaráðuneytinu þann 12. janúar síðastliðinn. Ólína ítrekar að hvorki henni né menntamálaráðuneytinu sé kunnugt á þessari stundu um stjórnsýslukæru. Hins vegar hafi ráðuneytinu verið sent bréf Elnu Katrínar Jónsdóttur þann 15. febrúar en það bréf nái ekki máli sem stjórnsýslukæra.

Í bréfinu er birt var í gær var Ólína sjálf talin til réttindalausra kennara. Hún segir að um þetta mál hafi verið fjallað sumarið 2001 af menntamálaráðuneytinu og frá því sé meðal annars sagt á heimasíðu ráðuneytisins frá þeim tíma. „Þar kemur fram að þegar ég sótti um stöðu skólameistara vorið 2001 hafði ég ekki sótt um leyfisbréf til ráðuneytisins til kennsluréttinda, enda þótt ég uppfyllti í reynd starfshæfi framhaldsskólakennara. Um leið og ég sótti um starfið sendi ég umsókn um starfsréttindi inn í ráðuneytið, eins og lög gera ráð fyrir. Matsnefnd þriggja manna sem starfar samkvæmt lögum fór yfir þá umsókn og komst að þeirri niðurstöðu að ég uppfyllti skilyrði lögverndunarlaga fyrir veitingu starfsréttinda sem framhaldsskólakennari. Var sú ákvörðun tekin á grundvelli menntunar minnar og 6 ára kennslureynslu á grunn- og háskólastigi."

Ólína segir það verða hlutverk dómstóla að kveða upp dóm í máli því sem Ingibjörg Ingadóttir hefur höfðað til ógildingar áminningu er henni var veitt. „Fyrir dómi verða rangfærslur er hafðar hafa verið uppi í því máli hraktar en ekki í fjölmiðlum" segir Ólína.

hj@bb.is

bb.is | 09.12.16 | 17:17 Í æfingabúðum á Ítalíu

Mynd með frétt Um þessar mundir eru þrír Íslenskir skíðagöngumenn í æfingabúðum á vegum FIS á Ítalíu. Hópurinn samanstendur af Ísfirðingnum og gönguskíðakappanum Alberti Jónssyni, gönguskíðaþjálfara Skíðafélags Ísfirðinga Steven Gromatka, og Kristrúnu Guðnadóttur frá skíðafélaginu Ulli. Æfingabúðirnar eru nýjar fyrir Skíðasamband Íslands, en ...
Meira

bb.is | 09.12.16 | 16:49Blakveisla á helginni

Mynd með fréttÍ dag kl. 20:00 etja kappi okkar konur í blaki og Ýmir í 1. deild Íslandsmótsins og má reikna með skemmtilegri baráttu. Blaklið Vestra koma vel undan sumri þetta árið og rífandi gangur hjá báðum liðum. Kvennaliðið er núna í fjórða ...
Meira

bb.is | 09.12.16 | 15:54Hefja gerð Menningarstefnu Vestfjarða

Mynd með fréttAðalfundur Félags vestfirskra listamanna verður haldinn á Edinborg Bistró næstkomandi þriðjudag og mætir til þingsins Skúli Gautason sem nýverið tók við starfi menningarfulltrúa Vestfjarða. Mun Skúli segja frá Uppbyggingarsjóði Vestfjarða sem hefur á ný auglýst eftir umsóknum og verður með opið ...
Meira

bb.is | 09.12.16 | 14:50Stjórnvöld og Seðlabanki leiti lausna

Mynd með fréttGísli Halldór Halldórsson, bæjarstjóri Ísafjarðarbæjar, tekur undir með áhyggjuröddum að sterkt gengi krónunnar hafi slæm áhrif á útflutningsfyrirtæki. Hann segir uppsagnir líkar þeim sem voru gerðar hjá Kampa í gær hafa legið í loftinu. „Það er mikið áhyggjuefni þegar fyrirtæki með ...
Meira

bb.is | 09.12.16 | 13:25Verulegur aukakostnaður vegna barnaverndar

Mynd með fréttFram kemur í fjárhagsáætlun Ísafjarðarbæjar að árið 2016 skeri sig úr vegna mikils kostnaðar við barnavernd. Ástæðan er fyrst og fremst veruleg hækkun lögfræðikostnaðar vegna málarekstrar og hækkun vistunarkostnaðar. Í áætlun kemur fram að ekki er gert ráð fyrir slíkum kostnaði ...
Meira

bb.is | 09.12.16 | 11:45Nú í höndum fjárlaganefndar

Mynd með fréttFyrstu umræðu um fjárlagafrumvarp fyrir 2017 er nú lokið og fjárlaganefnd hefur fengið frumvarpið aftur til meðhöndlunar. Fyrsti fundur nefndarinnar var haldinn í morgun og næsti fundur er boðaður á mánudag. Samkvæmt heimildum bb.is mun verða lögð fram tillaga um að ...
Meira

bb.is | 09.12.16 | 10:59Í lausu lofti á Vestfjörðum

Mynd með fréttÍ nýútkomnu tónlistarmyndbandi Peter Piek við lagið 1st Song má sjá tónlistarmanninn ásamt fjölda annarra hoppandi um víðan völl. Landslag, aðstæður og jafnvel einstaklingar koma kunnuglega fyrir sjónir, því myndbandið var tekið upp hér á landi og að stórum hluta á ...
Meira

bb.is | 09.12.16 | 09:33Styrking krónu kallar á agaðri hagstjórn

Mynd með fréttÍ gær bárust fréttir af því að Kampi á Ísafirði hefði sagt upp sjö manns vegna erfiðs reksturs sem rekja má til sterkrar stöðu íslensku krónunnar gagnvart breska pundinu. Teitur Björn Einarsson, þingmaður Norðvesturkjördæmis, segir styrkingu krónunnar ískyggilega þróun: „Þetta er ...
Meira

bb.is | 09.12.16 | 09:01Voru gestir á finnska forsetaballinu

Mynd með fréttÍsfirðingnum Huldu Leifsdóttur og eiginmanni hennar Tapio Koivukari var boðið á forsetaball finnska forsetans í tilefni þjóðhátíðardags Finna. Ballið var haldið í forsetahöllinni í Helsinki 6. desember. Hulda er búsett í Finnlandi, en Tapio, maður Huldu, er rithöfundur og fékk í ...
Meira

bb.is | 09.12.16 | 07:41Launahækkanir kennara kosta um 46,1 milljónir

Mynd með fréttHeildaráhrifin af kjarasamningunum kennara nema um 46,1 milljónum króna fyrir Ísafjarðarbæ. Samkvæmt nýgerðum kjarasamningum við grunnskólakennara fela samningarnir í sér 7,5% launahækkun frá 1. des 2016, og 3,5% hækkun frá 1. mars 2017. Auk þess felur samningurinn í sér að greiða ...
Meira


Byggir á LiSA vefumsjónarkerfi frá Eskli