Frétt

Stakkur 14. tbl. 2000 | 05.04.2000 | 16:56Dóri Hermanns, Hornstrendingar og Stakkur.

Hvað á þessi þrenning sameiginlegt? Í fljótu bragði ekkert og þó. Allir eru þeir velviljaðir hver á sinn hátt. Dóri sér allt vont við Stakk og segir hann gera lítið úr Hornstrendingum. Sá er nú ritar telur góðan vilja þurfa til þess að draga þá ályktun af lestri Stakks. Allir sem fylgst hafa með Vestfjarðapólitík vita, að Halldór hefur skoðanir á mönnum og málefnum. Því fer víðs fjarri að allir séu ævinlega sammála honum. En skoðanir hans auka á fjölbreytni mannlífs og gefa stjórnmálum lit. Halldór hélt í víking út fyrir Vestfirði síðasta ár og fór í framboð á Norðurlandi eystra.

Á síðustu árum hefur mörgu farið aftur hér á Vestfjörðum og sá penni sem nú hleypur yfir pappírinn hefur bent á það, reynt að skoða og skilgreina hvers vegna það hafi gerst og hvað væri til ráða. Engum dylst að tilkoma og tilvist kvótakerfis í fiskveiðum hefur haft mikil áhrif. Aldrei hefur því verið haldið fram hér að kvótakerfið væri af hinu góða. Hins vegar hefur verið bent á þá staðreynd, sem byggist á tölfræði, að draga megi þá ályktun, að núverandi fiskveiðistjórnun með öllum sínum göllum hafi reynst betur en önnur kerfi sem notuð hafa verið.

Tölfræði er ekki annað en samansafn staðreynda. Tölum, sem skráðar hafa verið á grundvelli raunveruleikans, er safnað og af þeim dregnar ályktanir. Ef tölfræðin er röng, eins og margir segja, þá er eitthvað að skráningu upplýsinga. Ekki er nóg að segja að menn haldi að svo sé. Sá er hleypur yfir ritvöllinn nú hefur oft haft efasemdir um margt við kvótakerfið. En það er ekki nóg! Þær verður að sanna.

Margir tengja hnignun útgerðar og landvinnslu á Vestfjörðum við kvótakerfið. Það gerðist á sama tíma, að kvótakerfinu var komið á og fjaraði undan fiskvinnslu og fiskveiðum. En hvernig má það vera, að annars staðar á landinu hafa menn lifað þessar breytingar af, en ekki hér? Ekkert einhlítt svar er til við því fremur en því hvers vegna fólk vildi ekki búa á Hornströndum. Því hefur verið varpað fram hér, að margir hafi verið of seinir að greina starfsumhverfið og breyta áherslum og stjórnun rekstrar í það horf að félli að breyttri fiskveiðistjórnun.

Hagstofan telur vístölufjölskylduna 3,5 menn, karla, konur og börn. Á hverjum degi síðasta árs flutti ein slík til ,,höfuðborgarinnar\" umfram þá sem fluttu út á land. Okkur, sem finnst í góðu lagi og eðlilegt að búa á Vestfjörðum og hvar sem er á Íslandi, blöskrar að 1300 manns flytji af landsbyggðinni. Stakkur, Dóri Hermanns og Hornstrendingar, ef hægt er að tala um þá eftir hálfrar aldar fjarveru, meina allir vel. Hornstrendingar áttu þá góðmennsku að hjálpa þeim er sóttu á brattann, þótt það stafaði af útistöðum við yfirvöld. Dóri vill veg Ísafjarðar og Vestfjarða mikinn eins og Stakkur. En hvorugur kann aðferðina. Sá fyrri veit hver sökudólgurinn er. Stakkur er ekki eins viss og hefur trú á Vestfirðingum, en vill sjálfsskoðun. Svo einfalt er það.


bb.is | 23.09.16 | 16:49 Ráðast í endurbætur á Guðmundarbúð

Mynd með frétt Til stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira

bb.is | 23.09.16 | 13:25Jólasúkkulaði í bígerð hjá Sætt og salt

Mynd með fréttMikið hefur verið að gera á súkkulaðiverkstæði Elsu G. Borgarsdóttur í Súðavík, þar sem hún framleiðir dýrindis súkkulaði undir merkjum Sætt og salt. Í haust bauð hún í fyrsta sinn upp á árstíðabundna vöru er hvítt súkkulaði með ferskum aðalbláberjum og ...
Meira

bb.is | 23.09.16 | 11:50Flateyringar beðnir afsökunar

Mynd með fréttHeilbrigðiseftirlit Vestfjarða brást ekki við á réttan hátt og stóð sig ekki í upplýsingagjöf um saurgerlamengun í neysluvatni Flateyringa sem upp kom í byrjun mánaðarins. Ísafjarðarbær var ekki látinn vita þegar saurgerlamengun greindist fyrst í neysluvatni Flateyringa. Þetta er haft eftir ...
Meira

bb.is | 23.09.16 | 09:22Utankjörfundaratkvæðagreiðsla hafin

Mynd með fréttUtankjörfundaratkvæðagreiðsla erlendis vegna alþingiskosninga 29. október 2016 hefst í dag og fer fram í öllum sendiráðum Íslands erlendis, aðalræðisskrifstofum Íslands í New York, Winnipeg, Nuuk og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands ...
Meira

bb.is | 23.09.16 | 09:01Bolungarvíkurkaupstaður opnar nýjan vef

Mynd með fréttNýr vefur hefur verið tekin í gagnið fyrir Bolungarvíkurkaupstað á vefslóðinni www.bolungarvik.is. Vefurinn lagar sig að ólíkum skjástærðum eins og skjám síma og smátölva ásamt því að virka vel á hefðbundnum tölvuskjá. Viðmót vefsins býður upp á ýmis frekari þægindi eins ...
Meira

bb.is | 23.09.16 | 07:34Tvöfaldar nemendafjöldann

Mynd með fréttFyrr í vikunni birti forsætisráðuneytið aðgerðaráætlun fyrir Vestfirði sem unnin var af nefnd um samfélags- og atvinnuþróun á Vestfjörðum undir forystu ráðuneytisins. Í aðgerðaráætluninni er lagt til að Háskólasetri Vestfjarða verði gert kleift að setja á fót nýja námsleið á meistarastigi ...
Meira

bb.is | 22.09.16 | 16:53Kómedíuleikhúsið frumsýnir í fertugasta sinn

Mynd með fréttÁ sunnudag frumsýnir Kómedíuleikhúsið nýjustu afurð sína; einleik um einbúann Gísla á Uppsölum. Er þetta 40. uppsetning hins vestfirska leikhúss frá því það tók til starfa árið 1997 og hafa öll leikverkin að einu undanskildu verið íslensk. Drjúgum tíma hefur verið ...
Meira

bb.is | 22.09.16 | 15:53Fjárhagslegur ávinningur má ekki skarast á við lífsgæði íbúa

Mynd með fréttÍ gær lauk skemmtiferðaskipavertíðin á Ísafirði þetta árið, er áttugasta og þriðja skemmtiferðaskipið kom í Skutulsfjörð – og hafa þau aldrei verið fleiri. Reyndar til útskýringa þá hafa skipin sem slík ekki verið 83, sum koma nokkrum sinnum yfir sumarmánuðina og ...
Meira

bb.is | 22.09.16 | 14:48Haustjafndægur í dag

Mynd með fréttHaustjafndægur eru í dag 22. september, nánar tiltekið kl. 14.21. Jafndægur eru tvisvar á ári, um 20.-21. mars og 22.-23. september. Tímasetningin hnikast örlítið milli ára, eftir því hvernig stendur á hlaupári. Jafndægur miðast við að þá er sólin beint yfir ...
Meira


Byggir á LiSA vefumsjónarkerfi frá Eskli