Frétt

Leiðari 30. tbl. 2001 | 26.07.2001 | 11:30Fram, fram fylking

Með tapleik KR-inga í Albaníu fuku milljónir króna út í veður og vind svo nú þarf að endurmeta stöðuna á knattspyrnubatteríinu í Vesturbænum. Í Ríkissjónvarpinu hefur undanfarið mátt líta fremsta frjálsíþróttafólk heims etja kappi. Þessi keppni er frábrugðin öðrum keppnum að því leyti að tími, hæð og lengd skipta ekki öllu fyrir keppendur, heldur hitt, að komast í gullstangapottinn sem gefur þeim heppnu milljónir króna í aðra hönd. Og ekki má gleyma golfinu þar sem upphæðir velta, sem digrar væru taldar á fjárlögum íslenska ríkisins. Já. Ekki fer á milli mála að íþróttir dagsins snúast um peninga og meiri peninga. Eftir lofgjörðinni um heilbrigða sál í hraustum líkama man ekki nokkur maður lengur.

Íþróttahreyfingin hefur ekki frekar en sjávarútvegur og landbúnaður orðið út undan í hagræðingarfrasanum þar sem markmiðið er að koma öllu á sem fæstar hendur. Höfnun Ungmennafélags Íslands á kompaníi við Íþróttasamband Íslands olli titringi, sem brýst upp á yfirborðið í hvert skipti sem málefni Ungmennafélagsins ber á góma. Þannig gaf Landsmótið á Egilsstöðum sameiningarsinnum enn eitt tækifærið til að núa forustu UMFÍ um nasir þröngsýni fyrir að vilja halda í sérstöðu ungmennafélaganna, sem þeir sögðu börn liðins tíma og saga þeirra og framtíð því best geymd í minningabrotum heima í héraði.

Vel má vera að rök megi að því leiða að allt íþróttafólk skuli eiga aðgang að öllum íþróttamótum. Hverju nafni þau nefnast, hverjir standa þar að baki og hvert tilefnið er, skipti ekki máli. Á móti er auðvelt að benda á sérstöðuna sem felst í því að viðhalda keppni áhugafólks á sem flestum sviðum í stað þess að gera það að aukanúmerum í keppni atvinnumanna sín á milli.

Atvinnumönnum í íþróttum kann að þykja eitthvað til þess koma að skreppa heim í hérað á Skíðalandsmót eða Landsmót UMFÍ og næla sér í nokkra titla og verðlaunapeninga í keppni við fólk, sem skrapp að heiman frá dæguramstrinu til að halda á lofti hinu forna merki um að vera með, en til sérstakra afreka verður það ekki talið. Og ekki auravon.

„Það er gríðarlega ósanngjarnt að ungmennafélögin fái tvo hluta af Lottókökunni þegar aðrir fá bara einn“. Það skyldi þó aldrei vera að viðhorf af þessu tagi endurspegli áhuga margra sameiningarsinna? Veitir kannski ekki af Lottókökunni óskiptri í atvinnureksturinn og því ekki lengur í takt við tímann að offra hluta hennar í tómstundagaman eins og dráttarvélaakstur og pönnukökubakstur?
s.h.


bb.is | 28.09.16 | 16:50 Grunnskólanemar dýrmætri reynslu ríkari eftir heimsókn til Þýskalands

Mynd með frétt Ísafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira


Byggir á LiSA vefumsjónarkerfi frá Eskli