Frétt

| 16.07.2001 | 09:55Gallup gerir könnun um verkefnið, árangur þess og viðhorf bæjarbúa til þess

Bolungarvík.
Bolungarvík.
Gallup á Íslandi ætlar að gera könnun meðal Bolvíkinga um viðhorf þeirra til heilsubæjarverkefnisins sem þar hefur staðið síðastliðið eitt og hálft ár. „Við settum okkur ákveðin markmið í byrjun og til þess að við vitum hvort þau hafi verið raunhæf og hvort verkefnið hafi skilað einhverju til bæjarbúa og skilað árangri í heild sinni, þá verðum við auðvitað að mæla árangurinn“, segir Sigrún Gerða Gísladóttir, hjúkrunarforstjóri í Bolungarvík. „Við buðum þessa könnun út og það voru bæði Gallup og fleiri aðilar sem höfðu áhuga á þessu.“
Könnun Gallups verður gerð meðal Bolvíkinga á aldrinum 18-80 ára. „Við vonumst til að þátttaka verði góð og hvetjum alla til þess að bregðast vel við. Því fleiri sem taka þátt í könnuninni, þeim mun marktækari verður hún og sýnir okkur meira“, segir Sigrún Gerða. „Könnunin á að leiða í ljós hvort þróunarverkefni sem þetta eigi rétt á sér og hverju það hafi skilað til einstaklinganna og bæjarfélagsins í heild. Það er nauðsynlegt að vita þetta, svo að við getum í framtíðinni gert betur og náð þá ennþá meiri árangri.

Við þurfum líka að vita hvaða áhrif fólk vill að heilsubæjarverkefnið hafi og hvort það vill yfirleitt að þessi stefna verði áfram hjá bæjarfélaginu. Við erum ekki með neina forsjárhyggju og ætlum ekki að segja fólki hvað það á að gera. Við viljum finna leiðir í samvinnu við fólkið en það verður sjálft að segja til um hvað það vill. Fólk í dag er vel upplýst og hefur alla möguleika á því að breyta því sem það vill.“

Sigrún Gerða segir að heilsuverndarráðstefna verði haldin í Reykjavík í haust og þar verði verkefnið kynnt, svo og niðurstöður Gallup-könnunarinnar. Sigrún vill einnig vekja sérstaka athygli á ratleik sem heilsubæjarverkefnið stendur fyrir. „Megináhersla leiksins er að fjölskyldan geti verið saman og átt ánægjulega útiveru. Gönguleiðirnar hafa verið miserfiðar en það er gaman að reyna á sig og hver og einn getur valið þá leið sem hann telur henta sér. Ástæðan fyrir því að ég minni á þessar gönguleiðir er sú, að það er útiveran og samveran sem við viljum hvetja fólk til að njóta.“

Sigrún vill hvetja Bolvíkinga og gesti þeirra til að skella sér í gönguferð og endilega að hafa samband við forsvarsmenn heilsubæjarverkefnisins ef eitthvað kemur upp á.

bb.is | 23.09.16 | 16:49 Ráðast í endurbætur á Guðmundarbúð

Mynd með frétt Til stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira

bb.is | 23.09.16 | 13:25Jólasúkkulaði í bígerð hjá Sætt og salt

Mynd með fréttMikið hefur verið að gera á súkkulaðiverkstæði Elsu G. Borgarsdóttur í Súðavík, þar sem hún framleiðir dýrindis súkkulaði undir merkjum Sætt og salt. Í haust bauð hún í fyrsta sinn upp á árstíðabundna vöru er hvítt súkkulaði með ferskum aðalbláberjum og ...
Meira

bb.is | 23.09.16 | 11:50Flateyringar beðnir afsökunar

Mynd með fréttHeilbrigðiseftirlit Vestfjarða brást ekki við á réttan hátt og stóð sig ekki í upplýsingagjöf um saurgerlamengun í neysluvatni Flateyringa sem upp kom í byrjun mánaðarins. Ísafjarðarbær var ekki látinn vita þegar saurgerlamengun greindist fyrst í neysluvatni Flateyringa. Þetta er haft eftir ...
Meira

bb.is | 23.09.16 | 09:22Utankjörfundaratkvæðagreiðsla hafin

Mynd með fréttUtankjörfundaratkvæðagreiðsla erlendis vegna alþingiskosninga 29. október 2016 hefst í dag og fer fram í öllum sendiráðum Íslands erlendis, aðalræðisskrifstofum Íslands í New York, Winnipeg, Nuuk og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands ...
Meira

bb.is | 23.09.16 | 09:01Bolungarvíkurkaupstaður opnar nýjan vef

Mynd með fréttNýr vefur hefur verið tekin í gagnið fyrir Bolungarvíkurkaupstað á vefslóðinni www.bolungarvik.is. Vefurinn lagar sig að ólíkum skjástærðum eins og skjám síma og smátölva ásamt því að virka vel á hefðbundnum tölvuskjá. Viðmót vefsins býður upp á ýmis frekari þægindi eins ...
Meira

bb.is | 23.09.16 | 07:34Tvöfaldar nemendafjöldann

Mynd með fréttFyrr í vikunni birti forsætisráðuneytið aðgerðaráætlun fyrir Vestfirði sem unnin var af nefnd um samfélags- og atvinnuþróun á Vestfjörðum undir forystu ráðuneytisins. Í aðgerðaráætluninni er lagt til að Háskólasetri Vestfjarða verði gert kleift að setja á fót nýja námsleið á meistarastigi ...
Meira

bb.is | 22.09.16 | 16:53Kómedíuleikhúsið frumsýnir í fertugasta sinn

Mynd með fréttÁ sunnudag frumsýnir Kómedíuleikhúsið nýjustu afurð sína; einleik um einbúann Gísla á Uppsölum. Er þetta 40. uppsetning hins vestfirska leikhúss frá því það tók til starfa árið 1997 og hafa öll leikverkin að einu undanskildu verið íslensk. Drjúgum tíma hefur verið ...
Meira

bb.is | 22.09.16 | 15:53Fjárhagslegur ávinningur má ekki skarast á við lífsgæði íbúa

Mynd með fréttÍ gær lauk skemmtiferðaskipavertíðin á Ísafirði þetta árið, er áttugasta og þriðja skemmtiferðaskipið kom í Skutulsfjörð – og hafa þau aldrei verið fleiri. Reyndar til útskýringa þá hafa skipin sem slík ekki verið 83, sum koma nokkrum sinnum yfir sumarmánuðina og ...
Meira

bb.is | 22.09.16 | 14:48Haustjafndægur í dag

Mynd með fréttHaustjafndægur eru í dag 22. september, nánar tiltekið kl. 14.21. Jafndægur eru tvisvar á ári, um 20.-21. mars og 22.-23. september. Tímasetningin hnikast örlítið milli ára, eftir því hvernig stendur á hlaupári. Jafndægur miðast við að þá er sólin beint yfir ...
Meira


Byggir á LiSA vefumsjónarkerfi frá Eskli