Frétt

| 09.07.2001 | 12:11Dæmdur til fangelsisvistar og sektargreiðslu

Framkvæmdastjóri og stjórnarformaður útgerðarfélags, sem nú er gjaldþrota, var sl. föstudag dæmdur í Héraðsdómi Vestfjarða til fangelsisvistar og til sektargreiðslu fyrir brot gegn lögum um virðisaukaskatt og lögum um staðgreiðslu opinberra gjalda. Maðurinn var dæmdur í 10 mánaða fangelsi, en þar af eru 7 mánuðir skilorðsbundnir til þriggja ára, og til greiðslu 30 milljón króna sektar til ríkissjóðs. Greiði hann ekki sektina innan fjögurra vikna frá birtingu dómsins skal hann í staðinn sæta fangelsi í eitt ár. Honum var einnig gert að greiða allan sakarkostnað.
Mál þetta höfðaði ríkislögreglustjóri með ákæru fyrir brot gegn lögum um virðisaukaskatt og fyrir brot gegn lögum um staðgreiðslu opinberra gjalda.

Ákærða var, sem framkvæmdastjóra og stjórnarformanni einkahlutafélags, sem úrskurðað var gjaldþrota 19. apríl 2000, gefið að sök að hafa brotið gegn lögum um virðisaukaskatt með því að hafa eigi, í samræmi við það sem lög áskilja, staðið sýslumanninum á Patreksfirði skil á virðisaukaskatti sem innheimtur var í nafni einkahlutafélagsins á árinu 1999, samtals að fjárhæð kr. 434.237.

Þá var ákærða gefið að sök að hafa brotið gegn lögum um staðgreiðslu opinberra gjalda með því að hafa eigi, í samræmi við það sem lög áskilja, staðið sýslumanninum á Patreksfirði skil á staðgreiðslu opinberra gjalda sem haldið var eftir af launum starfsmanna einkahlutafélagsins á árunum 1998 og 1999, samtals að fjárhæð kr. 11.592.725.

Ákærði játaði sök fyrir dómi. „Með skýlausri játningu hans, sem er í samræmi við rannsóknargögn lögreglu, telst sök hans nægilega sönnuð og varðar háttsemi hans við tilgreind lagaákvæði í ákærunni“, segir í dómi Héraðsdóms Vestfjarða. Í dómnum segir einnig, að ákærði hafi lagt fram yfirlýsingu þar sem rakið er að eignir einkahlutafélagsins hafi rýrnað um 110 milljónir króna í ársbyrjun 1999 er veiðileyfi hafi orðið verðlaus í kjölfar breytinga á lögum um stjórnun fiskveiða. Hafi rekstur félagsins þó ekki verið stöðvaður þá þegar þar sem fyrirsvarsmenn þess, þar á meðal ákærði, hafi verið vongóðir um að ríkissjóður myndi bæta tjón af þessum sökum. Félagið er nú gjaldþrota.

Hæstiréttur Íslands dæmdi hinn ákærða þann 18. febrúar 1999 í 6 mánaða fangelsi, skilorðsbundið í tvö ár, og í 4.400.000 kr. sekt, fyrir skilasvik og brot gegn lögum um staðgreiðslu opinberra gjalda. Með viðurlagaákvörðun þann 4. febrúar 2000 gekkst hann undir 250.000 kr. sekt fyrir brot gegn lögum um virðisaukaskatt og lögum um bókhald. Var það hegningarauki við greindan hæstaréttardóm. Í dómi Héraðsdóms Vestfjarða segir að refsingu ákærða fyrir brot hans nú beri að hluta að tiltaka sem hegningarauka við nefndan dóm Hæstaréttar, þ.e. vegna þeirra brota gegn lögum nr. 45/1987, sem hann framdi frá apríl 1998 til febrúar 1999.

„Ákærði kom fyrir lögreglu til skýrslugjafar 15. febrúar 2001, þ.e. áður en skilorðstími hæstaréttardómsins rann út. Rauf hann skilorð þess dóms með brotum sem hann framdi eftir uppsögu hans. Samkvæmt 60. gr. almennra hegningarlaga, sbr. 7. gr. laga nr. 24/1999 og 7. gr. laga nr. 22/1955 ber því að taka upp skilorðsbundinn hluta refsingar samkvæmt dómi Hæstaréttar og dæma hann í einu lagi með refsingu ákærða fyrir þau brot sem hann er nú sakfelldur fyrir. Við ákvörðun refsingarinnar ber samkvæmt ofansögðu að fara eftir ákvæðum 77. gr. og 78. gr. almennra hegningarlaga. Líta verður til þess að ákærði hefur áður verið dæmdur fyrir brot gegn lögum um virðisaukaskatt og var þá refsað m.a. samkvæmt 1. mgr. 262. gr. almennra hegningarlaga“, segir í dómnum.

Í dómsorði segir að ákærði skuli sæta 10 mánaða fangelsi, en fresta skuli fullnustu 7 mánaða þar af og sá hluti falla niður að liðnum 3 árum frá uppsögu þessa dóms, haldi ákærði almennt skilorð 57. gr. almennra hegningarlaga, sbr. 4. gr. laga nr. 22/1955. Ákærði greiði 30.000.000 kr. sekt til ríkissjóðs innan fjögurra vikna frá birtingu þessa dóms en sæti ella fangelsi í eitt ár. Ákærði greiði allan kostnað sakarinnar.

Erlingur Sigtryggsson héraðsdómari kvað upp dóminn.

bb.is | 27.09.16 | 16:50 Velunnurum þakkaður hlýhugur

Mynd með frétt Boðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira

bb.is | 27.09.16 | 14:50Píratar og Sjálfstæðisflokkur stærstir

Mynd með fréttPíratar og Sjálfstæðisflokkurinn mælast stærstir í nýjustu könnun MMR sem framkvæmd var dagana 20. til 26. september. Flokkarnir mælast þó með örlítið minna fylgi en í síðustu könnun þegar báðir flokkarnir mældust með 22,7% fylgi. Nú mælast Píratar með 21,6% og ...
Meira

bb.is | 27.09.16 | 13:23Vilja ráða sálfræðing og barnalækni í fastar stöður

Mynd með fréttReglulegar heimsóknir sérfræðinga við Heilbrigðisstofnun Vestfjarða eru umsetnar og oftast komast færri að en vilja. Í frétt á RÚV var greint frá því að á þriðja hundrað manns séu á biðlista eftir augnlækni, en slíkur kemur til Ísafjarðar fjórum til fimm ...
Meira

bb.is | 27.09.16 | 11:48Allt að 200 megavatta orka

Mynd með frétt„Þetta getur að mínu mati haft mikil áhrif á orkuöryggi þjóðarinnar, meiri en menn hafa verið að hugleiða hingað til. Ég tel að hægt sé að virkja allt að 200 MW á þessu svæði sem er utan hættusvæða vegna eldgosa og ...
Meira

bb.is | 27.09.16 | 09:37Gerir athugasemd við úreltar tölur

Mynd með fréttBæjarráð Ísafjarðarbæjar gerir athugasemd við að gamlar og úreltar tölur um fjölda skemmtiferðaskipa eru notaðar í drögum að matsáætlun Arnarlax fyrir 10.000 tonna laxeldi í Ísafjarðardjúpi. Í matsáætluninni er vísað í tölur frá 2009 þegar 29 skemmtiferðaskip komu til Ísafjarðar. Þeim ...
Meira

bb.is | 27.09.16 | 09:01Góðir gestir á minningartónleikum um Ragnar H. og Sigríði

Mynd með fréttHinir árlegu minningartónleikar um hjónin Sigríði Jónsdóttur og Ragnar H. Ragnar verða í Hömrum sunnudaginn 9.október kl. 17. Á tónleikunum koma fram ísfirski fiðluleikarinn Hjörleifur Valsson, fyrrum nemandi við Tónlistarskóla Ísafjarðar, sem nú starfar í Noregi og píanóleikarinn Ourania Menelaou. Hún ...
Meira

bb.is | 27.09.16 | 07:51Langvarandi fólksfækkun grafalvarleg

Mynd með fréttAf 74 sveitarfélögum fækkaði íbúum í 42 á árunum 2002 til 2016 en fjölgaði í 32. Mest fækkaði í sveitarfélögum á Vestfjörðum og Norðurlandi vestra. Þetta kom fram í kynningu Sigurðar Á. Snævarr, sviðsstjóra hag- og upplýsingasviðs Sambands íslenskra sveitarfélaga, á ...
Meira

bb.is | 26.09.16 | 16:52Uppáhaldslög einstaks tónlistarmanns

Mynd með fréttVilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira


Byggir á LiSA vefumsjónarkerfi frá Eskli