Frétt

| 21.06.2001 | 09:47Tíu sinnum gjaldþrota

Dæmi eru um menn sem hafa gert tíu fyrirtæki gjaldþrota á örfáum árum. Þessir menn eru nánast með prókúru á ríkissjóð, segir fjármálaráðuneytið. Ekkert er því til fyrirstöðu að vanskilamenn stofni ný og ný fyrirtæki. Visir.is greindi frá.
,,Ég hef séð menn sem hafa tekið þátt í tíu félögum sem hafa orðið gjaldþrota á fjögurra ára tímabili," segir Reynir Grétarsson, framkvæmdastjóri Lánstrausts. Engar reglur eru hér á landi sem stöðva þá sem stofna mörg hlutafélög sem síðan fara á hausinn. Víða í löndunum í kringum okkur geta menn sem hafa stýrt fleiri en tveimur hlutafélögum sem hafa orðið gjaldþrota ekki stofnað ný fyrirtæki. Hér er haldin skrá um slíkt sem getur orðið til þess að hlutafélög njóti ekki trausts." Í Þýskalandi er reglan sú að taki menn þátt í því að reka tvö fyrirtæki sem verða gjaldþrota fá þeir ekki framar að taka þátt í atvinnurekstri. Í Danmörku hins vegar er slíkum aðilum meinað að fá virðisaukaskattsnúmer.

Reynir segir að árangurslausum fjárnámum sem eru undanfari gjaldþrota hafi fjölgað mikið á síðustu mánuðum. Hann óttast að fyrirtæki séu að tapa verulegum fjárhæðum í kröfum sem ekki fást greiddar. Slík dómínóáhrif eru vel þekkt og geta orðið til þess að kröfuhafar lendi í vandræðum. Reynir segist hafa áhyggjur af því að slíkt tap leiti út í verðlagið og auki á verðbólguna. Gjaldþrot eru dýr fyrir samfélagið og leiki menn þann leik að setja fyrirtæki á hausinn, fylgir því verulegur kostnaður fyrir aðra.

Hjá fjármálaráðuneytinu fengust þær upplýsingar að þar á bæ hefði oft verið rætt um að það þyrfti að setja slíkar reglur. ,,Þetta hefur sérstaklega verið rætt hér vegna virðisaukaskattsins, því menn skrifa út reikninga og eru því nánast með prókúru á ríkissjóð með virðisaukaskattinum sem þeir innheimta," segir Ragnheiður Snorradóttir, lögfræðingur í fjármálaráðuneytinu. Hún segir að það sé auðvitað algjörlega óviðunandi að menn sem eru með ítrekuð vanskil stofni röð af fyrirtækjum og skilji síðan allt eftir í skuldum. Þess séu þó dæmi að menn hafi sætt refsingu fyrir að skila ekki vörslusköttum, en sú refsing sé oftast skilorðsbundin.

bb.is | 23.09.16 | 16:49 Ráðast í endurbætur á Guðmundarbúð

Mynd með frétt Til stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira

bb.is | 23.09.16 | 13:25Jólasúkkulaði í bígerð hjá Sætt og salt

Mynd með fréttMikið hefur verið að gera á súkkulaðiverkstæði Elsu G. Borgarsdóttur í Súðavík, þar sem hún framleiðir dýrindis súkkulaði undir merkjum Sætt og salt. Í haust bauð hún í fyrsta sinn upp á árstíðabundna vöru er hvítt súkkulaði með ferskum aðalbláberjum og ...
Meira

bb.is | 23.09.16 | 11:50Flateyringar beðnir afsökunar

Mynd með fréttHeilbrigðiseftirlit Vestfjarða brást ekki við á réttan hátt og stóð sig ekki í upplýsingagjöf um saurgerlamengun í neysluvatni Flateyringa sem upp kom í byrjun mánaðarins. Ísafjarðarbær var ekki látinn vita þegar saurgerlamengun greindist fyrst í neysluvatni Flateyringa. Þetta er haft eftir ...
Meira

bb.is | 23.09.16 | 09:22Utankjörfundaratkvæðagreiðsla hafin

Mynd með fréttUtankjörfundaratkvæðagreiðsla erlendis vegna alþingiskosninga 29. október 2016 hefst í dag og fer fram í öllum sendiráðum Íslands erlendis, aðalræðisskrifstofum Íslands í New York, Winnipeg, Nuuk og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands ...
Meira

bb.is | 23.09.16 | 09:01Bolungarvíkurkaupstaður opnar nýjan vef

Mynd með fréttNýr vefur hefur verið tekin í gagnið fyrir Bolungarvíkurkaupstað á vefslóðinni www.bolungarvik.is. Vefurinn lagar sig að ólíkum skjástærðum eins og skjám síma og smátölva ásamt því að virka vel á hefðbundnum tölvuskjá. Viðmót vefsins býður upp á ýmis frekari þægindi eins ...
Meira

bb.is | 23.09.16 | 07:34Tvöfaldar nemendafjöldann

Mynd með fréttFyrr í vikunni birti forsætisráðuneytið aðgerðaráætlun fyrir Vestfirði sem unnin var af nefnd um samfélags- og atvinnuþróun á Vestfjörðum undir forystu ráðuneytisins. Í aðgerðaráætluninni er lagt til að Háskólasetri Vestfjarða verði gert kleift að setja á fót nýja námsleið á meistarastigi ...
Meira

bb.is | 22.09.16 | 16:53Kómedíuleikhúsið frumsýnir í fertugasta sinn

Mynd með fréttÁ sunnudag frumsýnir Kómedíuleikhúsið nýjustu afurð sína; einleik um einbúann Gísla á Uppsölum. Er þetta 40. uppsetning hins vestfirska leikhúss frá því það tók til starfa árið 1997 og hafa öll leikverkin að einu undanskildu verið íslensk. Drjúgum tíma hefur verið ...
Meira

bb.is | 22.09.16 | 15:53Fjárhagslegur ávinningur má ekki skarast á við lífsgæði íbúa

Mynd með fréttÍ gær lauk skemmtiferðaskipavertíðin á Ísafirði þetta árið, er áttugasta og þriðja skemmtiferðaskipið kom í Skutulsfjörð – og hafa þau aldrei verið fleiri. Reyndar til útskýringa þá hafa skipin sem slík ekki verið 83, sum koma nokkrum sinnum yfir sumarmánuðina og ...
Meira

bb.is | 22.09.16 | 14:48Haustjafndægur í dag

Mynd með fréttHaustjafndægur eru í dag 22. september, nánar tiltekið kl. 14.21. Jafndægur eru tvisvar á ári, um 20.-21. mars og 22.-23. september. Tímasetningin hnikast örlítið milli ára, eftir því hvernig stendur á hlaupári. Jafndægur miðast við að þá er sólin beint yfir ...
Meira


Byggir á LiSA vefumsjónarkerfi frá Eskli