Frétt

| 21.03.2000 | 11:32Skíðasleði fyrir fatlað fólk

Elma Guðmundsdóttir frá Ísafirði í skíðasleða af þeirri gerð sem Íþróttafélagið Ívar vonast til að geta keypt, með góðri aðstoð þeirra sem þetta lesa.
Elma Guðmundsdóttir frá Ísafirði í skíðasleða af þeirri gerð sem Íþróttafélagið Ívar vonast til að geta keypt, með góðri aðstoð þeirra sem þetta lesa.
Í tengslum við Vetraríþróttahátíðina á Akureyri sem lauk fyrir rúmri viku var sérstök dagskrá fyrir fatlaða. Á hátíðina komu sérhæfðir leiðbeinendur frá Aspen í Colorado, allir fatlaðir, og önnuðust kennslu og ráðgjöf.
Frá Ísafirði fóru fulltrúar frá Íþróttafélaginu Ívari á hátíðina, kynntu sér það sem í boði er fyrir fatlaða og lærðu á skíðasleða sem voru á staðnum. Þessir skíðasleðar eru algjör bylting fyrir þá sem eru fatlaðir og hafa ekki möguleika á því að renna sér með hefðbundnum hætti.

Sleðana geta allir notað, hversu mikið fatlaðir sem þeir eru. Ef hinn fatlaði ræður ekki við að stjórna sleðanum sjálfur getur aðstoðarmaður skíðað með hann niður brekkurnar og þannig nýtur sá sem í sleðanum situr ferðarinnar. Veturinn er oft erfiður fötluðu fólki vegna þess hversu erfitt er oft að vera úti, en með sleða af þessu tagi er auðvelt að njóta útivistar.

Íþróttafélagið Ívar hyggur nú á kaup á skíðasleða til notkunar hér á svæðinu og mun sú fjárfesting koma því fatlaða fólki sem hér býr að góðum notum. Starfssvæði Íþróttafélagsins Ívars er Ísafjörður og nágrenni en virkir þátttakendur hafa einkum verið frá Ísafirði, Bolungarvík og Þingeyri. Byrjað verður á því að kaupa millistærð af sleða sem nýtist börnum og unglingum en stefnt er að því að kaupa einnig sem fyrst sleða fyrir fullorðna.

Sleðar þessir eru dýrir og sá sem Íþróttafélagið Ívar hyggst kaupa kostar um 200 þúsund krónur. Félagið hefur fengið nokkrar góðar gjafir og styrki til kaupanna en þó vantar enn talsvert upp á. Öll aðstoð er því vel þegin frá þeim sem hafa áhuga á þessu verkefni eða vilja styrkja félagið. Hægt er að leggja inn á reikning í eigu Íþróttafélagsins Ívars í Landsbanka Íslands á Ísafirði: 0156 - 26 - 22350, eða hafa samband við formann félagsins, Hörpu Björnsdóttur, íþróttakennara á Ísafirði.

bb.is | 28.09.16 | 16:50 Grunnskólanemar dýrmætri reynslu ríkari eftir heimsókn til Þýskalands

Mynd með frétt Ísafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira


Byggir á LiSA vefumsjónarkerfi frá Eskli