Frétt

| 26.05.2001 | 12:06Þyrluspaðarnir rákust í stélið

TF-SIF, minni þyrla Landhelgisgæslunnar, skemmdist töluvert þegar hún nauðlenti á Snæfellsnesi um níuleytið í gærkvöldi, um átta kílómetrum vestan við Vegamót, á túni í eigu Stekkjarvalla. Fimm manns voru um borð og sakaði þá ekki. Stærri þyrla gæslunnar, TF-LÍF, fór á staðinn til að sækja áhöfn TF-SIF og með í för voru starfsmenn Rannsóknarnefndar flugslysa. TF-LÍF kom til Reykjavíkur með áhöfnina um miðnætti og í nótt átti að setja þyrluna á vörubílspall og koma henni til Reykjavíkur þar sem rannsókn á óhappinu heldur áfram. Mbl.is greindi frá.
Hafsteinn Hafsteinsson, forstjóri Landhelgisgæslunnar, sagði í samtali við Morgunblaðið um miðnætti, að ofsagt væri að vélin hefði brotlent heldur hefði tekist að lenda henni, en ekki væri vitað á þessu stigi hvað gerst hefði. "Númer eitt, tvö og þrjú er að engan sakaði," sagði Hafsteinn, en hinir fimm sem voru um borð í þyrlunni voru starfsmenn Landhelgisgæslunnar.

Skúli Jón Sigurðarson, formaður Rannsóknarnefndar flugslysa, sagði við blaðamenn Morgunblaðsins á slysstað í gærkvöldi, að þyrlan hefði verið að koma frá Rifi þegar óhappið átti sér stað, en þar tók hún eldsneyti eftir hefðbundið eftirlitsflug yfir Faxaflóa. Á flugi yfir fjallgarðinum varð áhöfnin vör við að þyrsluspaðarnir rákust í stélkant vélarinnar. Líklega hefði eitthvað gefið sig vegna ókyrrðar í lofti. Ákveðið hefði verið að lenda á fyrsta hentuga svæðinu á sunnanverðu nesinu. Lögregla frá Ólafsvík, Grundarfirði og Stykkishólmi var einnig kvödd á vettvang, en ekki reyndist þörf fyrir sjúkraflutninga þar sem áhöfnina sakaði ekki, eins og áður greinir.

Skúli Jón sagði málið vera komið í rannsókn nefndarinnar og bæði flug- og ferðaritar yrðu skoðaðir nákvæmlega. Ljóst er að mestu skemmdirnar urðu á þyrluspöðunum, stélinu og litlum vængjum á stélinu.

Jón Einarsson, bóndi á Ytra-Lágafelli, varð vitni að því þegar þyrlan lenti á túninu á næsta bæ, Stekkjarvöllum. Hann var ásamt eiginkonu sinni inni í stofu, þegar þau heyrðu óvenju hávært þyrluhljóð skammt frá og fóru strax út í glugga til að sjá hvað væri að gerast. Hljóðið hefði verið það hátt að kindurnar hentust heim að bænum.

,,Við sáum þyrluna lækka flugið hægt og rólega yfir þjóðveginum, líkt og um venjulega flugvél væri að ræða, og hún lenti síðan tafarlaust á túninu, á besta stað og á réttum kili. Flugmennirnir virtust hafa ágæta stjórn á þyrlunni og þegar ég leit í kíkinn sá ég áhöfnina koma strax út eftir lendinguna, ég taldi fimm menn. Það var ekkert óðagot á þeim og allt virtist vera í lagi með þá," sagði Jón.

Bóndinn á Stekkjarvöllum, Sveinn Guðjónsson, varð ekki vitni að óhappinu en í samtali við Morgunblaðið sagðist hann hafa komið á slysstað skömmu eftir að þyrlan lenti. Hann hefði viljað sjá hvað væri að gerast þar sem þyrlan var á hans landareign.

,,Þeir vildu helst ekki að komið yrði nálægt þyrlunni en ég sagðist nú eiga blettinn og vildi vita hvað gerst hefði. Mér var sagt að þyrlan hefði lent mjög harkalega," sagði Sveinn.

TF-SIF er af gerðinni Aerospatiale Dauphin II SA-365 N og kom hingað til lands árið 1985. Verðmæti hennar er áætlað um 200 milljónir króna. Þyrlan er tveggja hreyfla, sem hvor um sig eru 700 hestöfl. Til samanburðar má nefna að stærri þyrla Landhelgisgæslunnar, TF-LÍF, er búin tveimur 1.783 hestafla hreyflum. Í áhöfn eru fimm, tveir flugmenn, einn sigmaður, spilmaður og læknir. Unnt er að flytja átta farþega og getur þyrlan tekið fjórar sjúkrabörur. Hámarkshraði þyrlunnar er 324 km/klst og hámarksflugdrægni 720 km. Hámarksflugþol hennar er þrjár og hálf klukkustund.

Þyrlan er búin ýmsum sérútbúnaði, s.s. hitamyndasjá, leitarljósi, björgunarspili og eldsneytistæmingu á flugi. Þyrlan er einnig með vörukrók undir vélinni og er mesta lyftigeta um 1.300 kg miðað við bestu aðstæður. Þyrlan er einnig búin utanáliggjandi flotbúnaði, sem blæs upp við nauðlendingu í sjó.

bb.is | 26.09.16 | 16:52 Uppáhaldslög einstaks tónlistarmanns

Mynd með frétt Vilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira

bb.is | 26.09.16 | 14:56Reisa þrjú hús í vetur

Mynd með fréttÍ dag var greint frá að Húsasmiðjan reisir nýtt verslunarhús á Ísafirði og sjá Vestfirskir verktakar ehf. um byggingu hússins. Vestfirskir verktakar eru með fleiri járn í eldinum og eru nú að reisa tvær skemmur á Mávagarði. „Skemmurnar seldust eins og ...
Meira

bb.is | 26.09.16 | 13:23Vott og vindasamt á gangnafólk

Mynd með fréttÞað er ekki hægt að segja annað en heilt yfir hafi veðrið leikið við Vestfirðinga það sem af er árinu 2016. Veturinn var mildur, vorið fallegt og sumarið gott. Haustið fram til þessa hefur sýnt sína fegurstu ásjónu og einnig látið ...
Meira

bb.is | 26.09.16 | 11:48Húsasmiðjan opnar nýja verslun í vor

Mynd með fréttHúsasmiðjan opnar nýja verslun á Ísafirði vorið 2017 og hefur undirritað samning við Vestfirska verktaka um byggingu hins nýja húsnæðis við Æðartanga á Ísafirði. Nýja verslunin verður rúmir 1.100 fermetrar og mun sameina starfsemi Húsasmiðjunnar á Ísafirði á einn stað en ...
Meira

bb.is | 26.09.16 | 09:37Forvitnilegir fyrirlestrar um grænlensk samfélög

Mynd með fréttDr. Kåre Hendriksen, sérfræðingur um málefni Grænlands og dósent við danska Tækniháskólann, heldur tvo fyrirlestra um Grænland í Háskólasetri Vestfjarða í dag. Fyrri fyrirlesturinn fer fram í hádeginu og þar verður fjallað um félagshagfræðilegt mikilvægi grænlenskra byggða. Síðari fyrirlesturinn verður í ...
Meira

bb.is | 26.09.16 | 09:02Lilja Rafney sigraði í prófkjörinu

Mynd með fréttÚrslit úr prófkjöri Vinstri hreyfingarinnar – græns framboð í Norðvesturkjördæmi lágu fyrir í gær. Lilja Rafney Magnúsdóttir, alþingismaður frá Suðureyri, sigraði í prófkjörinu og Bjarni Jónsson, sveitarstjórnarmaður frá Sauðárkróki, varð í öðru sæti. Bjarni sóttist eftir fyrsta sæti líkt og Lilja ...
Meira

bb.is | 26.09.16 | 07:34Eyþór sýnir á RIFF

Mynd með fréttFlateyringurinn Eyþór Jóvinsson frumsýnir nýjustu afurð sína, stuttmyndina Litla stund hjá Hansa, á alþjóðlegu kvikmyndahátíðinni RIFF sem hefst í Reykjavík þann 29.september. Eyþór er bæði leikstjóri og handritshöfundur myndarinnar, sem er byggð á smásögu Þórarins Eldjárn. Það er annar Vestfirðingur, Tálknfirðingurinn ...
Meira

bb.is | 23.09.16 | 16:49Ráðast í endurbætur á Guðmundarbúð

Mynd með fréttTil stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira


Byggir á LiSA vefumsjónarkerfi frá Eskli