Frétt

| 24.05.2001 | 10:59Hlutur kvenna í fjölmiðlum

Hlutur kvenna í fjölmiðlum er mun minni en hlutur karla og þá það jafnt við um fréttamenn, viðmælendur, þáttastjórnendur og greinahöfunda. Kynjahlutafallið er að jafnaði 70% hlutur karla á móti 30% hlut kvenna. Þetta eru niðurstöður nefndar um konur og fjölmiðla. Visir.is greindi frá.
Nefnd um konur og fjölmiðla hefur skilað skýrslu með tillögum til menntamálaráðherra, en haustið 1998 skipaði ráðherra sameiginlega nefnd menntamálaráðuneytisins og Skrifstofu jafnréttismála um konur og fjölmiðla. Var nefndinni falið að gera tillögur um hvernig fylgja ætti eftir gr. 9.11 í framkvæmdaáætlun ríkisstjórnarinnar, sem er svohljóðandi:

,,Menntamálaráðuneytið mun beita sér fyrir athugun á aðgengi kvenna að fjölmiðlum og þá um leið þátttöku þeirra í ákvörðunum varðandi þróun þessara mála. Einnig verði kannað hvaða kven- og karlímyndir íslenskir fjölmiðlar birta og hvernig megi vinna markvisst að því að umfjöllun um líf og starf kvenna sýni þær í öllum sínum fjölbreytileika. Á grundvelli slíkra athugana verði unnið að stefnumótun á þessu sviði."

Meginverkefni nefndarinnar var að kanna íslenska fjömiðla með tilliti til stöðu kvenna, auk þess að leggja fram tillögur um hvort og hvaða hlutverki fjölmiðlar og aðrir hafa að gegna í þessum efnum. Bent hefur verið á í þessu sambandi að markvisst jafnréttisstarf geti auðveldað fjölmiðlum að endurskoða vinnuhefðir sínar og innra skipulag með það fyrir augum að framleiða fjölbreyttara, vandaðra og samkeppnishæfara efni.

Með hliðsjón af því hve fáar athuganir og rannsóknir hafa verið gerðar á íslenskum fjölmiðlum ákvað nefndin að gangast fyrir gerð tveggja rannsókna; annars vegar á innihaldi helstu fjölmiðla og hins vegar á viðhorfum blaða- og fréttamanna til starfs síns. Hluti fjölmiðlakönnunarinnar var endurtekinn rúmu ári síðar til að fá samanburð við fyrri niðurstöður. Áfanganiðurstöður þessara kannana hafa þegar verið kynntar fjölmiðlum.

Niðurstaða nefndar um konur og fjölmiðla er í megindráttum sú að hlutur kvenna í fjölmiðlum er mun minni en hlutur karla, og á það jafnt við um fréttamenn, viðmælendur, þáttastjórnendur, greinahöfunda osfrv. Kynjahlutfallið er að jafnaði 70% hlutur karla á móti 30% hlut kvenna.

Leggur nefndin til eftirfarandi leiðir til að auka hlut kvenna í fjölmiðlum:


1) að auka vitund fjölmiðlafólks. Niðurstöður nefndarinnar skulu kynntar á vinnustöðum fjölmiðlafólks. Ennfremur verði komið á fót gagnagrunni fyrir fjölmiðlafólk sem inniheldur upplýsingar um konur með sérþekkingu á ýmsum sviðum. Fjölmiðlafólk verði ennfremur hvatt til að kynna sér fræðsluefni evrópskra sjónvarpsstöðva um kynímyndir í sjónvarpi. Farið verði þess á leit við fjölmiðla að þeir fjalli um jafnréttismál og þeir hvattir til að skipa jafnréttisnefndir.

2) að auka fræðslu í skólum. Í því sambandi er bent á evrópskt fræðsluefni sem nota mætti til kennslu í hagnýtri fjölmiðlun í Háskóla Íslands og í fjölmiðlafræði í framhaldsskólum. Koma skuli upplýsingum um stöðu kvenna í fjölmiðlum inn í jafnréttisfræðslu í grunnskólum, t.d. lífsleikni.

3) að koma upplýsingum á framfæri við almenning. Störf nefndarinnar og rannsóknir sem gerðar hafa verið á vegum hennar verði kynntar. Konur verði almennt hvattar til að skorast ekki undan þátttöku í fjölmiðlum, t.d. með auglýsingum. Gerð verði sjónvarpsmynd í samvinnu við RÚV um það hvernig konur birtast í fjölmiðlum. Áslaug Dóra Eyjólfsdóttir fjölmiðlafræðingur var fengin verkefnisins og er gerð myndarinnar lokið. Hún ber heitið "Hver er á skjánum?" og verður á dagskrá Ríkissjónvarpsins fimmtudaginn 24. maí kl. 19:30.

Í nefnd um konur og fjölmiðla sátu: Hanna Katrín Friðriksen blaðamaður, sem jafnframt var formaður fyrri hluta starfstíma hennar, Þorgerður Katrín Gunnarsdóttir, alþingismaður og formaður nefndarinnar síðari hluta starfstíma nefndarinnar, Áslaug Dóra Eyjólfsdóttir fjölmiðlafræðingur, Hilmar Thor Bjarnason fjölmiðlafræðingur, Hjálmar Jónsson, formaður Blaðamannafélags Íslands og Gréta Ingþórsdóttir blaðamaður. Starfsmaður nefndarinnar var Helga Guðrún Jónasdóttir, Skrifstofu jafnréttismála.

bb.is | 29.09.16 | 09:58 Stórlaxasumri lokið í Langadalsá

Mynd með frétt Sumarið 2016 var mikið stórlaxaár í Langadalsá. Lokatölur liggja nú fyrir en alls var landað 245 löxum og 16 sjóbleikjum þetta árið og var aflinn 66% stórlaxar eða 161 stórlax á móti 84 smálöxum. Samkvæmt grófum útreikningum var meðallengd laxins í ...
Meira

bb.is | 29.09.16 | 08:57Fellst á umhverfismat en leggur til skilyrði

Mynd með fréttSkipulagsstofnun hefur gefið út álit á umhverfismati Fjarðalax og Arctic Sea Farm á allt að 17.500 tonna laxeldi í Patreksfirði og í Tálknafirði. Um er að ræða stækkun um 14.500 tonn, en Fjarðalax var fyrir með 3.000 tonna leyfi og Arctic ...
Meira

bb.is | 29.09.16 | 07:50Alþjóðlegur hópur kynnir sér störf vestfirskra björgunarsveita

Mynd með fréttÁtta sjóbjörgunarsveitarmenn víðsvegar að úr Evrópu eru nú staddir á norðanverðum Vestfjörðum að kynna sér störf björgunarsveitardeildanna sem hér starfa í skiptiprógrammi á vegum IMRF eða International Maritime Rescue Federation. Í því tekur þátt björgunarsveitarfólk frá þrettán sjóbjörgunarsveitum víðsvegar um Evrópu ...
Meira

bb.is | 28.09.16 | 16:50Grunnskólanemar dýrmætri reynslu ríkari eftir heimsókn til Þýskalands

Mynd með fréttÍsafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira


Byggir á LiSA vefumsjónarkerfi frá Eskli