Frétt

| 18.05.2001 | 10:04Með 30 þúsund á mánuði

Hannes Hólmsteinn Gissurarson prófessor fjallaði um hinn nýskipaða ræðismann Indónesíu á Íslandi í Málinu á Skjá einum. Hannes sagði meðal annars:

Jón Ólafsson í Skífunni hefur ásamt lögfræðingi sínum, Sigurði G. Guðjónssyni, keypt stóran hlut í Íslenskum aðalverktökum. Það hljóta strax að vakna grunsemdir um það, hvað þeir ætli sér að gera með þessum hlut. Allir vita, að Jón í Skífunni tefldi mjög djarflega, þegar hann keypti land í Garðabæ fyrir 700 milljónir króna í ársbyrjun 1999, fyrir rúmlega tveimur árum. Hann situr nú uppi með þetta land og á vafalaust í erfiðleikum með að standa skil á vöxtum og afborgunum af þeim dýru lánum, sem hann tók vegna landakaupanna.
Vextir eru miklu hærri og landið miklu torseljanlegra en hann hélt fyrir tveimur árum. En grunsemdir um það, að þeir félagar ætli sér að selja Íslenskum aðalverktökum landið, urðu að fullri vissu, þegar Sigurður G. Guðjónsson tók af fjölmiðlunum ómakið og lýsti því beinlínis yfir, að þeir Jón væri að reyna að selja Íslenskum aðalverktökum landið. Til þess hefðu þeir einmitt keypt hlut sinn. En sjá menn ekki, hversu óeðlilegt þetta er? Á Jón Ólafsson að vera beggja vegna borðsins? Hann á landið í Garðabæ einn, en hann á í Íslenskum aðalverktökum með mörgum öðrum, þar á meðal ríkinu. Hagsmunir hans eru vitaskuld að selja landið sem dýrast. Hagsmunir Íslenskra aðalverktaka eru að kaupa landið sem ódýrast, ef það eru á annað borð hagsmunir þeirra að kaupa þetta land núna með þeirri óvissu, sem er um framtíðarskipulagningu þess. Um þetta mikla mál hefur hins vegar ríkt grafarþögn. Ekkert bendir til þess, að fjölmiðlar fylgist með því, hvort Jóni tekst nú að hlunnfara aðra hluthafa í Íslenskum aðalverktökum, eins og hann ætlar sér greinilega.

– – –

Þegar ég hef nokkrum sinnum reynt að rjúfa hina miklu þögn, sem er í kringum Jón Ólafsson í Skífunni, hefur verið reynt að hrópa mig niður, þó að ég hafi látið og muni láta það allt sem vind um eyru þjóta. En annað mál er líka alvarlegt. Jón Ólafsson er aðaleigandi Stöðvar tvö. En þar eru líka aðrir hluthafar. Jón lætur Stöð tvö greiða sér margar milljónir á mánuði fyrir ráðgjöf, sem rennur beint inn á sérstakan reikning hans á Cayman-eyjum í Karíbahafi. Hann gefur hins vegar aðeins upp um 30 þús. króna mánaðartekjur, eins og frægt er orðið, og borgar það, sem kallað var í gamla daga vinnukonuútsvar. Ég tel, að hann sé með þessum milljónagreiðslum að hlunnfara aðra hluthafa í Stöð tvö. Þessar greiðslur eru með öllu óeðlilegar, og ég verð að lýsa furðu minni með það, að aðrir hluthafar skuli ekki hafa gripið til neinna aðgerða til að tryggja hag sinn, ekki síst núna, þegar miklir erfiðleikar steðja að Stöð tvö.

Að síðustu þetta. Jón Ólafsson hefur flutt til Lundúna í því skyni að komast hjá skattgreiðslum á Íslandi. Með því að gera þetta kemst hann hjá því að greiða skatta á Íslandi, þótt nánast allar tekjur hans falli til á Íslandi. En nú berast fréttir um það, að hann sé orðinn ræðismaður Indónesíu á Íslandi. Hvernig getur maður, sem er búsettur í Lundúnum, orðið ræðismaður annars ríkis á Íslandi? Hvers vegna bendir enginn fjölmiðill á þetta? Er maðurinn ef til vill með lögheimili á báðum stöðum, í Reykjavík og í Lundúnum, þó að það sé óheimilt? Einu sinni var talað um sósíalisma andskotans, sem fælist í því að þjóðnýta tapið, en einkanýta gróðann. Eins mætti tala um kapítalisma andskotans, sem væri fólginn í því að nýta til fulls öll réttindin, en smeygja sér undan öllum skyldunum.

Hannes Hólmsteinn Gissurarson flutti þennan pistil í Málinu í fréttum Skjás eins mánudagskvöldið 14. maí.

Pistilinn í heild má lesa á Strik.is - Silfur Egils.

bb.is | 27.09.16 | 16:50 Velunnurum þakkaður hlýhugur

Mynd með frétt Boðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira

bb.is | 27.09.16 | 14:50Píratar og Sjálfstæðisflokkur stærstir

Mynd með fréttPíratar og Sjálfstæðisflokkurinn mælast stærstir í nýjustu könnun MMR sem framkvæmd var dagana 20. til 26. september. Flokkarnir mælast þó með örlítið minna fylgi en í síðustu könnun þegar báðir flokkarnir mældust með 22,7% fylgi. Nú mælast Píratar með 21,6% og ...
Meira

bb.is | 27.09.16 | 13:23Vilja ráða sálfræðing og barnalækni í fastar stöður

Mynd með fréttReglulegar heimsóknir sérfræðinga við Heilbrigðisstofnun Vestfjarða eru umsetnar og oftast komast færri að en vilja. Í frétt á RÚV var greint frá því að á þriðja hundrað manns séu á biðlista eftir augnlækni, en slíkur kemur til Ísafjarðar fjórum til fimm ...
Meira

bb.is | 27.09.16 | 11:48Allt að 200 megavatta orka

Mynd með frétt„Þetta getur að mínu mati haft mikil áhrif á orkuöryggi þjóðarinnar, meiri en menn hafa verið að hugleiða hingað til. Ég tel að hægt sé að virkja allt að 200 MW á þessu svæði sem er utan hættusvæða vegna eldgosa og ...
Meira

bb.is | 27.09.16 | 09:37Gerir athugasemd við úreltar tölur

Mynd með fréttBæjarráð Ísafjarðarbæjar gerir athugasemd við að gamlar og úreltar tölur um fjölda skemmtiferðaskipa eru notaðar í drögum að matsáætlun Arnarlax fyrir 10.000 tonna laxeldi í Ísafjarðardjúpi. Í matsáætluninni er vísað í tölur frá 2009 þegar 29 skemmtiferðaskip komu til Ísafjarðar. Þeim ...
Meira

bb.is | 27.09.16 | 09:01Góðir gestir á minningartónleikum um Ragnar H. og Sigríði

Mynd með fréttHinir árlegu minningartónleikar um hjónin Sigríði Jónsdóttur og Ragnar H. Ragnar verða í Hömrum sunnudaginn 9.október kl. 17. Á tónleikunum koma fram ísfirski fiðluleikarinn Hjörleifur Valsson, fyrrum nemandi við Tónlistarskóla Ísafjarðar, sem nú starfar í Noregi og píanóleikarinn Ourania Menelaou. Hún ...
Meira

bb.is | 27.09.16 | 07:51Langvarandi fólksfækkun grafalvarleg

Mynd með fréttAf 74 sveitarfélögum fækkaði íbúum í 42 á árunum 2002 til 2016 en fjölgaði í 32. Mest fækkaði í sveitarfélögum á Vestfjörðum og Norðurlandi vestra. Þetta kom fram í kynningu Sigurðar Á. Snævarr, sviðsstjóra hag- og upplýsingasviðs Sambands íslenskra sveitarfélaga, á ...
Meira

bb.is | 26.09.16 | 16:52Uppáhaldslög einstaks tónlistarmanns

Mynd með fréttVilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira


Byggir á LiSA vefumsjónarkerfi frá Eskli