Frétt

| 08.05.2001 | 15:08Tjón fyrir þjóðina og líka mig

,,Þetta er tjón fyrir þjóðina og líka fyrir mig. Þarna voru ýmsir persónulegir munir sem hafa tillfinningalegt gildi; myndir, bækur og eitthvað af húsgögnum sem aldrei verður bætt," sagði Svavar Gestsson sem missti búslóð sína í sjóinn. Ómetanleg listaverk glötuðust einnig. Visir.is greindi frá.
Svavar var í morgun staddur í Reykjavík ásamt konu sinni, Guðrúnu Ágústsdóttur, en þau eru á leið til Stokkhólms þar sem Svavar tekur við embætti sendiherra Íslands í Svíþjóð.

Fimmtán gámar fóru í hafið þegar eitt af skipum Samskipa fékk á sig brotsjó á leiðinni frá Ameríku til Íslands í fyrrinótt. Einn gámanna hafði að geyma hluta af búslóð Svavars Gestssonar sendiherra og þar á meðal voru fjögur listaverk í eigu Listasafns Íslands sem prýtt höfðu ræðismannsbústað Svavars í Winnipeg. Málverkin voru eftir Ásgrím Jónsson, Jóhannes Kjarval, Jóhannes Jóhannesson og Þorvald Skúlason; nær því ómetanlegir dýrgripir að mati listfræðinga.

,,Skipið fékk á sig mikinn brotsjó og ég spurðist sérstaklega fyrir um það hvort slys hefðu orðið á mönnum en svo mun ekki hafa verið. Skipverjar urðu hins vegar skelkaðir; svo mikið var þetta," sagði Svavar sem taldi lán þrátt fyrir allt að ekki skyldi verr fara.

Hefð er fyrir því að Listasafn Íslands láni málverk í sendiherrabústaði Íslands erlendis og eru þau vel tryggð, þó aldrei verði þau bætt með peningum. Svavar Gestsson sagði að fjölmörg verk hefðu í áranna rás farið yfir hafið, bæði í austur og vestur, með flugvélum og skipum en hér hefði því miður farið illa: ,,Þetta er eins og hvert annað slys sem ber að harma."

bb.is | 28.09.16 | 16:50 Grunnskólanemar dýrmætri reynslu ríkari eftir heimsókn til Þýskalands

Mynd með frétt Ísafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira


Byggir á LiSA vefumsjónarkerfi frá Eskli