Frétt

| 03.05.2001 | 11:05„Bara“ um einkamál eins manns að ræða?

Reykjanes við Djúp.
Reykjanes við Djúp.
Veruleg óánægja er með leyndarhjúp þann sem umlykur söluna á fasteignum Héraðsskólans í Reykjanesi. Eftir að búið var að ganga frá sölu eignanna til Hreins Sigurðssonar sagði hann eins og áður, aðspurður um fyrirhugaða nýtingu þeirra: „Það er bara mitt mál.“ Ýmsir aðrir eru þeirrar skoðunar, að það sé ekki „bara“ hans mál, hvað gert verður á þessum stað. Samkvæmt heimildum Bæjarins besta hefur ekkert samráð eða samband verið haft um söluna við landeigandann, Ísafjarðarbæ, né sveitarfélagið sem Reykjanes tilheyrir, Súðavíkurhrepp.
Embættismaður í menntamálaráðuneytinu sagði hins vegar í samtali við blaðið í morgun, þegar framangreindu var haldið fram: „Það er rangt að það hafi ekki verið haft samráð við sveitarstjórnir. Þær fylgdust með þessu allan tímann.“ Embættismaðurinn kvaðst ekki hafa séð samninginn um söluna: „Samninginn hef ég ekki. Það eru Ríkiskaup sem selja ríkiseignir. Það er þá þangað að leita eftir samningnum.“

Starfsmaður hjá Ríkiskaupum, sem varð fyrir svörum, kvaðst ekki vita hvort hann mætti láta samninginn í té. Hann taldi hugsanlegt að gefa upp einhver atriði úr honum og bað um að samband yrði haft síðar í dag.

Reykjanes við Ísafjarðardjúp er afar sérstæð og viðkvæm náttúruvin með jarðhita bæði uppi á landi og úti í sjó. Þar eru minjar um fyrstu „stóriðju“ á Íslandi, sem var saltvinnsla að frumkvæði Skúla Magnússonar og Landsnefndarinnar fyrri á síðasta þriðjungi 18. aldar. Í Reykjanesi er gömul sundlaug, að stofni til frá 1837, en þá hófst þar sundkennsla í „sundpolli“ sem grafinn var uppi á nesinu. Árið 1890 var pollurinn stækkaður og búin til stór sundlaug úr torfi. Löngu síðar var gerð 50 m sundlaug úr steinsteypu neðar á nesinu.

Í skólahúsunum í Reykjanesi er margt skólaminja og menningarminja frá liðinni öld, en á fjórða áratug hennar var stofnaður þar barnaskóli og litlu síðar héraðsskóli. Embættismaðurinn í menntamálaráðuneytinu sagði í samtali við blaðið, þegar hann var spurður um þær menningarminjar sem eru í húsunum í Reykjanesi sem seld hafa verið:

„Það er nú ekki alveg ráðið með þær allar, en það sem tilheyrir sögu skólans fylgir ekki með í sölunni. Ég býst við að það fari dálítið eftir því hvers konar rekstur verður þarna á staðnum. Ég býst við að það sem þykja vera mest menningarverðmæti í, skulum við segja, verði falið vörslu byggðasafns eða sveitarfélags, eftir því sem um semst.“

bb.is | 28.09.16 | 16:50 Grunnskólanemar dýrmætri reynslu ríkari eftir heimsókn til Þýskalands

Mynd með frétt Ísafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira


Byggir á LiSA vefumsjónarkerfi frá Eskli