Frétt

Leiðari 17. tbl. 2001 | 25.04.2001 | 11:33Holótt fjöll eða hagnýt fræði

Í grein í Morgunblaðinu fyrir nokkru var fjallað um „Menntunina í öndvegi á upplýsingatækniöld“ og þar m.a. gerð að umtalsefni gagnrýni sem íslenska menntakerfið hefur sætt að undanförnu.

Meðal viðmælenda greinarhöfundar var hinn landsþekkti frumkvöðull og athafnamaður, Kári Stefánsson, forstjóri Íslenskrar erfðagreiningar, sem segir að kalla þurfi samfélagið allt til ábyrgðar í þessum efnum. Kári segist „alls ekki vera að lýsa sviðinni jörð“ hvað menntakerfið varðar og bætir við, eftir að hafa lítillega gert samanburð á skólagöngu ungmenna hér og jafnaldra þeirra erlendis, og kveðið upp úr með að það sé „mjög erfitt að vera fullgildur einstaklingur í nútímasamfélagi án þess að búa yfir ákveðinni tæknikunnáttu, sem veitir aðgang að þekkingu í því þekkingarþjóðfélagi, sem við nú lifum og hrærumst í“, og „að kominn sé tími til að samfélagið sem heild fari að velta því fyrir sér af alvöru hvernig það vilji fjárfesta fyrir framtíðina með það að leiðarljósi hvað komi til með að auka mest líkurnar á því að við getum búið í þolanlegu samfélagi í framtíðinni.“

Og spyr síðan: „Viljum við setja peningana okkar í göng gegnum fjöll og undir firði eða viljum við fjárfesta í menntun barnanna okkar?“(Leturbr.BB)

Hvað það merkir almennt að vera „fullgildur einstaklingur“ í samfélaginu skal ósagt látið. Það er reyndar ekki skilgreint nánar í tilvitnuðu viðtali, utan samtengingarinnar við tæknikunnáttuna. Sé litið til baka er ljóst að máttarstólpar liðinna ára rykféllu ekki allir í skólastofum. Með þessum orðum er engan veginn verið að gera lítið úr því að bókvitið sé í askana látið. Hinu er ekki að neita að í framsetningunni, hvort við viljum setja peninga okkar í göng í gegnum fjöll og undir firði eða fjárfesta í menntun barna okkar, birtist sérkennileg afstaða. Það er m.ö.o. með ólíkindum að halda því fram, að við verðum að velja á milli þess að mennta börnin okkar eða koma á nothæfu vegakerfi í landinu.

Forsenda þess að byggð haldist utan þéttbýlisins við Faxaflóa eru góðar samgöngur. Og greiðar og góðar samgöngur fást aldrei á Íslandi nema með því í stórauknum mæli að stytta sér leiðir undir eða yfir firði og gegnum fjöll í stað þess að andskotast með vegi fyrir hvern fjörðinn á fætur öðrum og yfir fjöll og firnindi, sem í besta falli verða aldrei annað en sumarvegir hvað færð og öryggi varðar. Og margfalt dýrari til lengri tíma litið.

Holótt fjöll eða hagnýt fræði? Er með þessu verið að segja okkur, að ef við viljum að börnin okkar verði fullgildir einstaklingar í nútímasamfélagi, eins og það er orðað, þá verðum við öll að búa innan hundrað og einn plús eitthvað?
s.h.


bb.is | 30.09.16 | 16:54 Hvunndagshetja heiðruð

Mynd með frétt Sigurði Ólafssyni, fyrrum formanni Krabbameinsfélagsins Sigurvonar, var afhent bleika slaufan í gær sem þakklætisvott fyrir vel unnin störf í þágu Sigurvonar. Bíi, eins og hann er betur þekktur í daglegu tali, lét af störfum fyrr á árinu eftir 15 ára formennsku. ...
Meira

bb.is | 30.09.16 | 15:21Svar ráðherra kemur ekki á óvart

Mynd með fréttSvar Ólafar Nordal innanríkisráðherra við fyrirspurn Jóhönnu Maríu Sigmundsdóttur, þingmanns Framsóknarflokksins í Norðvesturkjördæmi, kemur Pétri G. Markan, sveitarstjóra Súðavíkurhrepps ekki á óvart. Jóhanna María spurði ráðherra hvenær væri er ráðgert að rannsóknir og undirbúningur fyrir jarðgangagerð á milli Skutulsfjarðar og Álftafjarðar ...
Meira

bb.is | 30.09.16 | 13:4914,5 kílómetri af jarðstrengjum komnir í jörð

Mynd með fréttFjarskiptamál í Önundarfirði hafa tekið miklum stakkaskiptum, en í vikunni var greint frá því að tvö ný fjarskiptamöstur væru komin til að þjónusta íbúa fjarðarins. Ekki nóg með það, heldur hafa miklar bætur verið gerðar á fjarskiptamálum á Ingjaldssandi er starfsmenn ...
Meira

bb.is | 30.09.16 | 11:48Álftafjarðargöng ekki á dagskrá næsta áratuginn

Mynd með fréttJarðgöng á milli Skutulsfjarðar og Álftafjarðar eru ekki á teikniborði yfirvalda allt fram til ársins 2026 samkvæmt svari Ólafar Nordal innanríkisráðherra við fyrirspurn Jóhönnu Maríu Sigmundsdóttur þingmanns framsóknarflokksins, sem spurði ráðherrann hvenær ráðgert væri að rannsóknir og undirbúningur fyrir göngin hæfust. ...
Meira

bb.is | 30.09.16 | 10:01Útibú verði á Suðurfjörðunum

Mynd með fréttBæjarstjórn Vesturbyggðar hvetur stjórnvöld að tryggja að eftirlit með fiskeldi í sjó sé með markvissum og ábyrgum hætti. Þetta kemur fram í bókun bæjarstjórnar frá því í gær. Í henni segir að gríðarlegu máli skipti að vel takist til með þeirri ...
Meira

bb.is | 30.09.16 | 09:26Mikill munur á rekstrarkostnaði grunnskóla

Mynd með fréttMeðalrekstrarkostnaður á hvern nemanda í grunnskólum landsins vegna yfirstandandi skólaárs er 1,72 milljónir króna samkvæmt tölum Hagstofunnar. Rúmlega fimmfaldur munur er á hæsta og lægsta kostnaði nemenda milli sveitarfélaga samkvæmt tölum Sambands íslenskra sveitarfélaga. Frá þessu er greint í Fréttablaðinu í ...
Meira

bb.is | 30.09.16 | 07:50Ráðgjafa- og nuddsetrið opnar á nýjum stað

Mynd með fréttRáðgjafa- og nuddsetrið á Ísafirði hefur fært sig um set og opnaði í dag í nýjum húsakynnum við Hafnarstræti 4, mitt í miðbænum þar sem Gullauga var áður til húsa. Það er Stefán Dan Óskarsson sem er potturinn og pannan á ...
Meira

bb.is | 29.09.16 | 17:07Vestfirðir verði ríkt samfélag

Mynd með fréttInnan áratugar munu útflutningstekjur af laxeldi á sunnanverðum Vestfjörðum geta numið 50 milljörðum króna á ári. Þetta er mat Matthíasar Garðarssonar, stofnanda Arnarlax, en hann hefur fjögurra áratuga reynslu á vettvangi atvinnugreinarinnar. Ég hef trú á því að auðveldlega megi ...
Meira

bb.is | 29.09.16 | 16:13Biðlistar vegna skorts á gistiplássi

Mynd með fréttErlent gönguskíðafólk hefur sýnt Fossavatnsgöngunni æ meiri áhuga, en skortur á gistiplássum Ísafirði veldur því að færri komast að en vilja . Daníel Jakobsson, stjórnarformaður Fossavatnsgöngunnar, nefnir sem dæmi að norsk ferðaskrifstofa sem selur ferðir á Fossavatnsgönguna er með 70 manns ...
Meira

bb.is | 29.09.16 | 14:50Stöndum fyrir kerfisbreytingar

Mynd með fréttAlþingiskosningar eru eftir rétt rúmar fjórar vikur og stjórnmálaflokkarnir flestir búnir að leggja fram lista sína. Nokkur ný framboð verða í kjöri og einna mest hefur borið á Viðreisn, en flokkurinn hefur mælst ágætlega í skoðanakönnunum síðustu vikur. Ísfirðingurinn Gylfi Ólafsson ...
Meira


Byggir á LiSA vefumsjónarkerfi frá Eskli