Frétt

| 06.03.2000 | 15:52Frábær árangur á Unglingamóti KR

Margrét Halldórsdóttir þjálfari ásamt yngstu börnunum sem fóru á KR-mótið syðra um helgina.
Margrét Halldórsdóttir þjálfari ásamt yngstu börnunum sem fóru á KR-mótið syðra um helgina.
Krakkarnir í Sundfélaginu Vestra á Ísafirði urðu sér og sínum til mikils sóma á Unglingamóti KR í Sundhöll Reykjavíkur um síðustu helgi. Lið Vestra varð í 4. sæti af 17 í stigakeppni liða og verður það að teljast frábær árangur, ekki síst þegar þess er gætt, að á mótinu kepptu aðeins yngri krakkarnir frá Vestra. Hinir eldri voru heima á meðan að æfa fyrir Innanhúsmeistaramót Íslands sem haldið verður á Keflavíkurflugvelli um aðra helgi. Önnur félög sendu hins vegar fullskipuð lið á mótið.
Tuttugu og fjórir krakkar frá Vestra á aldrinum frá níu til fjórtán ára fóru á mótið undir fararstjórn Margrétar Halldórsdóttur þjálfara yngri flokkanna og Inga Þórs Ágústssonar þjálfara eldri flokka hjá Vestra. Verðlaunasætin hjá krökkunum urðu ámóta mörg og þeir sjálfir eða á þriðja tuginn og allir voru að bæta tímana sína og sumir verulega. Tímarnir voru mjög góðir og hægt er að endurtaka hér það sem fram kom í Bæjarins besta um jólaleytið í vetur, að svo virðist sem ný gullöld sé í uppsiglingu hjá Sundfélaginu Vestra á Ísafirði.

Meðal þeirra sem bestum árangri náðu á mótinu syðra má nefna Hannibal Hafberg, Braga Þorsteinsson, Ólafíu Kristjánsdóttur, Kristjönu Pálsdóttur, Hjalta Rúnar Oddsson, Þór Sveinsson og Gísla Kristjánsson. Bragi varð 2. stigahæsti sveinninn á mótinu, Þór varð 2. stigahæstur í drengjaflokki og Hjalti Rúnar varð 3. stigahæstur.

Á laugardaginn eru allir velkomnir á sundsýningu allra yngstu krakkanna í Vestra, sem verður haldin í Sundhöll Ísafjarðar. Þar verða fimm ára börn sem farin eru að æfa hjá félaginu tvisvar í viku, svo og krakkar á aldrinum frá sex til átta ára. Sýningin hefst klukkan fjögur síðdegis og stendur líklega um tvo tíma.

Í þessari viku leitar Sundfélagið Vestri eftir stuðningi bæjarbúa við félagsstarfið. Efnt verður til línuhappdrættis af því tagi sem vel er þekkt hér vestra, en vinningarnir verða kökur. Þær verða síðan keyrðar út til hinna heppnu á sunnudaginn, þannig að þeir fái þá eitthvað gott og óvænt með kaffinu.

bb.is | 29.09.16 | 17:07 Vestfirðir verði ríkt samfélag

Mynd með frétt Innan áratugar munu útflutningstekjur af laxeldi á sunnanverðum Vestfjörðum geta numið 50 milljörðum króna á ári. Þetta er mat Matthíasar Garðarssonar, stofnanda Arnarlax, en hann hefur fjögurra áratuga reynslu á vettvangi atvinnugreinarinnar. Ég hef trú á því að auðveldlega megi ...
Meira

bb.is | 29.09.16 | 16:13Biðlistar vegna skorts á gistiplássi

Mynd með fréttErlent gönguskíðafólk hefur sýnt Fossavatnsgöngunni æ meiri áhuga, en skortur á gistiplássum Ísafirði veldur því að færri komast að en vilja . Daníel Jakobsson, stjórnarformaður Fossavatnsgöngunnar, nefnir sem dæmi að norsk ferðaskrifstofa sem selur ferðir á Fossavatnsgönguna er með 70 manns ...
Meira

bb.is | 29.09.16 | 14:50Stöndum fyrir kerfisbreytingar

Mynd með fréttAlþingiskosningar eru eftir rétt rúmar fjórar vikur og stjórnmálaflokkarnir flestir búnir að leggja fram lista sína. Nokkur ný framboð verða í kjöri og einna mest hefur borið á Viðreisn, en flokkurinn hefur mælst ágætlega í skoðanakönnunum síðustu vikur. Ísfirðingurinn Gylfi Ólafsson ...
Meira

bb.is | 29.09.16 | 13:33Grunnskóli Bolungarvíkur hlaut landsverðlaun eTwinning á Íslandi

Mynd með fréttRannís, Landskrifstofa eTwinning á Íslandi veitti í gær 13 eTwinning verkefnum gæðamerki, jafnframt því sem Grunnskóli Bolungarvíkur hlaut þar sérstök landsverðlaun fyrir eitt verkefni sinna. Ágúst Hjörtur Ingþórsson, sviðsstjóri mennta- og menningarsviðs Rannís, afhenti viðurkenningarnar við hátíðlega athöfn að loknum Menntabúðum ...
Meira

bb.is | 29.09.16 | 11:48Herdís Anna í West Side Story

Mynd með fréttHerdís Anna Jónasdóttir heldur áfram að gera það gott í Þýskalandi, en hún starfar við óperuna og leikhúsið í Saarbrücken. Um helgina verður þar frumsýndur hinn vinsæli söngleikur West Side Story og er Herdís Anna þar í aðalhlutverki sem María. Uppselt ...
Meira

bb.is | 29.09.16 | 09:58Stórlaxasumri lokið í Langadalsá

Mynd með fréttSumarið 2016 var mikið stórlaxaár í Langadalsá. Lokatölur liggja nú fyrir en alls var landað 245 löxum og 16 sjóbleikjum þetta árið og var aflinn 66% stórlaxar eða 161 stórlax á móti 84 smálöxum. Samkvæmt grófum útreikningum var meðallengd laxins í ...
Meira

bb.is | 29.09.16 | 08:57Fellst á umhverfismat en leggur til skilyrði

Mynd með fréttSkipulagsstofnun hefur gefið út álit á umhverfismati Fjarðalax og Arctic Sea Farm á allt að 17.500 tonna laxeldi í Patreksfirði og í Tálknafirði. Um er að ræða stækkun um 14.500 tonn, en Fjarðalax var fyrir með 3.000 tonna leyfi og Arctic ...
Meira

bb.is | 29.09.16 | 07:50Alþjóðlegur hópur kynnir sér störf vestfirskra björgunarsveita

Mynd með fréttÁtta sjóbjörgunarsveitarmenn víðsvegar að úr Evrópu eru nú staddir á norðanverðum Vestfjörðum að kynna sér störf björgunarsveitardeildanna sem hér starfa í skiptiprógrammi á vegum IMRF eða International Maritime Rescue Federation. Í því tekur þátt björgunarsveitarfólk frá þrettán sjóbjörgunarsveitum víðsvegar um Evrópu ...
Meira

bb.is | 28.09.16 | 16:50Grunnskólanemar dýrmætri reynslu ríkari eftir heimsókn til Þýskalands

Mynd með fréttÍsafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira


Byggir á LiSA vefumsjónarkerfi frá Eskli