Frétt

| 30.03.2001 | 07:06Mamma maðurinn er nakinn!

Aðgát skal höfð í nærveru sálar. Þetta er alþekktur frasi sem á fullan rétt á sér. En í dag setur að mér dálítinn hroll. Það er vegna þess að um daginn kom aðvörun frá Þjóðhagsstofnun um tök ríkisstjórnar á efnahagsmálum. Margir töluðu um að þetta bæri merki um frjálsræði Þjóðhagsstofnunar. Engum datt í hug að þetta hefði afdrifaríkar afleiðingar fyrir stofnunina. En viti menn, daginn eftir kemur forsætisráðherra og tilkynnir að leggja eigi niður þessa umræddu stofnun. Mjög varlega er farið í að tala um þetta í fjölmiðlum, enda eiga þeir allir undir högg að sækja í þessu svokallaða lýðræðisríki okkar.
Samt eru þeir varfærnislega að feta sig áfram, og tóku eftir og nóteruðu þögn framsóknarmanna, þeim er ekki alls varnað. Nokkrir sjálfstæðismenn göptu og tóku upp hanskann fyrir foringja sinn. Forsætisráðherra geystist galvaskur fram á völlinn og sagði að vinnan við að leggja stofnunina niður væri á lokastigi. Svo í dag kom svar frá Halldóri Ásgrímssyni að þetta hefði ekki verið rætt innan ríkisstjórnar eða Framsóknarflokks, auðvitað reyndi hann að fegra þessi orð sín, og láta sem þau þýddu eitthvað annað, en þarna er sannleikurinn.

Þjóðhagsstofustjóri var búinn að segja að hann skildi ekki í þessu, þar sem hann hefði fyrir ári síðan verið kosinn í nefnd til að endurskipuleggja stofnunina, en sú nefnd hafi aldrei komið saman. Samt eru nokkrir sjálfstæðismenn sem koma fram og styðja málflutning forsætisráðherra. Þess vegna setur að mér hroll. Það er alveg augljóst að hér ber mikið í milli. Hverju á maður að trúa? Á maður að trúa forsætisráðherra sem segir að málið sé komið á lokastig, og þá þeim pótintátum sem samþykkja málflutning hans, eða á maður að leggja trúnað á það sem utanríkisráðherra segir, og forstöðumaður Þjóðhagsstofnunar, og allir formenn stjórnarandstöðunnar?

Mín skoðun er sú að trúa beri málflutningi Framsóknarflokksins, málsvara Þjóðhagsstofnunar og forstöðumönnum stjórnarandstöðunnar. Og þá setur að manni hroll. Það er auðvitað skelfilegt að nokkur maður geti haft þau heljartök á fjölmiðlum, sem raun ber vitni. Enn skelfilegri er sú staðreynd að þeir menn sem kring um hann eru skuli telja sér til hagsbóta að láta vitleysuna ganga til enda, sennilega bara af því að það hentar þeim. Ég segi fyrir mig, eru þessi menn þess verðir að vera í forsvari fyrir stærsta flokk landsins? Og hvað með kjósendur, hve langt getur þetta gengið áður en hinn venjulegi Íslendingur segir hingað og ekki lengra? Hve langt getur þetta gengið áður en alþýða Ísalands segir nei takk, við viljum virkt lýðræði en ekki þessi heljartök, ráðabrugg og baktjaldamakk?

Fólk vill alltaf trúa þvi besta upp á fólk, þess vegna er hægt að teyma alþýðu manna mjög langt með óhreinlyndi og slubbuskap. En er þetta ekki að verða komið nóg? Við erum ennþá að kokgleypa öryrkjadóminn og það sem þar kom fram. Rétt nýbúin að svelgja í okkur lög á sjómenn í kjaradeilu, fyrir utan Valdimarsdóm og Vatneyrardóm og margt margt fleira.

Mín tilfinning er sú að hér sé ekkert lýðræði til lengur, heldur einræði í sinni verstu mynd. Þess vegna setur að mér hroll. Í raun og veru þá vita allir hvernig þetta er en það þorir bara enginn að segja það, ekki ég heldur. Ég myndi ekki voga mér að segja þetta undir nafni, því ég óttast um minn hag eins og allir aðrir. Er þetta málfrelsið sem menn eru að guma af að ríki hér? Er þetta það lýðræði sem menn vilja hafa? Ágætu kjósendur, ég veit að saklausir menn trúa ekki að kerfið geti verið svona rotið, en þetta mál sýnir svo ekki verður um villst að það er staðreyndin.

Og í þetta sinn vilja ekki einu sinni Framsóknarmenn kokgleypa ósómann. Og engin gerir neitt í málunum, þetta verður bara þaggað niður, vegna þess að ef menn fá velgju og vilja mótmæla, þá fá þeir bara að taka pokann sinn. Og það sem verra er, þetta mun verða svona meðan almenningur segir ekki neitt og gefur þessu fólki bara atkvæðið sitt á hverju sem gengur. Og þegar allt kemur til alls þá berum við fólkið í landinu verulega ábyrgð á ástandinu, með því að setja alltaf x við Déið á hverju sem gengur.

– Píslin.

bb.is | 23.09.16 | 16:49 Ráðast í endurbætur á Guðmundarbúð

Mynd með frétt Til stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira

bb.is | 23.09.16 | 13:25Jólasúkkulaði í bígerð hjá Sætt og salt

Mynd með fréttMikið hefur verið að gera á súkkulaðiverkstæði Elsu G. Borgarsdóttur í Súðavík, þar sem hún framleiðir dýrindis súkkulaði undir merkjum Sætt og salt. Í haust bauð hún í fyrsta sinn upp á árstíðabundna vöru er hvítt súkkulaði með ferskum aðalbláberjum og ...
Meira

bb.is | 23.09.16 | 11:50Flateyringar beðnir afsökunar

Mynd með fréttHeilbrigðiseftirlit Vestfjarða brást ekki við á réttan hátt og stóð sig ekki í upplýsingagjöf um saurgerlamengun í neysluvatni Flateyringa sem upp kom í byrjun mánaðarins. Ísafjarðarbær var ekki látinn vita þegar saurgerlamengun greindist fyrst í neysluvatni Flateyringa. Þetta er haft eftir ...
Meira

bb.is | 23.09.16 | 09:22Utankjörfundaratkvæðagreiðsla hafin

Mynd með fréttUtankjörfundaratkvæðagreiðsla erlendis vegna alþingiskosninga 29. október 2016 hefst í dag og fer fram í öllum sendiráðum Íslands erlendis, aðalræðisskrifstofum Íslands í New York, Winnipeg, Nuuk og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands ...
Meira

bb.is | 23.09.16 | 09:01Bolungarvíkurkaupstaður opnar nýjan vef

Mynd með fréttNýr vefur hefur verið tekin í gagnið fyrir Bolungarvíkurkaupstað á vefslóðinni www.bolungarvik.is. Vefurinn lagar sig að ólíkum skjástærðum eins og skjám síma og smátölva ásamt því að virka vel á hefðbundnum tölvuskjá. Viðmót vefsins býður upp á ýmis frekari þægindi eins ...
Meira

bb.is | 23.09.16 | 07:34Tvöfaldar nemendafjöldann

Mynd með fréttFyrr í vikunni birti forsætisráðuneytið aðgerðaráætlun fyrir Vestfirði sem unnin var af nefnd um samfélags- og atvinnuþróun á Vestfjörðum undir forystu ráðuneytisins. Í aðgerðaráætluninni er lagt til að Háskólasetri Vestfjarða verði gert kleift að setja á fót nýja námsleið á meistarastigi ...
Meira

bb.is | 22.09.16 | 16:53Kómedíuleikhúsið frumsýnir í fertugasta sinn

Mynd með fréttÁ sunnudag frumsýnir Kómedíuleikhúsið nýjustu afurð sína; einleik um einbúann Gísla á Uppsölum. Er þetta 40. uppsetning hins vestfirska leikhúss frá því það tók til starfa árið 1997 og hafa öll leikverkin að einu undanskildu verið íslensk. Drjúgum tíma hefur verið ...
Meira

bb.is | 22.09.16 | 15:53Fjárhagslegur ávinningur má ekki skarast á við lífsgæði íbúa

Mynd með fréttÍ gær lauk skemmtiferðaskipavertíðin á Ísafirði þetta árið, er áttugasta og þriðja skemmtiferðaskipið kom í Skutulsfjörð – og hafa þau aldrei verið fleiri. Reyndar til útskýringa þá hafa skipin sem slík ekki verið 83, sum koma nokkrum sinnum yfir sumarmánuðina og ...
Meira

bb.is | 22.09.16 | 14:48Haustjafndægur í dag

Mynd með fréttHaustjafndægur eru í dag 22. september, nánar tiltekið kl. 14.21. Jafndægur eru tvisvar á ári, um 20.-21. mars og 22.-23. september. Tímasetningin hnikast örlítið milli ára, eftir því hvernig stendur á hlaupári. Jafndægur miðast við að þá er sólin beint yfir ...
Meira


Byggir á LiSA vefumsjónarkerfi frá Eskli