Frétt

| 28.03.2001 | 13:44Dæmi um að greiningu og meðferð barna sé lokið áður en tími gefst til að rita skýrslu

Forstöðumaður Barnahúss hefur tilkynnt öllum barnaverndarnefndum að starfsmenn hússins séu hættir að skila til nefndanna skýrslum um rannsóknarviðtöl. „Nú er svo komið að skýrslur Barnahúss eru ritaðar allt að átta mánuðum eftir að rannsóknarviðtalið átti sér stað og þess eru dæmi að Barnahús hafi lokið greiningu og meðferð barnsins áður en unnist hefur tími til að skrifa þessa skýrslu“, segir í bréfi Vigdísar Erlendsdóttur, sálfræðings og forstöðumanns.
Félagsmálanefnd Ísafjarðarbæjar lýsir skilningi sínum á afstöðu og forgangsröðun stjórnenda Barnahúss en „harmar jafnframt að ekki sé betur en svo búið að jafnmikilvægri þjónustustofnun í barnaverndarmálum, að nauðsynlegt sé að grípa til slíkra úrræða“, eins og segir í bókun nefndarinnar. Bæjarráð Ísafjarðarbæjar tók undir þetta álit nefndarinnar á fundi sínum sl. mánudag.

Barnahús hóf starfsemi sína fyrir rúmum tveimur árum. Hugmyndin byggist á því að barn sem sætt hefur kynferðislegu ofbeldi þurfi aðeins að koma á einn stað þegar málið er rannsakað og þurfi ekki að endurtaka sögu sína margoft. Þá er markmiðið einnig að samhæfa eins og unnt er hlutverk barnaverndarnefnda og félagsmálayfirvalda annars vegar og hins vegar hlutverk lögreglu, saksóknara, lækna og fleiri við rannsókn mála.

Þegar rannsóknarviðtal fer fram í Barnahúsi er starfsmaður barnaverndarnefndar ávallt viðstaddur. Ef um er að ræða skýrslutöku fyrir dómi er barnaverndarnefnd tilkynnt um það og er henni heimilt að láta fulltrúa sinn eða starfsmann vera viðstaddan þegar skýrsla er tekin af barninu. Starfsmaður barnaverndarnefndar hefur því beinan aðgang að þeim upplýsingum sem barnið lætur í té um leið og þeirra er aflað, hvort sem um er að ræða könnun barnaverndarnefndar eða skýrslutöku fyrir dómi. Viðtalið er jafnframt tekið upp á myndband og hefur starfsmaðurinn tækifæri til að skoða myndbandið að viðtali loknu ef þess gerist þörf.

Hugmyndafræðin að baki starfsemi Barnahúss er tvíþætt: Að koma í veg fyrir endurtekið áfall hjá barni og að reyna að upplýsa mál eins vel og hægt er. Barnahús í Reykjavík er hannað sérstaklega til að börnum geti liðið vel þar þrátt fyrir áfall sem þau hafa orðið fyrir. Í Barnahúsi er sérútbúið viðtalsherbergi til að framkvæma rannsóknarviðtöl eða skýrslutökur.

Í Barnahúsi geta barnaverndarnefndir fengið ráðgjöf hjá sérfræðingum við upphaf máls og getur það leitt til þess að máli er vísað til Barnahúss eða að ráðgjöfin leiðir til annarrar úrlausnar hjá nefnd. Starfsmaður barnaverndarnefndar getur jafnframt fengið leiðbeiningar um könnun máls þegar tilkynning hefur borist. Barnaverndarnefndir geta beðið um rannsóknarviðtal sem lið í könnun barnaverndarnefndar þegar máli hefur ekki ekki verið vísað til rannsóknar hjá lögreglu. Nefndir geta einnig farið fram á rannsóknarviðtal sem er skýrslutaka af barni fyrir réttarvörslukerfið þegar máli hefur verið vísað til rannsóknar hjá lögreglu. Læknisskoðun er gerð ef barnaverndarnefnd, lögregla, forsjáraðilar barns eða barnið sjálft óska eftir því. Í Barnahúsi fer einnig fram greining og meðferð fyrir barn, hafi barnaverndarnefnd óskað eftir því og upplýsingar sem koma fram í rannsóknarviðtali gefa tilefni til að ætla að barn hafi þörf fyrir slíka þjónustu.

bb.is | 27.09.16 | 16:50 Velunnurum þakkaður hlýhugur

Mynd með frétt Boðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira

bb.is | 27.09.16 | 14:50Píratar og Sjálfstæðisflokkur stærstir

Mynd með fréttPíratar og Sjálfstæðisflokkurinn mælast stærstir í nýjustu könnun MMR sem framkvæmd var dagana 20. til 26. september. Flokkarnir mælast þó með örlítið minna fylgi en í síðustu könnun þegar báðir flokkarnir mældust með 22,7% fylgi. Nú mælast Píratar með 21,6% og ...
Meira

bb.is | 27.09.16 | 13:23Vilja ráða sálfræðing og barnalækni í fastar stöður

Mynd með fréttReglulegar heimsóknir sérfræðinga við Heilbrigðisstofnun Vestfjarða eru umsetnar og oftast komast færri að en vilja. Í frétt á RÚV var greint frá því að á þriðja hundrað manns séu á biðlista eftir augnlækni, en slíkur kemur til Ísafjarðar fjórum til fimm ...
Meira

bb.is | 27.09.16 | 11:48Allt að 200 megavatta orka

Mynd með frétt„Þetta getur að mínu mati haft mikil áhrif á orkuöryggi þjóðarinnar, meiri en menn hafa verið að hugleiða hingað til. Ég tel að hægt sé að virkja allt að 200 MW á þessu svæði sem er utan hættusvæða vegna eldgosa og ...
Meira

bb.is | 27.09.16 | 09:37Gerir athugasemd við úreltar tölur

Mynd með fréttBæjarráð Ísafjarðarbæjar gerir athugasemd við að gamlar og úreltar tölur um fjölda skemmtiferðaskipa eru notaðar í drögum að matsáætlun Arnarlax fyrir 10.000 tonna laxeldi í Ísafjarðardjúpi. Í matsáætluninni er vísað í tölur frá 2009 þegar 29 skemmtiferðaskip komu til Ísafjarðar. Þeim ...
Meira

bb.is | 27.09.16 | 09:01Góðir gestir á minningartónleikum um Ragnar H. og Sigríði

Mynd með fréttHinir árlegu minningartónleikar um hjónin Sigríði Jónsdóttur og Ragnar H. Ragnar verða í Hömrum sunnudaginn 9.október kl. 17. Á tónleikunum koma fram ísfirski fiðluleikarinn Hjörleifur Valsson, fyrrum nemandi við Tónlistarskóla Ísafjarðar, sem nú starfar í Noregi og píanóleikarinn Ourania Menelaou. Hún ...
Meira

bb.is | 27.09.16 | 07:51Langvarandi fólksfækkun grafalvarleg

Mynd með fréttAf 74 sveitarfélögum fækkaði íbúum í 42 á árunum 2002 til 2016 en fjölgaði í 32. Mest fækkaði í sveitarfélögum á Vestfjörðum og Norðurlandi vestra. Þetta kom fram í kynningu Sigurðar Á. Snævarr, sviðsstjóra hag- og upplýsingasviðs Sambands íslenskra sveitarfélaga, á ...
Meira

bb.is | 26.09.16 | 16:52Uppáhaldslög einstaks tónlistarmanns

Mynd með fréttVilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira


Byggir á LiSA vefumsjónarkerfi frá Eskli