Frétt

| 25.03.2001 | 15:02Hörð gagnrýni frá Þorsteini Vilhelmssyni, stjórnarformanni H.G. á Byggðastofnun

Hörð gagnrýni kom fram á Byggðastofnun í máli Þorsteins Vilhelmssonar, stjórnarformanns Hraðfrystihússins-Gunnvarar hf., á aðalfundi félagsins í gær. Segir hann stofnunina skekkja samkeppnisumhverfi fyrirtækja í landinu.
Þorsteinn sagði að HG hefði orðið til við sameiningu margra fyrirtækja og þessar sameiningar hefðu aldrei orðið að veruleika nema vegna þess að eigendur félaganna hefðu trúað að núverandi fiskveiðistjórnunarkerfi héldist. „Þeir sem fóru í upphafi að vinna með kvótakerfinu og sniðu sinn rekstur að því og þeim möguleikum sem kerfið bauð upp á eru þau fyrirtæki sem standa best að vígi,“ sagði hann. „Hin fyrirtækin sem aðlöguðu sig ekki kerfinu eru flest fyrirtæki sem urðu undir í samkeppninni. Endalausar lánveitingar, styrkir, gjafir, töpuð útlán í hundruðum milljóna eða milljörðum frá ríkinu, þá fyrst og fremst frá Byggðastofnun, til þeirra sem standa sig ekki eru óþolandi og skekkja samkeppnisstöðu annarra.“

Þorsteinn sagði að nýjasta og nærtækasta dæmið væri af rækjuverksmiðju Nasco í Bolungarvík en hún væri nú að fá fjármagn frá Byggðastofnun og það ekki í fyrsta skipti. „Það er erfitt fyrir fyrirtæki hér á svæðinu að keppa á jafnréttisgrundvelli við fyrirtæki sem eru á spena hjá Byggðastofnun. En hverjir ráða ríkjum hjá Byggðastofnun? Tveir þingmenn Vestfjarða eru í stjórn Byggðastofnunar en þeir eru báðir úr sama byggðarlaginu. Væri kannski réttara að kalla þá þingmenn Bolungarvíkur? Skattborgarar þessa lands eiga rétt á að vita hvernig vinnubrögð Byggðastofnunar eru. Fyrir utan þann fjáraustur sem nefndur hefur verið er rétt að nefna eitt dæmi. Byggðastofnun lánaði háa fjárhæð til þess að kaupa og reka skip frá Rússlandi með rússnesrki áhöfn. Það skip liggur nú í reiðileysi í Reykjavíkurhöfn með ónýta vél.“ Frá þessu var greint á Mbl.is.

Á aðalfundinum kom fram að hagnaður Hraðfrystihússins-Gunnvarar nam 23 milljónum kr. á síðasta ári, fjármunamyndun frá rekstri var alls 527 milljónir. Gat Þorsteinn þess að þetta væri hæsta hlutfall veltufjár frá rekstri hjá þeim sjávarútvegsfyrirtækjum sem birt hafa afkomu sína. Bókfært gengistap nam 229 milljónum og viðbótarkostnaður vegna olíuverðshækkana var 75 milljónir.

bb.is | 28.09.16 | 16:50 Grunnskólanemar dýrmætri reynslu ríkari eftir heimsókn til Þýskalands

Mynd með frétt Ísafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira


Byggir á LiSA vefumsjónarkerfi frá Eskli