Frétt

| 25.03.2001 | 08:16Flokksþing Framsóknar

Í Reykjavíkurbréfi Morgunblaðsins í dag, sunnudaginn 25. mars, er fjallað um nýafstaðið flokksþing Framsóknarflokksins. Þar segir meðal annars:

Flokksþing Framsóknarflokksins, sem haldið var um síðustu helgi, endurspeglaði eins og við mátti búast ákveðna togstreitu sem um skeið hefur staðið innan flokksins um það hvernig hann eigi að bregðast við breyttum tímum, nýjum viðhorfum og auknu vægi kjósenda á suðvesturhorni landsins.

Völd og áhrif Framsóknarflokksins hafa áratugum saman byggzt á sterku fylgi á landsbyggðinni og því misvægi atkvæða sem lengst af hefur ríkt á milli landsbyggðar og þéttbýlis.
Þungamiðja þjóðlífsins hefur færzt á Reykjavíkursvæðið, fólki hefur fækkað í sveitum og í þéttbýli á landsbyggðinni og smátt og smátt hefur mismunur á vægi atkvæða verið jafnaður. Þessar þjóðfélagsbreytingar hafa orðið til þess að Framsóknarflokkurinn er í þeirri hættu að verða smáflokkur sem skiptir litlu máli.

Þótt þessar breytingar hafi staðið yfir í langan tíma og blasað við öllum hefur það orðið hlutskipti Halldórs Ásgrímssonar utanríkisráðherra að vera í forystu flokksins í gegnum síðustu áfanga þessa breytingaskeiðs. Hann hefur reynt að mæta nýjum viðhorfum með breyttum áherzlum í stefnu flokksins en gengið það misjafnlega vel. Viðleitni Halldórs Ásgrímssonar í þessum efnum er fullkomlega skiljanleg enda má segja að hann sinnti ekki formannsskyldum sínum ef hann leitaðist ekki við að beina flokknum í nýjan farveg sem höfði betur til kjósenda á suðvesturhorninu.

Þetta er bakgrunnur þeirrar gagnrýni, sem formaður Framsóknarflokksins varð fyrir á flokksþinginu fyrir viku, þegar hann var sakaður um að færa flokkinn til hægri og hrekja kjósendur frá honum með Evrópustefnu sinni. Ekki er ólíklegt að þessi togstreita eigi eftir að magnast innan Framsóknarflokksins á næstu árum.

Stundum er gott fyrir formenn flokka að fá á sig gagnrýni á flokkssamkomum. Það gefur þeim tækifæri til að sýna hvað í þeim býr. Halldór Ásgrímsson barði harkalega frá sér á flokksþingi framsóknarmanna fyrir viku. Með þeim hörðu viðbrögðum styrkti hann stöðu sína innan flokksins sem var byrjuð að veikjast af margvíslegum ástæðum. Jafnframt vakti hann upp ýmsar spurningar um þróun stjórnmálanna á næstu árum.

Augljóst er að framsóknarmenn líta á vinstri-græna sem aðalkeppinauta sína um fylgi kjósenda á landsbyggðinni. Halldór Ásgrímsson lýsti þeim á flokksþinginu sem „fulltrúum afturhaldsins í landinu“. Hann bætti því við að þeir væru gömlu „kommúnistarnir“ endurbornir. Þetta eru þung orð.

Síðan sagði utanríkisráðherra: „Það má vel vera að við komum einhvern tímann til með að starfa með vinstri-grænum en sá flokkur verður þá að breyta um stefnu því að það er ekki hægt að starfa með þjóðmálaafli sem er á móti öllum sköpuðum hlutum. Ég hef ekki enn þá orðið var við það á Alþingi að þeir fylgi einhverju framfaramáli sem stefnir inn í framtíðina. Það má vel vera að aðrir hafi orðið varir við það og það hlýtur raunar að vera að aðrir hafi orðið varir við það miðað við það fylgi sem þeir hafa í skoðanakönnunum. En við eigum ekki að hlaupa til og breyta um kúrs vegna þessara skoðanakannana. Muna menn eftir því hvernig Borgaraflokkurinn reis hér í skoðanakönnunum? Muna menn eftir því hvernig flokkur Jóhönnu Sigurðardóttur reis hér í skoðanakönnunum? ... Ég hef ekki trú á því að það verði til langframa.“

Með þessum orðum kemst formaður Framsóknarflokksins býsna nærri því að útiloka samstarf við vinstri-græna í ríkisstjórn nema þá með mjög ströngum skilyrðum. Ætli þeir telji að Framsóknarflokkurinn sé í stöðu til að setja þeim skilyrði?

Þessar yfirlýsingar Halldórs Ásgrímssonar hafa verulega pólitíska þýðingu vegna þess að með þeim kemst hann mjög langt með að útiloka stjórnarmyndun til vinstri eftir næstu kosningar með þátttöku framsóknarmanna, vinstri-grænna og Samfylkingar.

Þrátt fyrir harkalega gagnrýni formanns Framsóknarflokksins vildi Steingrímur J. Sigfússon, formaður vinstri-grænna, ekki útiloka stjórnarsamstarf við Framsóknarflokkinn en sagði í samtali við Morgunblaðið sl. fimmtudag: „Ég er ekki að útiloka neitt en af hálfu Framsóknarflokksins vottaði ekki fyrir neinum tilburðum að opna dyr fyrir samstarf í aðrar áttir... Í framhaldi af flokksþingi Framsóknarflokksins horfir maður fyrst og fremst til þess hvort núverandi stjórnarandstaða nái að eflast þannig að hún þurfi ekki á Framsóknarflokknum að halda.“

Við lok þessa kjörtímabils mun Sjálfstæðisflokkurinn hafa haft stjórnarforystu á hendi í þrjú kjörtímabil. Þegar af þeirri ástæðu hafa margir velt því fyrir sér hvort mynduð

bb.is | 26.09.16 | 14:56 Reisa þrjú hús í vetur

Mynd með frétt Í dag var greint frá að Húsasmiðjan reisir nýtt verslunarhús á Ísafirði og sjá Vestfirskir verktakar ehf. um byggingu hússins. Vestfirskir verktakar eru með fleiri járn í eldinum og eru nú að reisa tvær skemmur á Mávagarði. „Skemmurnar seldust eins og ...
Meira

bb.is | 26.09.16 | 13:23Vott og vindasamt á gangnafólk

Mynd með fréttÞað er ekki hægt að segja annað en heilt yfir hafi veðrið leikið við Vestfirðinga það sem af er árinu 2016. Veturinn var mildur, vorið fallegt og sumarið gott. Haustið fram til þessa hefur sýnt sína fegurstu ásjónu og einnig látið ...
Meira

bb.is | 26.09.16 | 11:48Húsasmiðjan opnar nýja verslun í vor

Mynd með fréttHúsasmiðjan opnar nýja verslun á Ísafirði vorið 2017 og hefur undirritað samning við Vestfirska verktaka um byggingu hins nýja húsnæðis við Æðartanga á Ísafirði. Nýja verslunin verður rúmir 1.100 fermetrar og mun sameina starfsemi Húsasmiðjunnar á Ísafirði á einn stað en ...
Meira

bb.is | 26.09.16 | 09:37Forvitnilegir fyrirlestrar um grænlensk samfélög

Mynd með fréttDr. Kåre Hendriksen, sérfræðingur um málefni Grænlands og dósent við danska Tækniháskólann, heldur tvo fyrirlestra um Grænland í Háskólasetri Vestfjarða í dag. Fyrri fyrirlesturinn fer fram í hádeginu og þar verður fjallað um félagshagfræðilegt mikilvægi grænlenskra byggða. Síðari fyrirlesturinn verður í ...
Meira

bb.is | 26.09.16 | 09:02Lilja Rafney sigraði í prófkjörinu

Mynd með fréttÚrslit úr prófkjöri Vinstri hreyfingarinnar – græns framboð í Norðvesturkjördæmi lágu fyrir í gær. Lilja Rafney Magnúsdóttir, alþingismaður frá Suðureyri, sigraði í prófkjörinu og Bjarni Jónsson, sveitarstjórnarmaður frá Sauðárkróki, varð í öðru sæti. Bjarni sóttist eftir fyrsta sæti líkt og Lilja ...
Meira

bb.is | 26.09.16 | 07:34Eyþór sýnir á RIFF

Mynd með fréttFlateyringurinn Eyþór Jóvinsson frumsýnir nýjustu afurð sína, stuttmyndina Litla stund hjá Hansa, á alþjóðlegu kvikmyndahátíðinni RIFF sem hefst í Reykjavík þann 29.september. Eyþór er bæði leikstjóri og handritshöfundur myndarinnar, sem er byggð á smásögu Þórarins Eldjárn. Það er annar Vestfirðingur, Tálknfirðingurinn ...
Meira

bb.is | 23.09.16 | 16:49Ráðast í endurbætur á Guðmundarbúð

Mynd með fréttTil stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira

bb.is | 23.09.16 | 13:25Jólasúkkulaði í bígerð hjá Sætt og salt

Mynd með fréttMikið hefur verið að gera á súkkulaðiverkstæði Elsu G. Borgarsdóttur í Súðavík, þar sem hún framleiðir dýrindis súkkulaði undir merkjum Sætt og salt. Í haust bauð hún í fyrsta sinn upp á árstíðabundna vöru er hvítt súkkulaði með ferskum aðalbláberjum og ...
Meira

bb.is | 23.09.16 | 11:50Flateyringar beðnir afsökunar

Mynd með fréttHeilbrigðiseftirlit Vestfjarða brást ekki við á réttan hátt og stóð sig ekki í upplýsingagjöf um saurgerlamengun í neysluvatni Flateyringa sem upp kom í byrjun mánaðarins. Ísafjarðarbær var ekki látinn vita þegar saurgerlamengun greindist fyrst í neysluvatni Flateyringa. Þetta er haft eftir ...
Meira


Byggir á LiSA vefumsjónarkerfi frá Eskli