Frétt

Leiðari 12. tbl. 2001 | 21.03.2001 | 14:26Kristinn í salt

„Ég tel að við eigum að byggja á niðurstöðu auðlindanefndar og sníða agnúa af kerfinu en við verðum með einhverjum hætti að koma til móts við þær byggðir sem eiga allt sitt undir öflun hráefnis. Annars fjarar undan þeim.“

„Hlakka til að heyra útfærslur Kristins á stefnu sinni á flokksþingi. Legg áherslu á að ekki verði skapað öngþveiti eða kollsteypur. Markmiðið er að auka sátt um fiskveiðistjórnunina.“

„Núverandi fiskveiðistjórnunarkerfi hefur í stórum dráttum reynst vel og ekki ástæða til að gera á því breytingar.“

„Það er mín skoðun að fiskveiðistjórnunarkerfið eigi að vera til sífelldrar endurskoðunar. Við núverandi endurskoðun vil ég líta sérstaklega til hagsmuna byggðanna í landinu.“

„Ná þarf meiri sátt um stjórnun og fyrirkomulag fiskveiða í samfélaginu – eðlilegt að við endurskoðun laganna um stjórn fiskveiða verði byggt á niðurstöðum auðlindanefndar.“

„Það má hins vegar bæta og breyta [kvótakerfinu] í ljósi aðstæðna og sætta ólík sjónarmið með sanngirni að leiðarljósi.“

Framangreindar tilvitnanir eru í ummæli hinnar nýju forustu Framsóknarflokksins og kandídata, sem ekki höfðu erindi sem erfiði inn í æðstu embætti á flokksþinginu um helgina.

En til hvers þessi upprifjun?
Í fyrsta lagi til að undirstrika að Framsóknarforustan er ekki ein um boðun „einingar, sátta og sanngirni“ í kvótmálinu, og meina ekkert með því. Langt því frá.

Í öðru lagi til að árétta svipleg örlög frumvarpa á hinu háa Alþingi þegar flutningsmenn þeirra rísa upp gegn skapara sínum, flokknum. Tvö dæmi úr kvótasögunni: Tillaga Guðjóns Guðmundssonar og Guðmundar Hallvarðssonar um takmarkanir á framsali kvóta, flutt fyrir nokkrum árum, var svo kyrfilega svæfð í sjávarútvegsnefnd, að boði fyrrverandi sjávarútvegsráðherra, að flutningsmenn hafa ekki minnst á þetta áhugamál sitt síðan. Á flokksþingi Framsóknarflokksins nú um helgina sáu varðmenn kvótakerfisins sér þess einan kost að setja tillögur Kristins H. Gunnarssonar um breytingar á kerfinu í nefnd. Allir vita hvað þetta þýðir á máli stjórnmálamanna.

Kristinn var settur í salt. Fram á haustið þegar búið verður að kvótasetja steinbítinn, ýsuna og ufsann? Fram yfir næstu kosningar?

Og að lokum: Hversu lengi ætlum við, háttvirtir kjósendur, að láta stjórnmálamenn mata okkur á einskis verðum og meiningarlausum yfirlýsingum í mesta hagsmunamáli landsbyggðarinnar?
s.h.


bb.is | 23.09.16 | 16:49 Ráðast í endurbætur á Guðmundarbúð

Mynd með frétt Til stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira

bb.is | 23.09.16 | 13:25Jólasúkkulaði í bígerð hjá Sætt og salt

Mynd með fréttMikið hefur verið að gera á súkkulaðiverkstæði Elsu G. Borgarsdóttur í Súðavík, þar sem hún framleiðir dýrindis súkkulaði undir merkjum Sætt og salt. Í haust bauð hún í fyrsta sinn upp á árstíðabundna vöru er hvítt súkkulaði með ferskum aðalbláberjum og ...
Meira

bb.is | 23.09.16 | 11:50Flateyringar beðnir afsökunar

Mynd með fréttHeilbrigðiseftirlit Vestfjarða brást ekki við á réttan hátt og stóð sig ekki í upplýsingagjöf um saurgerlamengun í neysluvatni Flateyringa sem upp kom í byrjun mánaðarins. Ísafjarðarbær var ekki látinn vita þegar saurgerlamengun greindist fyrst í neysluvatni Flateyringa. Þetta er haft eftir ...
Meira

bb.is | 23.09.16 | 09:22Utankjörfundaratkvæðagreiðsla hafin

Mynd með fréttUtankjörfundaratkvæðagreiðsla erlendis vegna alþingiskosninga 29. október 2016 hefst í dag og fer fram í öllum sendiráðum Íslands erlendis, aðalræðisskrifstofum Íslands í New York, Winnipeg, Nuuk og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands ...
Meira

bb.is | 23.09.16 | 09:01Bolungarvíkurkaupstaður opnar nýjan vef

Mynd með fréttNýr vefur hefur verið tekin í gagnið fyrir Bolungarvíkurkaupstað á vefslóðinni www.bolungarvik.is. Vefurinn lagar sig að ólíkum skjástærðum eins og skjám síma og smátölva ásamt því að virka vel á hefðbundnum tölvuskjá. Viðmót vefsins býður upp á ýmis frekari þægindi eins ...
Meira

bb.is | 23.09.16 | 07:34Tvöfaldar nemendafjöldann

Mynd með fréttFyrr í vikunni birti forsætisráðuneytið aðgerðaráætlun fyrir Vestfirði sem unnin var af nefnd um samfélags- og atvinnuþróun á Vestfjörðum undir forystu ráðuneytisins. Í aðgerðaráætluninni er lagt til að Háskólasetri Vestfjarða verði gert kleift að setja á fót nýja námsleið á meistarastigi ...
Meira

bb.is | 22.09.16 | 16:53Kómedíuleikhúsið frumsýnir í fertugasta sinn

Mynd með fréttÁ sunnudag frumsýnir Kómedíuleikhúsið nýjustu afurð sína; einleik um einbúann Gísla á Uppsölum. Er þetta 40. uppsetning hins vestfirska leikhúss frá því það tók til starfa árið 1997 og hafa öll leikverkin að einu undanskildu verið íslensk. Drjúgum tíma hefur verið ...
Meira

bb.is | 22.09.16 | 15:53Fjárhagslegur ávinningur má ekki skarast á við lífsgæði íbúa

Mynd með fréttÍ gær lauk skemmtiferðaskipavertíðin á Ísafirði þetta árið, er áttugasta og þriðja skemmtiferðaskipið kom í Skutulsfjörð – og hafa þau aldrei verið fleiri. Reyndar til útskýringa þá hafa skipin sem slík ekki verið 83, sum koma nokkrum sinnum yfir sumarmánuðina og ...
Meira

bb.is | 22.09.16 | 14:48Haustjafndægur í dag

Mynd með fréttHaustjafndægur eru í dag 22. september, nánar tiltekið kl. 14.21. Jafndægur eru tvisvar á ári, um 20.-21. mars og 22.-23. september. Tímasetningin hnikast örlítið milli ára, eftir því hvernig stendur á hlaupári. Jafndægur miðast við að þá er sólin beint yfir ...
Meira


Byggir á LiSA vefumsjónarkerfi frá Eskli