Frétt

| 01.03.2001 | 11:54Vilja ná saman öllu áhugafólki um blak á norðanverðum Vestfjörðum

Hið árlega og gamalgróna blakmót hjá Skellunum á Ísafirði er nú haldið með nýju sniði í annað sinn. Mótið verður í íþróttahúsinu á Ísafirði á laugardaginn og stefna Skellurnar að því að fá á mótið sem allra flesta, unga og gamla, konur og karla, af öllum norðanverðum Vestfjörðum. Dregið verður saman í blönduð lið karla og kvenna og má búast við afar skemmtilegu móti.
Skellurnar eru hópur kvenna á Ísafirði sem hafa komið saman að spila blak í fjölmörg ár. „Við förum á mót tvisvar á ári“, segir Sigrún Sigvaldadóttir, ein af Skellunum, „og núna langar okkur að halda dálítið stærra mót hér en við erum vanar. Við vitum að margir æfa blak í Bolungarvík. Við vitum líka að blak hefur verið stundað á Þingeyri og þar er fólk sem hefur áhuga á því. Eins er á Flateyri og eflaust víðar hér um slóðir. Þess vegna ætlum við að halda opið mót þar sem allir geta komið sem hafa áhuga á blaki og þurfa ekki að tengjast neinum liðum.“ Fyrir utan þá sem áður er getið nefnir Sigrún sérstaklega nemendur í Menntaskólanum á Ísafirði, sem Skellurnar vonast til að sjá sem flesta á mótinu á laugardaginn.

Skellurnar sjálfar eru eintómar konur. Núna eru þær um 16 til 18 en hópurinn tekur stöðugum breytingum, eins og vonlegt er. Þær koma saman tvö kvöld í viku og spila þá í 100 mínútur í einu. Síðustu ellefu árin hafa þær farið á Íslandsmótið í blaki og á þessu ári fara þær á Bresamótið á Akranesi í þriðja sinn.

Eftir því sem best er vitað hefur blakiðkun hjá karlahópnum Ís-Öld (Ísfirskir öldungar) á Ísafirði lagst í dvala, að minnsta kosti um sinn. „Þeir eru innilega velkomnir að keppa með okkur“, segir Sigrún.

Hins vegar verður vissulega ekki sérstakt „öldungablak“ á laugardaginn heldur verður mótið fyrir alla aldurshópa. Upphitun hefst í íþróttahúsinu á Torfnesi á Ísafirði kl. 12 á hádegi á laugardaginn en keppnin sjálf hefst kl. 13. Allt áhugafólk um blak er beðið að hafa sem allra fyrst samband við Skellurnar í símum 456 4519, 456 4332 eða 456 4546. Þátttökugjaldið er 500 krónur.

bb.is | 26.09.16 | 16:52 Uppáhaldslög einstaks tónlistarmanns

Mynd með frétt Vilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira

bb.is | 26.09.16 | 14:56Reisa þrjú hús í vetur

Mynd með fréttÍ dag var greint frá að Húsasmiðjan reisir nýtt verslunarhús á Ísafirði og sjá Vestfirskir verktakar ehf. um byggingu hússins. Vestfirskir verktakar eru með fleiri járn í eldinum og eru nú að reisa tvær skemmur á Mávagarði. „Skemmurnar seldust eins og ...
Meira

bb.is | 26.09.16 | 13:23Vott og vindasamt á gangnafólk

Mynd með fréttÞað er ekki hægt að segja annað en heilt yfir hafi veðrið leikið við Vestfirðinga það sem af er árinu 2016. Veturinn var mildur, vorið fallegt og sumarið gott. Haustið fram til þessa hefur sýnt sína fegurstu ásjónu og einnig látið ...
Meira

bb.is | 26.09.16 | 11:48Húsasmiðjan opnar nýja verslun í vor

Mynd með fréttHúsasmiðjan opnar nýja verslun á Ísafirði vorið 2017 og hefur undirritað samning við Vestfirska verktaka um byggingu hins nýja húsnæðis við Æðartanga á Ísafirði. Nýja verslunin verður rúmir 1.100 fermetrar og mun sameina starfsemi Húsasmiðjunnar á Ísafirði á einn stað en ...
Meira

bb.is | 26.09.16 | 09:37Forvitnilegir fyrirlestrar um grænlensk samfélög

Mynd með fréttDr. Kåre Hendriksen, sérfræðingur um málefni Grænlands og dósent við danska Tækniháskólann, heldur tvo fyrirlestra um Grænland í Háskólasetri Vestfjarða í dag. Fyrri fyrirlesturinn fer fram í hádeginu og þar verður fjallað um félagshagfræðilegt mikilvægi grænlenskra byggða. Síðari fyrirlesturinn verður í ...
Meira

bb.is | 26.09.16 | 09:02Lilja Rafney sigraði í prófkjörinu

Mynd með fréttÚrslit úr prófkjöri Vinstri hreyfingarinnar – græns framboð í Norðvesturkjördæmi lágu fyrir í gær. Lilja Rafney Magnúsdóttir, alþingismaður frá Suðureyri, sigraði í prófkjörinu og Bjarni Jónsson, sveitarstjórnarmaður frá Sauðárkróki, varð í öðru sæti. Bjarni sóttist eftir fyrsta sæti líkt og Lilja ...
Meira

bb.is | 26.09.16 | 07:34Eyþór sýnir á RIFF

Mynd með fréttFlateyringurinn Eyþór Jóvinsson frumsýnir nýjustu afurð sína, stuttmyndina Litla stund hjá Hansa, á alþjóðlegu kvikmyndahátíðinni RIFF sem hefst í Reykjavík þann 29.september. Eyþór er bæði leikstjóri og handritshöfundur myndarinnar, sem er byggð á smásögu Þórarins Eldjárn. Það er annar Vestfirðingur, Tálknfirðingurinn ...
Meira

bb.is | 23.09.16 | 16:49Ráðast í endurbætur á Guðmundarbúð

Mynd með fréttTil stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira


Byggir á LiSA vefumsjónarkerfi frá Eskli