Frétt

| 27.02.2001 | 10:42Undirbúningsnámskeið í Þróunarsetri Vestfjarða á Ísafirði á fimmtudagskvöld

Fyrsta námskeiðið til undirbúnings fyrir samkeppni um gerð viðskiptaáætlana undir nafninu Nýsköpun 2001 verður haldið í Þróunarsetri Vestfjarða á Ísafirði á fimmtudag, 1. mars, frá kl. 17.15 til 21.30. Í keppninni eru vegleg peningaverðlaun í boði og fjórir íslenskir keppendur fara áfram í evrópska samkeppni. Keppnin er haldin í samvinnu við atvinnuþróunarfélög á hverjum stað og verða undirbúningsnámskeið haldin víða um land á næstunni. Dómnefnd velur úr innsendum áætlunum og verða verðlaun veitt við hátíðlega athöfn í haust. Þar verða einnig valdir fulltrúar Íslands í evrópsku keppnina sem lýkur með hátíðlegri athöfn í Brüssel í vetur.
Nánari upplýsingar frá Nýsköpunarsjóði atvinnulífsins varðandi keppnina fara hér á eftir.

Um þessar mundir er verið að hleypa af stokkunum í þriðja sinn samkeppni um gerð viðskiptaáætlana sem nefnist Nýsköpun 2001. Aðstandendur auk Nýsköpunarsjóðs atvinnulífsins eru Morgunblaðið, KPMG Endurskoðun hf. og Háskólinn í Reykjavík en þessir aðilar hafa undanfarin ár staðið fyrir keppninni. Sparisjóðirnir bætast nú jafnframt í hópinn og munu þeir taka virkan þátt í framkvæmdinni.

Glæsileg verðlaun
Verðlaun í Nýsköpun 2001 eru glæsileg. Fyrstu verðlaun eru 1 milljón króna og leiðsögn sérfræðinga KPMG. Önnur verðlaun eru 500 þúsund krónur. Þriðju verðlaun fá fimm aðilar – 100 þúsund krónur hver. Sparisjóðirnir munu jafnframt vera með svæðisbundin verðlaun. Þá munu fyrirtæki og nemar á framhalds- og háskólastigi fá sérstök hvatningarverðlaun.

Evrópukeppnin
Nýmæli í Nýsköpun 2001 eru að hún tengist í fyrsta sinn samkeppni sem Evrópusambandið stendur fyrir árlega. Þátttakendur í Nýsköpun 2001 keppa því jafnframt um rétt til að fara til Brussel í desember á þessu ári og taka fyrir Íslands hönd þátt í keppni um bestu evrópsku nýsköpunarverkefnin. Samband Sparisjóða hefur ákveðið að vera ásamt Nýsköpunarsjóði meginstyrktaraðili Evrópukeppninnar á Íslandi og gefur það keppninni verulega aukið vægi.

Í september á þessu ári verða kynntir sigurvegarar í Nýsköpun 2001. Við sama tilefni verða kynntir þeir fjórir aðilar sem keppa fyrir Íslands hönd í Evrópukeppninni. Í þá keppni eru allar viðskiptaáætlanir gjaldgengar sem berast fyrir 31. maí.

Í flokknum áhugaverðasta evrópska hugmyndin verður valið úr umsóknum sem berast frá háskólum eða framhaldsskólum. Annar flokkur er frumstig, hugmynd eða þróun sem er komin að framkvæmdastigi. Þriðji flokkurinn er stofnstig. Þar keppa fyrirtæki sem verið er að stofna eða eru nýstofnuð. Fjórði og síðasti flokkurinn sem keppt er í ber heitið útþensla og nýsköpun (fyrirtæki í sókn). Þess má geta að verið er að stofna samevrópskan fjárfestingarsjóð sem mun meðal annars beina sjónum sérstaklega að fyrirtækjum sem verða í keppninni. Það er því eftir miklu að slægjast að vera valinn sem fulltrúi Íslands í Brüssel.

Vaxandi keppni
Þátttaka í fyrri nýsköpunarsamkeppnunum hefur verið afar góð og er óhætt að segja að þær hafi verið kveikja fjölda hugmynda hérlendis. Í fyrra skráðu sig á sjöunda hundrað manns í keppnina og á fimmta hundrað manns sóttu námskeið um gerð viðskiptaáætlana. Fyrstu verðlaun í fyrra fékk Egill Jónsson tannlæknir fyrir áhugaverða hugmynd á sviði tannviðgerða. Önnur verðlaun fékk Intelscan Solutions sem framleiðir rakamælingatæki fyrir matvælaiðnað. Margir fleiri sem þátt hafa tekið í Nýsköpunarkeppnunum hafa náð góðum árangri á viðskiptasviðinu. Má þar nefna fyrirtækin Lux Inflecta og Spaksmannsspjarir.

Markmið Nýsköpunar 2001 er að stuðla að nýsköpun og frumkvæði í þjóðfélaginu og vinna þeirri hugsun brautargengi að sjálfstæður atvinnurekstur sé æskilegur og nauðsynlegur hverju þjóðfélagi. Stefnt er að því að allir þátttakendur hafi ávinning af átakinu þótt aðeins fáir vinni til eiginlegra verðlauna.

Skilafrestur 31. maí
Skilafrestur viðskiptaáætlana er til 31. maí á þessu ári. Þeir sem taka þátt í keppninni fá handbók og excel líkan. Ráðgjafar Sparisjóðanna verða þeim sem vilja til halds og trausts við gerð viðskiptaáætlananna og er það nýjung í keppninni. Haldin verða námskeið um allt land á næstu vikum fyrir þá sem vilja vera með. Unnið verður með Atvinnuþróunarfélögum á hverjum stað en gott samstarf hefur tekist við þau um framkvæmd keppninnar á landsbyggðinni. Dómnefnd velur úr innsendum áætlunum og verða verðlaun veitt við hátíðlega athöfn í seinni hluta september. Þar verða einnig valdir fulltrúar Íslands í evrópsku keppnina sem lýkur með hátíðlegri athöfn í Brussel í desember. Við það tækifæri verða valdir sigurvegar úr hópi meira en 20 Evrópuþjóða.

Allar nánari upplýsingar um N

bb.is | 27.09.16 | 16:50 Velunnurum þakkaður hlýhugur

Mynd með frétt Boðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira

bb.is | 27.09.16 | 14:50Píratar og Sjálfstæðisflokkur stærstir

Mynd með fréttPíratar og Sjálfstæðisflokkurinn mælast stærstir í nýjustu könnun MMR sem framkvæmd var dagana 20. til 26. september. Flokkarnir mælast þó með örlítið minna fylgi en í síðustu könnun þegar báðir flokkarnir mældust með 22,7% fylgi. Nú mælast Píratar með 21,6% og ...
Meira

bb.is | 27.09.16 | 13:23Vilja ráða sálfræðing og barnalækni í fastar stöður

Mynd með fréttReglulegar heimsóknir sérfræðinga við Heilbrigðisstofnun Vestfjarða eru umsetnar og oftast komast færri að en vilja. Í frétt á RÚV var greint frá því að á þriðja hundrað manns séu á biðlista eftir augnlækni, en slíkur kemur til Ísafjarðar fjórum til fimm ...
Meira

bb.is | 27.09.16 | 11:48Allt að 200 megavatta orka

Mynd með frétt„Þetta getur að mínu mati haft mikil áhrif á orkuöryggi þjóðarinnar, meiri en menn hafa verið að hugleiða hingað til. Ég tel að hægt sé að virkja allt að 200 MW á þessu svæði sem er utan hættusvæða vegna eldgosa og ...
Meira

bb.is | 27.09.16 | 09:37Gerir athugasemd við úreltar tölur

Mynd með fréttBæjarráð Ísafjarðarbæjar gerir athugasemd við að gamlar og úreltar tölur um fjölda skemmtiferðaskipa eru notaðar í drögum að matsáætlun Arnarlax fyrir 10.000 tonna laxeldi í Ísafjarðardjúpi. Í matsáætluninni er vísað í tölur frá 2009 þegar 29 skemmtiferðaskip komu til Ísafjarðar. Þeim ...
Meira

bb.is | 27.09.16 | 09:01Góðir gestir á minningartónleikum um Ragnar H. og Sigríði

Mynd með fréttHinir árlegu minningartónleikar um hjónin Sigríði Jónsdóttur og Ragnar H. Ragnar verða í Hömrum sunnudaginn 9.október kl. 17. Á tónleikunum koma fram ísfirski fiðluleikarinn Hjörleifur Valsson, fyrrum nemandi við Tónlistarskóla Ísafjarðar, sem nú starfar í Noregi og píanóleikarinn Ourania Menelaou. Hún ...
Meira

bb.is | 27.09.16 | 07:51Langvarandi fólksfækkun grafalvarleg

Mynd með fréttAf 74 sveitarfélögum fækkaði íbúum í 42 á árunum 2002 til 2016 en fjölgaði í 32. Mest fækkaði í sveitarfélögum á Vestfjörðum og Norðurlandi vestra. Þetta kom fram í kynningu Sigurðar Á. Snævarr, sviðsstjóra hag- og upplýsingasviðs Sambands íslenskra sveitarfélaga, á ...
Meira

bb.is | 26.09.16 | 16:52Uppáhaldslög einstaks tónlistarmanns

Mynd með fréttVilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira


Byggir á LiSA vefumsjónarkerfi frá Eskli