Frétt

| 16.02.2001 | 16:11Heildarfasteignagjöldin ekki sambærileg

Í vikublaðinu Bæjarins besta í þessari viku eru athugasemdir bæjarstjórans í Ísafjarðarbæ, Halldórs Halldórssonar, vegna samanburðar á fasteignagjöldum af einbýlishúsum á Ísafirði og í Kópavogi. Fram kom hér á vefnum í síðustu viku að húseiganda á Ísafirði er gert að greiða nánast sömu upphæð af liðlega 10 milljón króna eign og húseiganda í Kópavogi er gert að greiða af liðlega 20 milljón króna eign.
„Í fyrsta lagi er ekki rétt“, segir bæjarstjóri, „að ekki sé afsláttur til elli- og örorkulífeyrisþega hjá Ísafjarðarbæ. Hér er afslátturinn tekjutengdur og er að hámarki 55.000 kr. Miðað er við að ef tekjur eru yfir 2.050 þúsund hjá hjónum eða sambúðarfólki fellur afsláttur alveg niður. Hjá Kópavogi virðist vera fastur afsláttur 30.000 kr. án tillits til tekna hjá ellilífeyrisþegum en tekjutengdur hjá örorkulífeyrisþegum. Afsláttur til þessara hópa er 84% hærri hjá Ísafjarðarbæ en Kópavogi.

Í öðru lagi er ekki hægt að bera heildarfasteignagjöld saman. Aðeins er hægt að bera saman fasteignaskattinn því annar kostnaður, svo sem sorpeyðingargjald og fleiri þjónustugjöld, eru nokkuð fastar stærðir og mjög sambærilegar milli sveitarfélaga. Í því dæmi sem hér var tekið er fasteignaskattur í Kópavogi 76.343 kr. en 45.964 kr. á Ísafirði.

Í þriðja lagi er munur á %-álagningu þessara sveitarfélaga. Kópavogur er með 0,375% í A-álagningarstofni á móti 0,425% hjá Ísafjarðarbæ. Ég get nefnt sem dæmi að Garðabær er með 0,450% svo að Ísafjarðarbær er alls ekki með þeim hæstu í þessu. Þá get ég nefnt sem dæmi að Reykjavíkurborg sýnir 0,375% en nýtir svo 25% heimild til hækkunar sem ekki kemur fram í yfirliti.

Í fjórða lagi leggur Kópavogur visst á fermetra í lóðaleigu en Ísafjarðarbær með ákveðna % á lóðamat sem er algengari aðferð hjá sveitarfélögum.

Ef við tökum afsláttinn út úr dæminu í Kópavogi og skoðum heildargjöldin með öllu, má sjá að gjöldin á Ísafirði eru 27% lægri.“

BB 09.02.2001
Svipuð upphæð greidd af 10 milljón króna fasteign ...

bb.is | 23.09.16 | 16:49 Ráðast í endurbætur á Guðmundarbúð

Mynd með frétt Til stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira

bb.is | 23.09.16 | 13:25Jólasúkkulaði í bígerð hjá Sætt og salt

Mynd með fréttMikið hefur verið að gera á súkkulaðiverkstæði Elsu G. Borgarsdóttur í Súðavík, þar sem hún framleiðir dýrindis súkkulaði undir merkjum Sætt og salt. Í haust bauð hún í fyrsta sinn upp á árstíðabundna vöru er hvítt súkkulaði með ferskum aðalbláberjum og ...
Meira

bb.is | 23.09.16 | 11:50Flateyringar beðnir afsökunar

Mynd með fréttHeilbrigðiseftirlit Vestfjarða brást ekki við á réttan hátt og stóð sig ekki í upplýsingagjöf um saurgerlamengun í neysluvatni Flateyringa sem upp kom í byrjun mánaðarins. Ísafjarðarbær var ekki látinn vita þegar saurgerlamengun greindist fyrst í neysluvatni Flateyringa. Þetta er haft eftir ...
Meira

bb.is | 23.09.16 | 09:22Utankjörfundaratkvæðagreiðsla hafin

Mynd með fréttUtankjörfundaratkvæðagreiðsla erlendis vegna alþingiskosninga 29. október 2016 hefst í dag og fer fram í öllum sendiráðum Íslands erlendis, aðalræðisskrifstofum Íslands í New York, Winnipeg, Nuuk og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands ...
Meira

bb.is | 23.09.16 | 09:01Bolungarvíkurkaupstaður opnar nýjan vef

Mynd með fréttNýr vefur hefur verið tekin í gagnið fyrir Bolungarvíkurkaupstað á vefslóðinni www.bolungarvik.is. Vefurinn lagar sig að ólíkum skjástærðum eins og skjám síma og smátölva ásamt því að virka vel á hefðbundnum tölvuskjá. Viðmót vefsins býður upp á ýmis frekari þægindi eins ...
Meira

bb.is | 23.09.16 | 07:34Tvöfaldar nemendafjöldann

Mynd með fréttFyrr í vikunni birti forsætisráðuneytið aðgerðaráætlun fyrir Vestfirði sem unnin var af nefnd um samfélags- og atvinnuþróun á Vestfjörðum undir forystu ráðuneytisins. Í aðgerðaráætluninni er lagt til að Háskólasetri Vestfjarða verði gert kleift að setja á fót nýja námsleið á meistarastigi ...
Meira

bb.is | 22.09.16 | 16:53Kómedíuleikhúsið frumsýnir í fertugasta sinn

Mynd með fréttÁ sunnudag frumsýnir Kómedíuleikhúsið nýjustu afurð sína; einleik um einbúann Gísla á Uppsölum. Er þetta 40. uppsetning hins vestfirska leikhúss frá því það tók til starfa árið 1997 og hafa öll leikverkin að einu undanskildu verið íslensk. Drjúgum tíma hefur verið ...
Meira

bb.is | 22.09.16 | 15:53Fjárhagslegur ávinningur má ekki skarast á við lífsgæði íbúa

Mynd með fréttÍ gær lauk skemmtiferðaskipavertíðin á Ísafirði þetta árið, er áttugasta og þriðja skemmtiferðaskipið kom í Skutulsfjörð – og hafa þau aldrei verið fleiri. Reyndar til útskýringa þá hafa skipin sem slík ekki verið 83, sum koma nokkrum sinnum yfir sumarmánuðina og ...
Meira

bb.is | 22.09.16 | 14:48Haustjafndægur í dag

Mynd með fréttHaustjafndægur eru í dag 22. september, nánar tiltekið kl. 14.21. Jafndægur eru tvisvar á ári, um 20.-21. mars og 22.-23. september. Tímasetningin hnikast örlítið milli ára, eftir því hvernig stendur á hlaupári. Jafndægur miðast við að þá er sólin beint yfir ...
Meira


Byggir á LiSA vefumsjónarkerfi frá Eskli