Frétt

| 12.02.2001 | 16:27Rekstrarafkoman batnaði verulega milli ára

Hraðfrystihúsið í Hnífsdal.
Hraðfrystihúsið í Hnífsdal.
Rekstrartekjur Hraðfrystihússins-Gunnvarar hf. í Hnífsdal voru á síðasta ári 2.714 milljónir króna samanborið við 2.762 milljónir árið 1999. Á sama tíma voru rekstrargjöld 2.016 milljónir samanborið við 2.277 árið á undan. Stjórnunarkostnaður félagsins lækkaði úr 85 milljónum í 79 milljónir króna. Rekstrarhagnaður félagsins án afskrifta og fjármagnsliða er því um 698 milljónir króna á árinu 2000. Það eru um 26% af tekjum eftir að tekið hefur verið tillit til eigin afla, samanborið við 484 milljónir eða 18% af tekjum árið á undan. Veltufé frá rekstri var 536 milljónir en var 190,8 milljónir árið áður, sem er aukning um 149%.
Þetta kemur fram í tilkynningu frá félaginu, eftir að stjórn HG hf. samþykkti ársreikning félagsins fyrir árið 2000 á fundi sínum í dag.

Á árinu voru helstu fjárfestingar þessar: Veiðheimildir voru keyptar af Básafelli hf. í uphafi árs fyrir kr. 216,8 milljónir. Allt hlutafé í félögunum Trausta ehf. og Langeyri ehf. var keypt á árinu fyrir samtals kr. 184,3 milljónir og var kaupverðið greitt að mestu leyti með eigin hlutabréfum. Hlutafé félagsins var aukið um kr. 24,6 milljónir í desember síðastliðnum og var í árslok kr. 673,5 milljónir. Trausti ehf. og Langeyri ehf. voru síðan sameinuð Hraðfrystihúsinu-Gunnvöru hf. í árslok 2000.

Meðalfjöldi starfsmanna á árinu 2000 voru 170, miðað við fullt starf. Afkoma bolfiskveiða og bolfiskvinnslu, svo og sjófrystingar, var góð á árinu en afkoma rækjuveiða og rækjuvinnslu lakari.

Gengistap félagsins á árinu var kr. 229 milljónir samanborið við gengishagnað kr. 41 milljónir árið á undan. Setur það mark sitt á niðurstöðu rekstrarreiknings.

Hlutdeild í tapi dótturfélagsins Miðfells hf., sem er 40% í eigu félagsins, var kr. 17 milljónir. Sölukostnaður vegna Bessa ÍS-410 sem seldur var í lok árs 1999 nam kr. 33 milljónum á árinu og er sá kostnaður færður meðal annarra tekna og gjalda.

Í upphafi fiskveiðiársins, sem hófst 1. september 2000, höfðu fiskiskip félagins til ráðstöfunar fiskveiðiheimildir sem námu um 13.126 tonnum í þorskígildum af botnfiski og úthafsrækju, auk síldarkvóta sem samsvarar um 152 tonnum í þorskígildum. Einnig fékk félagið úthlutað í upphafi árs 574 þorskígildistonn af rækju á Flæmska hattinum og um 213 tonn af þorski í Barentshafi.

Hlutabréf félagsins voru tekin til rafrænnar skráningar hjá Verðbréfaskráningu Íslands 5. febrúar sl.

Verðbréfaþing Íslands hefur tilkynnt þær breytingar á reglum þingsins varðandi upplýsingaskyldu útgefanda verðbréfa, að nú skulu skráð hlutafélög skila ársfjórðungsuppgjöri í fyrsta sinni vegna 3. ársfjórðungs 2001. Í samræmi við þessar breytingar birti Hraðfrystihúsið-Gunnvör hf. ársfjórðungsuppgjör fyrir þriðja ársfjórðung ársins 2000.

Á árinu 2001 er reiknað með því að rekstri félagsins verði hagað með svipuðum hætti og verið hefur.

Aðalfundur félagsins verður haldinn þann 24. mars nk. kl. 14 í kaffisal félagsins í Hnífsdal. Ársreikningur félagsins mun liggja frammi á skrifstofu félagsins viku fyrir aðalfund og verða tilbúinn til dreifingar á aðalfundi.

Stjórn félagsins mun leggja eftirfarandi til við aðalfund: Greiddur verði 10% arður og munu hluthafar í lok dags 24.mars 2001 fá greiddan arð 11. apríl 2001. Viðskipti hlutabréfa án arðs munu hefjast 26. mars 2001.

bb.is | 26.09.16 | 16:52 Uppáhaldslög einstaks tónlistarmanns

Mynd með frétt Vilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira

bb.is | 26.09.16 | 14:56Reisa þrjú hús í vetur

Mynd með fréttÍ dag var greint frá að Húsasmiðjan reisir nýtt verslunarhús á Ísafirði og sjá Vestfirskir verktakar ehf. um byggingu hússins. Vestfirskir verktakar eru með fleiri járn í eldinum og eru nú að reisa tvær skemmur á Mávagarði. „Skemmurnar seldust eins og ...
Meira

bb.is | 26.09.16 | 13:23Vott og vindasamt á gangnafólk

Mynd með fréttÞað er ekki hægt að segja annað en heilt yfir hafi veðrið leikið við Vestfirðinga það sem af er árinu 2016. Veturinn var mildur, vorið fallegt og sumarið gott. Haustið fram til þessa hefur sýnt sína fegurstu ásjónu og einnig látið ...
Meira

bb.is | 26.09.16 | 11:48Húsasmiðjan opnar nýja verslun í vor

Mynd með fréttHúsasmiðjan opnar nýja verslun á Ísafirði vorið 2017 og hefur undirritað samning við Vestfirska verktaka um byggingu hins nýja húsnæðis við Æðartanga á Ísafirði. Nýja verslunin verður rúmir 1.100 fermetrar og mun sameina starfsemi Húsasmiðjunnar á Ísafirði á einn stað en ...
Meira

bb.is | 26.09.16 | 09:37Forvitnilegir fyrirlestrar um grænlensk samfélög

Mynd með fréttDr. Kåre Hendriksen, sérfræðingur um málefni Grænlands og dósent við danska Tækniháskólann, heldur tvo fyrirlestra um Grænland í Háskólasetri Vestfjarða í dag. Fyrri fyrirlesturinn fer fram í hádeginu og þar verður fjallað um félagshagfræðilegt mikilvægi grænlenskra byggða. Síðari fyrirlesturinn verður í ...
Meira

bb.is | 26.09.16 | 09:02Lilja Rafney sigraði í prófkjörinu

Mynd með fréttÚrslit úr prófkjöri Vinstri hreyfingarinnar – græns framboð í Norðvesturkjördæmi lágu fyrir í gær. Lilja Rafney Magnúsdóttir, alþingismaður frá Suðureyri, sigraði í prófkjörinu og Bjarni Jónsson, sveitarstjórnarmaður frá Sauðárkróki, varð í öðru sæti. Bjarni sóttist eftir fyrsta sæti líkt og Lilja ...
Meira

bb.is | 26.09.16 | 07:34Eyþór sýnir á RIFF

Mynd með fréttFlateyringurinn Eyþór Jóvinsson frumsýnir nýjustu afurð sína, stuttmyndina Litla stund hjá Hansa, á alþjóðlegu kvikmyndahátíðinni RIFF sem hefst í Reykjavík þann 29.september. Eyþór er bæði leikstjóri og handritshöfundur myndarinnar, sem er byggð á smásögu Þórarins Eldjárn. Það er annar Vestfirðingur, Tálknfirðingurinn ...
Meira

bb.is | 23.09.16 | 16:49Ráðast í endurbætur á Guðmundarbúð

Mynd með fréttTil stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira


Byggir á LiSA vefumsjónarkerfi frá Eskli