Frétt

| 09.02.2001 | 11:46Þriggja ára samningur gerður með fyrirvara um samþykki í almennri atkvæðagreiðslu

Pétur Sigurðsson, forseti ASV.
Pétur Sigurðsson, forseti ASV.
Samninganefndir ríkisins og Alþýðusambands Vestfjarða hafa undirritað kjarasamning fyrir ófaglært starfsfólk á öllum heilbrigðisstofnunum á Vestfjörðum, með fyrirvara um samþykkt hans í almennri atkvæðagreiðslu. Niðurstaða hennar ætti að liggja fyrir á sunnudag. Samningurinn nær til heilbrigðisstofnananna í Ísafjarðarbæ, Bolungarvík, Vesturbyggð og á Hólmavík. Starfsfólkið sem á hlut að máli er um 70-80 manns og vinnur einkum við aðhlynningu, ræstingu, þvotta og eldhússtörf. Ársverkin eru þó færri vegna þess að allmargir eru í hlutastörfum. Samningurinn verður m.a. kynntur á fundi með starfsfólki á sjúkrahúsinu á Ísafirði síðdegis í dag.
Nýi samningurinn er til þriggja ára og tekur við af samningi sem gerður var árið 1997. „Nú er samningstíminn orðinn miklu lengri en áður var, þegar samið var til eins árs í einu eða jafnvel til nokkurra mánaða“, segir Pétur Sigurðsson, forseti ASV.

„Við hér á Vestfjörðum erum síðastir í þessari samningalotu en þegar er búið að gera nokkuð á annan tug samninga um allt land. Þessir samningar eru eitthvað misjafnir en okkar samningur hefur alltaf verið tiltölulega góður miðað við hina. Jafnan hefur verið tekist á um það hvor væri betri, samningurinn hér eða á Húsavík. Mér sýnist að þetta sé svipað og áður, þannig að við höldum því litla forskoti sem við höfðum á aðra“, segir Pétur.

Nýmæli í þessum samningum er sameiginleg launatafla yfir allt landið en misjafnlega er raðað í hana eftir svæðum. „Ég hef það á tilfinningunni að við séum tiltölulega vel settir hér með innröðun í launatöfluna. Menn hrópa að vísu ekki húrra fyrir þessum samningi enda vitum við ekki hvað opinberir starfsmenn koma til með að semja um. Þetta er eins og alltaf í samningum, að verið er að taka ákveðna áhættu. Meirihluti samninganefndar okkar mat það hins vegar þannig, að ekki yrði lengra komist án þess að búa sig undir átök“, segir forseti Alþýðusambands Vestfjarða.

bb.is | 29.09.16 | 09:58 Stórlaxasumri lokið í Langadalsá

Mynd með frétt Sumarið 2016 var mikið stórlaxaár í Langadalsá. Lokatölur liggja nú fyrir en alls var landað 245 löxum og 16 sjóbleikjum þetta árið og var aflinn 66% stórlaxar eða 161 stórlax á móti 84 smálöxum. Samkvæmt grófum útreikningum var meðallengd laxins í ...
Meira

bb.is | 29.09.16 | 08:57Fellst á umhverfismat en leggur til skilyrði

Mynd með fréttSkipulagsstofnun hefur gefið út álit á umhverfismati Fjarðalax og Arctic Sea Farm á allt að 17.500 tonna laxeldi í Patreksfirði og í Tálknafirði. Um er að ræða stækkun um 14.500 tonn, en Fjarðalax var fyrir með 3.000 tonna leyfi og Arctic ...
Meira

bb.is | 29.09.16 | 07:50Alþjóðlegur hópur kynnir sér störf vestfirskra björgunarsveita

Mynd með fréttÁtta sjóbjörgunarsveitarmenn víðsvegar að úr Evrópu eru nú staddir á norðanverðum Vestfjörðum að kynna sér störf björgunarsveitardeildanna sem hér starfa í skiptiprógrammi á vegum IMRF eða International Maritime Rescue Federation. Í því tekur þátt björgunarsveitarfólk frá þrettán sjóbjörgunarsveitum víðsvegar um Evrópu ...
Meira

bb.is | 28.09.16 | 16:50Grunnskólanemar dýrmætri reynslu ríkari eftir heimsókn til Þýskalands

Mynd með fréttÍsafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira


Byggir á LiSA vefumsjónarkerfi frá Eskli