Frétt

| 08.02.2001 | 17:21Andvirði verði varið til lausnar bráðavanda – „í samræmi við það sem rætt hefur verið“

Halldór Halldórsson, bæjarstjóri Ísafjarðarbæjar.
Halldór Halldórsson, bæjarstjóri Ísafjarðarbæjar.
Í kjölfar stofnunar hlutafélags um Orkubú Vestfjarða mun ríkisvaldið gera öllum sameigendum sínum í fyrirtækinu, þ.e. sveitarfélögunum tólf á Vestfjörðum, kauptilboð í eignarhlut þeirra. Í samningum um kaup á eignarhlut sveitarfélaganna í Orkubúi Vestfjarða hf. mun ríkisvaldið ganga út frá því, að heildarverðmæti fyrirtækisins sé 4,6 milljarðar króna, „enda verði söluverðmætinu varið til þess að greiða niður skuldir viðkomandi sveitarfélaga og til lausnar bráðavanda viðkomandi sveitarfélaga í félagslega íbúðakerfinu í samræmi við það sem rætt hefur verið“, eins og segir í bréfi sem þrír ráðuneytisstjórar undirrituðu á Ísafirði í gær.
Á eigendafundi Orkubús Vestfjarða í gær (sbr. frétt hér á vefnum af þeim fundi) var undirritað samkomulag sem felur í sér ákvörðun um slit á sameignarfélaginu Orkubú Vestfjarða og stofnun hlutafélags um reksturinn. Einnig eru í samkomulaginu nánari ákvæði varðandi félagsstofnunina og skipan mála í framhaldi af henni. Samkomulagið er birt í heild hér fyrir neðan.

Í gær rituðu ráðuneytisstjórarnir í fjármálaráðuneyti, iðnaðarráðuneyti og félagsmálaráðuneyti jafnframt bréf „til eigendafundar Orkubús Vestfjarða“ með yfirskriftinni „Staðfesting vegna hugsanlegra kaupa ríkisins á eignarhlut sveitarfélaga á Vestfjörðum í Orkubúi Vestfjarða“. Þar kemur fram það sem rakið er og vitnað í hér í upphafi. Ritun þessa bréfs í gær var óundirbúin, samkvæmt heimildum Bæjarins besta, og munu ráðuneytisstjórarnir þar hafa orðið við beiðni ákveðinna fulltrúa eigenda um að staðfesta þann „verðmiða“ á OV sem áður hefur verið rætt um. Hins vegar munu þau skilyrði sem þeir virðast setja („enda verði söluverðmætinu varið...“) hafa verið óumbeðin. Bréfið er einnig birt í heild hér fyrir neðan.

Sveitarfélögin tólf á Vestfjörðum eiga samtals 60% í Orkubúi Vestfjarða á móti 40% sem eru í eigu ríkisins. Hlutdeild sveitarfélaganna fer eftir íbúafjölda og því er hlutur Ísafjarðarbæjar langstærstur eða um 31% af heildinni. Bæjarins besta leitaði til Halldórs Halldórssonar, bæjarstjóra Ísafjarðarbæjar, og bað hann um túlkun hans á því sem undirritað var í gær, bæði samkomulagi eigendanna og bréfi ráðuneytisstjóranna. Svör Halldórs fara hér á eftir.

„Samkomulagið sem undirritað var ber þess að sjálfsögðu merki, að um plagg er að ræða sem búið er að togast á um milli viðræðunefndar Fjórðungssambands Vestfirðinga vegna OV og ríkisvaldsins*). Í samkomulaginu eru mikilvæg ákvæði um réttindi starfsfólks OV. Þá eru ákveðnar yfirlýsingar sem ríkið treystir sér að standa við fram að gildistöku nýrra raforkulaga og einnig (í 8. grein) yfirlýsing um að ríkisvaldið muni beita sér fyrir því, að verði OV sameinað öðru orkufyrirtæki muni hluti nýja fyrirtækisins hafa starfsemi sína á Vestfjörðum, að orkugeirinn verði eftir megni efldur á Vestfjörðum o.s.frv. Er í því tilfelli verið að tala um eflingu orkugeirans eftir að ný raforkulög taki gildi.

Varðandi þessi atriði hafa menn oft í umræðunni vitnað til þess að sagt hafi verið að Guggan yrði áfram gul og gerð út frá Ísafirði. Ég vil síður líkja því máli við málefni OV. Í málefnum OV er verið að eiga viðskipti við ríkisvaldið og um skriflegan samning er að ræða. Auðvitað vitum við ekki hver þróunin verður eftir að ný raforkulög taka gildi en það á við hvort heldur sem OV er orðið hlutafélag er í eigu einhverra annarra en vestfirskra sveitarfélaga eða um óbreytt ástand væri að ræða. Í nýju umhverfi samkeppninnar verður OV að standa sig og sama mun gilda um rekstur þess og annarra orkufyrirtækja. OV er vel rekið fyrirtæki og á því að standa sig það vel í nýju umhverfi að það tryggi stöðu sína til framtíðar, hvort heldur sem það verður rekið áfram sem sérstakt fyrirtæki eða sameinað öðru. Það á ekkert að vera því til fyrirstöðu að höfuðstöðvar raforkufyrirtækis í nýju kjördæmi, sem er núverandi Vesturland, Vestfirðir og Norðurland vestra, sé á Vestfjörðum. Að því eigum við að stefna og þannig getur störfum í raforkugeiranum fjölgað hér á svæðinu.

Í bréfinu frá ráðuneytisstjórunum er talað um að söluverðmæti verði varið til þess að greiða niður skuldir og leysa bráðavanda í félagslega íbúðakerfinu. Í þessu bréfi er talað um að það verði gert í samræmi við það sem rætt hefur verið en í bréfi dags. 7. nóv. 2000 var vísað sérstaklega í skýrslu frá júní 2000 um félagslega húsnæðiskerfið á Vestfjörðum. Það er mikill kostur að það skuli ekki gert lengur, því að verið er að vinna nýjar tillögur í þessum málum sem taka á landinu öllu en ekki Vestfjörðum sérstaklega. Fram hefur komið að félagsmálaráðherra vill taka á vandanum í heilu lagi en ekki sérstaklega hér fyrir vestan enda er það skynsamlegt.



bb.is | 29.09.16 | 09:58 Stórlaxasumri lokið í Langadalsá

Mynd með frétt Sumarið 2016 var mikið stórlaxaár í Langadalsá. Lokatölur liggja nú fyrir en alls var landað 245 löxum og 16 sjóbleikjum þetta árið og var aflinn 66% stórlaxar eða 161 stórlax á móti 84 smálöxum. Samkvæmt grófum útreikningum var meðallengd laxins í ...
Meira

bb.is | 29.09.16 | 08:57Fellst á umhverfismat en leggur til skilyrði

Mynd með fréttSkipulagsstofnun hefur gefið út álit á umhverfismati Fjarðalax og Arctic Sea Farm á allt að 17.500 tonna laxeldi í Patreksfirði og í Tálknafirði. Um er að ræða stækkun um 14.500 tonn, en Fjarðalax var fyrir með 3.000 tonna leyfi og Arctic ...
Meira

bb.is | 29.09.16 | 07:50Alþjóðlegur hópur kynnir sér störf vestfirskra björgunarsveita

Mynd með fréttÁtta sjóbjörgunarsveitarmenn víðsvegar að úr Evrópu eru nú staddir á norðanverðum Vestfjörðum að kynna sér störf björgunarsveitardeildanna sem hér starfa í skiptiprógrammi á vegum IMRF eða International Maritime Rescue Federation. Í því tekur þátt björgunarsveitarfólk frá þrettán sjóbjörgunarsveitum víðsvegar um Evrópu ...
Meira

bb.is | 28.09.16 | 16:50Grunnskólanemar dýrmætri reynslu ríkari eftir heimsókn til Þýskalands

Mynd með fréttÍsafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira


Byggir á LiSA vefumsjónarkerfi frá Eskli