Frétt

| 06.02.2001 | 14:31,,Reksturinn misheppnaðist gjörsamlega“

Hinrik Kristjánsson.
Hinrik Kristjánsson.
,,Það er verulegt áhyggjuefni fyrir Flateyringa og íbúa fleiri byggðarlaga á Vestfjörðum ef ýsa og steinbítur verða sett í kvóta í þorskaflahámarkinu. Það er forsenda þess að þessar byggðir lifi af að ekki verði hróflað við kerfinu, “ segir Hinrik Kristjánsson, framkvæmdastjóri Fiskvinnslunnar Kambs ehf. á Flateyri í samtali við fréttavefinn InterSeafood.com. Flateyri er eitt þeirra byggðarlaga sem treysta á afla smábáta. Enginn stærri bátur er eftir í byggðarlaginu og þeir fjórir vertíðarbátar sem eigendur Kambs lögðu í púkkið við sameininguna við Básafell hf. árið 1997 eru glataðir.
,,Rekstur Básafells misheppnaðist gjörsamlega. Við vorum bjartsýnir á að með því að sameina þessar minni einingar í eitt stórt og öflugt fyrirtæki þá værum við að treysta atvinnulífið hér á staðnum og efla byggðina. Sú von brást. Við vorum nýbúnir að auka kvóta Kambs úr 800 tonnum í 2300 tonn þegar við fórum inn í Básafell en allar þessar aflaheimildir töpuðust með bátunum. Þegar við keyptum þessar eignir hér á Flateyri af nýjum eigenda Básafells hf. í desember 1999 þá byrjuðum við á núllpunkti,“ segir Hinrik en Steinþór Kristjánsson, skrifstofustjóri og einn eigenda Kambs, bætir því við að nú eigi fyrirtækið tvo þorskaflahámarksbáta og hlut í fjórum öðrum á móti sjómönnunum sem á þeim róa. Sameiginlegur þorskkvóti þessara báta er um 350 tonn en sókn í aðrar tegundir er frjáls fram til 1. september nk. Þá gera lögin ráð fyrir að tegundir eins og ýsa og steinbítur verði settar í kvóta innan þorskaflahámarksins.

Fiskvinnslan Kambur ehf. tók alls á móti um 4200 tonnum af slægðum og óslægðum þorski til vinnslu á síðasta ári. Aflinn er mest fenginn af smábátum á Flateyri en einnig hefur töluvert af hráefni verið keypt á fiskmörkuðum. Svipað verður uppi á teningnum varðandi hráefnisöflunina á þessu ári en auk þess hefur verið samið við útgerð Gunnbjörns ÍS um að báturinn landi þorski til vinnslu og sömuleiðis eru vonir bundnar við að Bjarmi BA muni landa þar afla ásamt fleiri dragnótarbátum sem landað hafa hjá fyrirtækinu undanfarin ár.

Flateyri er gott dæmi um byggðarlag þar sem útgerð þorskaflahámarksbátanna hefur blómstrað. Þaðan eru nú gerðir út tólf slíkir bátar. Að sögn Hinriks byrjaði þessi útgerð á því að menn leigðu báta til staðarins en nú hafa heimamenn sjálfir eignast þorskaflahámarksbáta og útgerð þeirra hefur reynst vítamínssprauta fyrir atvinnulífið á staðnum.

,,Ef við fáum að hafa þorskaflahámarkið í friði þá kvörtum við ekki. Við höfum ekki byggðakvóta eða tugmilljóna styrki eins og sumir, sem við erum að keppa við um fiskinn á mörkuðunum, hafa fengið. Á meðan fiskurinn er hér á heimamiðum og við fáum að veiða hann án þess að leigja til okkar aflaheimildirnar frá stórútgerðunum þá er framtíðin björt,“ segir Hinrik Kristjánsson í samtali við InterSeafood,com

bb.is | 28.09.16 | 16:50 Grunnskólanemar dýrmætri reynslu ríkari eftir heimsókn til Þýskalands

Mynd með frétt Ísafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira


Byggir á LiSA vefumsjónarkerfi frá Eskli