Frétt

| 30.01.2001 | 22:58Vantar þá símanúmerin?

Í Pressunni undir ritstjórn Hrafns Jökulssonar á strik.is eru í dag fréttir af fyrirtækinu Markhúsinu ehf., sem er m.a. í eigu Frjálsrar fjölmiðlunar og Landssímans, og áformum þess um að aðsetur upplýsingasímans 1818 verði í Bolungarvík. Að því er fram kemur í Pressunni virðist þetta fyrirtæki ekki mjög traustvekjandi, að ekki sé meira sagt. Einnig virðist að samskipti milli málsaðila séu ekki mjög skilvirk. Ef til vill hafa þeir ekki símanúmerin hver hjá öðrum. Hvað sem því líður, þá virðist mál þetta allt hið undarlegasta.

Upplýsingasíminn 1818 var settur á laggirnar af Tal hf. og rekinn innan fyrirtækisins þangað til í fyrra þegar Markhúsið var fengið til að annast þessa þjónustu. Í samtali við Pressuna í gærkvöldi kom í ljós að Þórólfur Árnason forstjóri Tals, sem á upplýsingasímann 1818, hafði ekkert heyrt um fyrirhugaðan flutning á þjónustunni til Bolungavíkur eða að til stæði að stofna sérstakt félag um rekstur upplýsingasímans. Ómar Þorgeirsson fjármálastjóri Markhússins sagði í samtali við Pressuna í dag að hann ætti afskaplega erfitt með að tjá sig um málið þar sem það væri ekki alveg frágengið. Hann sagði samt að hugmyndin væri ennþá sú að stofnað yrði fyrirtæki í Bolungarvík um rekstur 1818 og sagði aðspurður að Markhúsið hefði ætlað að leggja fram 20 milljón króna hlutafé.

Aðspurður hvort ekki væri óeðlilegt að undirbúa stofnun fyrirtækis um rekstur númers sem er í eigu annars fyrirtækis sagði Ómar: „Já, Tal er með númerið. Þeim er kunnugt um þetta.“ Þegar Ómari var bent á að Þórólfur Árnason forstjóri Tals kannaðist ekki við málið sagði Ómar að þetta hefði verið rætt við Gylfa Rútsson hjá Tal. Eftirgrennslan Pressunnar leiddi í ljós að þetta var rangt, og að enginn úr hópi stjórnenda Tals hafði heyrt af fyrirætlunum Markhússins og umsókninni til Byggðastofnunar. Ómar Þorgeirsson ítrekaði að ennþá væri stefnt að því hefja rekstur í Bolungarvík en vísaði á Martein Jónasson stjórnarformann Markhússins, sem einkum hefði unnið að málinu. Ekki náðist í Martein í dag.

Sjá nánar í Pressunni:

> Við megum ekki láta leika á okkur aftur

> 1818 ekki til Bolungarvíkur


bb.is | 27.09.16 | 16:50 Velunnurum þakkaður hlýhugur

Mynd með frétt Boðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira

bb.is | 27.09.16 | 14:50Píratar og Sjálfstæðisflokkur stærstir

Mynd með fréttPíratar og Sjálfstæðisflokkurinn mælast stærstir í nýjustu könnun MMR sem framkvæmd var dagana 20. til 26. september. Flokkarnir mælast þó með örlítið minna fylgi en í síðustu könnun þegar báðir flokkarnir mældust með 22,7% fylgi. Nú mælast Píratar með 21,6% og ...
Meira

bb.is | 27.09.16 | 13:23Vilja ráða sálfræðing og barnalækni í fastar stöður

Mynd með fréttReglulegar heimsóknir sérfræðinga við Heilbrigðisstofnun Vestfjarða eru umsetnar og oftast komast færri að en vilja. Í frétt á RÚV var greint frá því að á þriðja hundrað manns séu á biðlista eftir augnlækni, en slíkur kemur til Ísafjarðar fjórum til fimm ...
Meira

bb.is | 27.09.16 | 11:48Allt að 200 megavatta orka

Mynd með frétt„Þetta getur að mínu mati haft mikil áhrif á orkuöryggi þjóðarinnar, meiri en menn hafa verið að hugleiða hingað til. Ég tel að hægt sé að virkja allt að 200 MW á þessu svæði sem er utan hættusvæða vegna eldgosa og ...
Meira

bb.is | 27.09.16 | 09:37Gerir athugasemd við úreltar tölur

Mynd með fréttBæjarráð Ísafjarðarbæjar gerir athugasemd við að gamlar og úreltar tölur um fjölda skemmtiferðaskipa eru notaðar í drögum að matsáætlun Arnarlax fyrir 10.000 tonna laxeldi í Ísafjarðardjúpi. Í matsáætluninni er vísað í tölur frá 2009 þegar 29 skemmtiferðaskip komu til Ísafjarðar. Þeim ...
Meira

bb.is | 27.09.16 | 09:01Góðir gestir á minningartónleikum um Ragnar H. og Sigríði

Mynd með fréttHinir árlegu minningartónleikar um hjónin Sigríði Jónsdóttur og Ragnar H. Ragnar verða í Hömrum sunnudaginn 9.október kl. 17. Á tónleikunum koma fram ísfirski fiðluleikarinn Hjörleifur Valsson, fyrrum nemandi við Tónlistarskóla Ísafjarðar, sem nú starfar í Noregi og píanóleikarinn Ourania Menelaou. Hún ...
Meira

bb.is | 27.09.16 | 07:51Langvarandi fólksfækkun grafalvarleg

Mynd með fréttAf 74 sveitarfélögum fækkaði íbúum í 42 á árunum 2002 til 2016 en fjölgaði í 32. Mest fækkaði í sveitarfélögum á Vestfjörðum og Norðurlandi vestra. Þetta kom fram í kynningu Sigurðar Á. Snævarr, sviðsstjóra hag- og upplýsingasviðs Sambands íslenskra sveitarfélaga, á ...
Meira

bb.is | 26.09.16 | 16:52Uppáhaldslög einstaks tónlistarmanns

Mynd með fréttVilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira


Byggir á LiSA vefumsjónarkerfi frá Eskli