Frétt

| 27.01.2001 | 18:10Þrjú lið saman á toppnum með 16 stig

Sólveig H. Gunnlaugsdóttir, einn af burðarásunum í hinu sterka liði KFÍ.
Sólveig H. Gunnlaugsdóttir, einn af burðarásunum í hinu sterka liði KFÍ.
Keflavík sigraði KR á útivelli í efstu deild kvenna í seinni leiknum í deildinni í dag, 59-65. Í fyrri leiknum sigraði KFÍ lið Grindavíkur á útivelli, 54-62. Að þessum leikjum loknum eru Keflavík, KR og KFÍ á toppnum með 16 stig hvert. KR og KFÍ hafa leikið 12 leiki en Keflavík 11. Stigahlutfall KFÍ er heldur lakara en hjá hinum liðunum tveimur. Eins og staðan er nú á KFÍ mjög raunhæfa möguleika á sigri í deildinni og þar með Íslandsmeistaratitli. Hins vegar verða ákveðnir spádómar um röðina á toppnum látnir bíða betri tíma. Enda þótt aðeins séu fjórir leikir eftir hjá KR og KFÍ og fimm hjá Keflavík getur sitthvað sett strik í reikninginn hjá liðunum.
Talsvert bil er frá toppliðinum í hin liðin tvö í deildinni. Í fjórða sæti er ÍS með 8 stig en Grindavíkurliðið er ennþá án stiga. Því skal þó spáð, að Grindavíkurstúlkur eigi eftir að hala inn stig í einhverjum af leikjunum sem þær eiga eftir.

Athyglisvert er að spá í leikina sem KFÍ-stúlkur eiga eftir í deildinni og möguleika þeirra. Í næstsíðustu lotu, 16. og 17. febrúar, eiga þær að leika gegn ÍS á útivelli og leyfum við okkur hér og nú að spá þeim sigri í þeim leikjum. Hins vegar er ómögulegt að bóka þá sigra fyrr en leikjunum er lokið enda skildu liðin hnífjöfn á Ísafirði í haust þegar þau unnu hvort sinn leikinn með fimm stiga mun. En telja verður að lið KFÍ hafi tekið meiri framförum síðan.

Í síðustu lotunni, 9. og 10. mars, tekur KFÍ á móti Keflavík í íþróttahúsinu á Torfnesinu. Í útileikjunum í síðasta mánuði vann Keflavík annan leikinn með þriggja stiga mun en KFÍ vann hinn með sex stiga mun. Þetta verða örugglega hörkuleikir og ekki er ósennilegt að baráttan um Íslandsmeistaratitilinn verði útkljáð einmitt á Torfnesinu á Sólrisuhátíð Menntaskólans á Ísafirði. Vonandi verður leikið þar fyrir fullu húsi áhorfenda sem eru aukamaðurinn í liðum KFÍ þegar vel tekst til.

Auk þess að eiga eftir að heimsækja KFÍ í blálokin og leika tvo leiki á Ísafirði eiga Keflvíkingar eftir að keppa við KR, ÍS og Grindavík. Eins og berlega kom í ljós í dag er leikur Grindavíkurliðsins nú allt annar en áður og stelpurnar þar eru til alls vísar á næstunni. Og víst er, að ekki fá bæði Keflavík og KR stig þegar liðin eigast við í Keflavík 6. mars.

KR-stúlkur eiga eftir að keppa við Grindvíkinga bæði heima og heiman og við ÍS á heimavelli, fyrir utan áðurnefndan leik gegn Keflavík á útivelli. Ekki verður því spáð hér, að þær hirði stig úr öllum þeim leikjum. ÍS-stelpur hafa verið nokkuð brokkgengar í leikjum sínum. Auk þess að vinna KFÍ í öðrum leik liðanna á Torfnesinu gerðu þær sér lítið fyrir og sigruðu KR fyrstu leikhelgina í haust.

Leikurinn í gærkvöldi:

Í leiknum í gærkvöldi var Jessica Gaspar stigahæst hjá KFÍ með 20 stig en skotanýting hennar var ekki góð. Hún skoraði 15 stig úr vítum (í 16 tilraunum, sem er reyndar ágætt), en hún hitti einungis í 3 af 14 tveggja stiga skotum og í hvorugu þriggja stiga skotanna sem hún tók. Jessica hirti 9 fráköst og tapaði bolta 5 sinnum.

Sólveig H. Gunnlaugsdóttir skoraði 19 stig. Þar af hitti hún í 6 af 7 tveggja stiga skotum og 1 af 4 þriggja stiga skotum og 4 af 5 vítaskotum. Hún hirti 6 fráköst og tapaði bolta 2 sinnum.

Stefanía H. Ásmundsdóttir skoraði 14 stig. Þar af hitti hún í 6 af 12 tveggja stiga skotum en reyndi ekki þriggja stiga skot. Hún hitti í báðum vítaskotunum sem hún tók. Stefanía hirti 9 fráköst og tapaði bolta 3 sinnum.

Aðrar sem skoruðu í leiknum í gærkvöldi voru Tinna B. Sigmundsdóttir (8), Anna S. Sigurlaugsdóttir (4), Fjóla Eiríksdóttir (3) og Helga S. Ingimarsdóttir (3).

Leikurinn í dag:

Jessica Gaspar skoraði 26 stig í leiknum í dag, þar af 13 úr 15 vítaskotum, og tók 11 fráköst. Skotanýtingin hjá henni var ekki góð frekar en í gær. Stefanía skoraði 14, Sólveig 9, Anna 7, Tinna 4 og Sesselja skoraði 2 stig. Vítanýtingin hjá KFÍ var verri í dag en tíðkast hefur í seinni tíð eða 24 stig úr 34 tilraunum.

Það reyndist KFÍ-stúlkum erfitt að innbyrða sigurinn í þessum leik. Þær áttu í mesta basli en lið Grindavíkur var frískara en áður hefur sést í vetur. Nýja stúlkan sem Grindvíkingar voru að fá, LaDrina Sanders, kemur til með að gerbreyta gangi mála þegar hún verður komin að fullu í takt við liðið. Karl Jónsson, þjálfari KFÍ, segist vera dauðfeginn að eiga ekki eftir að leika fleiri leiki gegn Grindavík það sem eftir er í deildinni í vetur.

Sjónvarpsútsending í boði Samkaupa

Á morgun, sunnudag, verður viðureign Grindavíkur og KFÍ sýnd á rás Skjávarpsins á Ísafirði með skýringum í beinni útsendingu. Þetta er þó háð því, að veður leyfi samgöngur o

bb.is | 27.09.16 | 16:50 Velunnurum þakkaður hlýhugur

Mynd með frétt Boðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira

bb.is | 27.09.16 | 14:50Píratar og Sjálfstæðisflokkur stærstir

Mynd með fréttPíratar og Sjálfstæðisflokkurinn mælast stærstir í nýjustu könnun MMR sem framkvæmd var dagana 20. til 26. september. Flokkarnir mælast þó með örlítið minna fylgi en í síðustu könnun þegar báðir flokkarnir mældust með 22,7% fylgi. Nú mælast Píratar með 21,6% og ...
Meira

bb.is | 27.09.16 | 13:23Vilja ráða sálfræðing og barnalækni í fastar stöður

Mynd með fréttReglulegar heimsóknir sérfræðinga við Heilbrigðisstofnun Vestfjarða eru umsetnar og oftast komast færri að en vilja. Í frétt á RÚV var greint frá því að á þriðja hundrað manns séu á biðlista eftir augnlækni, en slíkur kemur til Ísafjarðar fjórum til fimm ...
Meira

bb.is | 27.09.16 | 11:48Allt að 200 megavatta orka

Mynd með frétt„Þetta getur að mínu mati haft mikil áhrif á orkuöryggi þjóðarinnar, meiri en menn hafa verið að hugleiða hingað til. Ég tel að hægt sé að virkja allt að 200 MW á þessu svæði sem er utan hættusvæða vegna eldgosa og ...
Meira

bb.is | 27.09.16 | 09:37Gerir athugasemd við úreltar tölur

Mynd með fréttBæjarráð Ísafjarðarbæjar gerir athugasemd við að gamlar og úreltar tölur um fjölda skemmtiferðaskipa eru notaðar í drögum að matsáætlun Arnarlax fyrir 10.000 tonna laxeldi í Ísafjarðardjúpi. Í matsáætluninni er vísað í tölur frá 2009 þegar 29 skemmtiferðaskip komu til Ísafjarðar. Þeim ...
Meira

bb.is | 27.09.16 | 09:01Góðir gestir á minningartónleikum um Ragnar H. og Sigríði

Mynd með fréttHinir árlegu minningartónleikar um hjónin Sigríði Jónsdóttur og Ragnar H. Ragnar verða í Hömrum sunnudaginn 9.október kl. 17. Á tónleikunum koma fram ísfirski fiðluleikarinn Hjörleifur Valsson, fyrrum nemandi við Tónlistarskóla Ísafjarðar, sem nú starfar í Noregi og píanóleikarinn Ourania Menelaou. Hún ...
Meira

bb.is | 27.09.16 | 07:51Langvarandi fólksfækkun grafalvarleg

Mynd með fréttAf 74 sveitarfélögum fækkaði íbúum í 42 á árunum 2002 til 2016 en fjölgaði í 32. Mest fækkaði í sveitarfélögum á Vestfjörðum og Norðurlandi vestra. Þetta kom fram í kynningu Sigurðar Á. Snævarr, sviðsstjóra hag- og upplýsingasviðs Sambands íslenskra sveitarfélaga, á ...
Meira

bb.is | 26.09.16 | 16:52Uppáhaldslög einstaks tónlistarmanns

Mynd með fréttVilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira


Byggir á LiSA vefumsjónarkerfi frá Eskli