Frétt

| 22.01.2001 | 18:17Leið til bættra lífskjara á landsbyggðinni

Einar Kristinn Guðfinnsson.
Einar Kristinn Guðfinnsson.
Því var lofað þegar ríkisstjórnin var mynduð, að breytt yrði álagningu fasteignagjalda á kjörtímabilinu. Hingað til hefur fasteignagjald verið lagt á miðað við uppreiknaðan gjaldstofn sem er í samræmi við fasteignamat í Reykjavík. Fyrir vikið hafa fasteignagjöldin verið að rjúka upp um land allt, þrátt fyrir að fasteignaverðið hafi hríðlækkað á landsbyggðinni. Þetta var hróplegt óréttlæti, sem mörgum sveið og undir það tóku ríkisstjórnarflokkarnir. Þess vegna var lagt fram frumvarp nú á haustdögum, sem var samþykkt og tók gildi um áramótin.

Fyrir vikið lækka nú fasteignagjöld víðast hvar á landsbyggðinni svo um munar. Nemur lækkunin alls 1,1 milljarði króna á landinu öllu og kemur eingöngu fram utan höfuðborgarsvæðisins. Þar með er verið að stíga enn eitt skrefið til þess að bæta lífskjörin á landsbyggðinni og gera það eftirsóknarverðara að velja sér búsetu utan höfuðborgarsvæðisins. Á sama tíma hækka fasteignaskattarnir á þeim landssvæðum þar sem fasteignaverð fer hækkandi og fasteignamatið þar með.
Sveitarfélögin fá sitt

Sérstakri nefnd sem félagsmálaráðherra skipaði, svo kallaðri tekjustofnanefnd, var meðal annars falið að móta reglur um með hvaða hætti skyldi staðið að því að breyta álgagningarreglunum varðandi fasteignaskattinn. Um þau mál urðu menn sammála. Fasteignaskattarnir og gjöldin renna til sveitarfélaganna og um það var fullt samkomulag að þeim yrði bætt tekjutapið að fullu og öllu. Við það er staðið, með því að viðbótarfjármagni er veitt til Jöfnunarsjóðs sveitarfélaga sem skilar þeim til einstakra sveitarfélaga, þannig að tryggt sé að þau beri ekki skarðan hlut frá borði.

Þetta er afar mikilvægt, því að um leið og verið er að stórbæta afkomu landsbyggðarfólks með þessum aðgerðum, eru sveitarfélögunum tryggðar óbreyttar tekjur að þessu leyti.

100 milljón króna lækkun á Vestfjörðum

Í fylgiskjölum tekjustofnanefndarinnar getur að líta tölulegar upplýsingar, þar sem eru sundurliðuð áhrifin af þessum breytingum á fasteignagjöldunum eftir sveitarfélögum. Er þar miðað við stöðuna í árslok 1999. Fylgir þessi samantekt hér með í töfluformi, í nokkuð breyttri uppsetningu til þess að gera hana aðgengilegri til aflestrar.


Smellið hér til að fá töfluna upp.


Rétt er að vekja athygli á helstu stærðunum í þessari samantekt:

 Heildarlækkun fasteignagjalda á Vestfjörðum nemur 104,9 milljónum króna.
 Þar af lækkun vegna íbúðarhúsnæðis 53,4 milljónir króna.
 Lækkun vegna atvinnuhúsnæðis 51,5 milljónir króna.

Allir sjá að hér er um mikla bót að ræða fyrir landsbyggðarfólk. Lækkun fasteignagjalda upp á rífar 100 milljónir er nokkuð sem munar um í buddum einstaklinga og atvinnufyrirtækja.

Skilaboð til atvinnulífsins

Í fyrsta lagi vegna þess, að ráðstöfunartekjur heimila á Vestfjörðum batna sem nemur ofangreindu.

En í öðru lagi – og kannski er það ennþá þýðingarmeira til lengri tíma litið; kostnaður við rekstur atvinnuhúsnæðis á Vestfjörðum mun lækka og ætti því að öðru jöfnu að gera það eftirsóknarverðara að setja þar niður atvinnustarfsemi. Ekki er nóg með að verðlag atvinnuhúsnæðisins sé lægra. Gjöldin sem menn greiða af húsunum lækka líka heilmikið. Fyrir þann sem er að ákvarða staðsetningu atvinnutækja sinna hlýtur þetta að skipta gríðarlega miklu máli. Ekki síst í ljósi þess að fjarskiptatækni nútímans og batnandi samgöngur auðvelda staðsetningu á atvinnustarfsemi af fjölbreyttu tagi utan höfuðborgarsvæðisins.

Hvað gera hluthafarnir?

Hluthafar í fyrirtækjum stórum og smáum hljóta að líta til þessa í framtíðinni. Þeir vilja sjá arð af hlutafé sínu og hljóta því að gera kröfur til þess að atvinnustarfsemin sé sett niður þar sem hagkvæmnin er mest. Gríðarlegar hækkanir á verðlagi atvinnuhúsnæði á höfuðborgarsvæðinu hljóta að hrekja fyrirtæki þaðan og til byggðarlaga þar sem verðlag atvinnuhúsnæðisins er lægra og opinber gjöld lægri, að öðru jöfnu.

Í þessu sambandi má nefna fjölmörg dæmi. Rifja má upp enn einu sinni, að flugfélög, ferðaskrifstofur og fjármálafyrirtæki erlendis eru yfirleitt með starfsemi sína í stórum stíl utan borganna; einmitt í því skyni að lækka húsnæðiskostnað. Furðulegt má heita hve þessarar þróunar gætir lítt hér. Til eru hins vegar jákvæði dæmi um Kaupþing og Sjóvá Almennar, sem hafa sett niður starfsemi í vaxandi mæli utan höfuðborgarinnar, eins og kunnugt er og með firna góðum árangri. Lækkun fasteignagjalda á landsbyggðinni sem nemur stórum upphæðum ætti enn að hvetja menn til dáða.

Einar Kristinn Guðfinnsson, alþingismaður.

bb.is | 27.09.16 | 11:48 Allt að 200 megavatta orka

Mynd með frétt „Þetta getur að mínu mati haft mikil áhrif á orkuöryggi þjóðarinnar, meiri en menn hafa verið að hugleiða hingað til. Ég tel að hægt sé að virkja allt að 200 MW á þessu svæði sem er utan hættusvæða vegna eldgosa og ...
Meira

bb.is | 27.09.16 | 09:37Gerir athugasemd við úreltar tölur

Mynd með fréttBæjarráð Ísafjarðarbæjar gerir athugasemd við að gamlar og úreltar tölur um fjölda skemmtiferðaskipa eru notaðar í drögum að matsáætlun Arnarlax fyrir 10.000 tonna laxeldi í Ísafjarðardjúpi. Í matsáætluninni er vísað í tölur frá 2009 þegar 29 skemmtiferðaskip komu til Ísafjarðar. Þeim ...
Meira

bb.is | 27.09.16 | 09:01Góðir gestir á minningartónleikum um Ragnar H. og Sigríði

Mynd með fréttHinir árlegu minningartónleikar um hjónin Sigríði Jónsdóttur og Ragnar H. Ragnar verða í Hömrum sunnudaginn 9.október kl. 17. Á tónleikunum koma fram ísfirski fiðluleikarinn Hjörleifur Valsson, fyrrum nemandi við Tónlistarskóla Ísafjarðar, sem nú starfar í Noregi og píanóleikarinn Ourania Menelaou. Hún ...
Meira

bb.is | 27.09.16 | 07:51Langvarandi fólksfækkun grafalvarleg

Mynd með fréttAf 74 sveitarfélögum fækkaði íbúum í 42 á árunum 2002 til 2016 en fjölgaði í 32. Mest fækkaði í sveitarfélögum á Vestfjörðum og Norðurlandi vestra. Þetta kom fram í kynningu Sigurðar Á. Snævarr, sviðsstjóra hag- og upplýsingasviðs Sambands íslenskra sveitarfélaga, á ...
Meira

bb.is | 26.09.16 | 16:52Uppáhaldslög einstaks tónlistarmanns

Mynd með fréttVilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira

bb.is | 26.09.16 | 14:56Reisa þrjú hús í vetur

Mynd með fréttÍ dag var greint frá að Húsasmiðjan reisir nýtt verslunarhús á Ísafirði og sjá Vestfirskir verktakar ehf. um byggingu hússins. Vestfirskir verktakar eru með fleiri járn í eldinum og eru nú að reisa tvær skemmur á Mávagarði. „Skemmurnar seldust eins og ...
Meira

bb.is | 26.09.16 | 13:23Vott og vindasamt á gangnafólk

Mynd með fréttÞað er ekki hægt að segja annað en heilt yfir hafi veðrið leikið við Vestfirðinga það sem af er árinu 2016. Veturinn var mildur, vorið fallegt og sumarið gott. Haustið fram til þessa hefur sýnt sína fegurstu ásjónu og einnig látið ...
Meira

bb.is | 26.09.16 | 11:48Húsasmiðjan opnar nýja verslun í vor

Mynd með fréttHúsasmiðjan opnar nýja verslun á Ísafirði vorið 2017 og hefur undirritað samning við Vestfirska verktaka um byggingu hins nýja húsnæðis við Æðartanga á Ísafirði. Nýja verslunin verður rúmir 1.100 fermetrar og mun sameina starfsemi Húsasmiðjunnar á Ísafirði á einn stað en ...
Meira

bb.is | 26.09.16 | 09:37Forvitnilegir fyrirlestrar um grænlensk samfélög

Mynd með fréttDr. Kåre Hendriksen, sérfræðingur um málefni Grænlands og dósent við danska Tækniháskólann, heldur tvo fyrirlestra um Grænland í Háskólasetri Vestfjarða í dag. Fyrri fyrirlesturinn fer fram í hádeginu og þar verður fjallað um félagshagfræðilegt mikilvægi grænlenskra byggða. Síðari fyrirlesturinn verður í ...
Meira


Byggir á LiSA vefumsjónarkerfi frá Eskli