Frétt

bb.is | 22.11.2016 | 16:45Kennarar í Bolungarvík lögðu niður störf

Kennarar við Grunnskóla Bolungarvíkur gengu út kl. 13:30 í dag og afhentu bæjarstjóra eftirfarandi áskorun:

Kennarar við Grunnskóla Bolungarvíkur skora á bæjarstjórn Bolungarvíkur að beita sér fyrir því að samið verði afturvirkt við Félag grunnskólakennara, og það strax. Mikilvægt er að laun séu í samræmi við störf, menntun og ábyrgð kennara. Við höfum verið samningslaus of lengi.
Í tvígang hafa kennarar fellt samninga sem bornir voru undir þá. Það er því augljóst að við krefjumst mun betri kjara en þar voru í boði. Skólastarf sem á að standa undir nafni verður ekki rekið nema með vel menntuðum og ánægðum kennurum. Kennsla, undirbúningur og úrvinnsla ættu að hafa forgang í vinnutíma kennara. Starfið hefur hins vegar þróast þannig að sífellt bætast fleiri verkefni við án þess að því hafi fylgt nægilegt fjármagn. Innleiðing nýrrar námskrár er eitt dæmi um stórt og tímafrekt verkefni sem hefur bæst ofan á annars fullan vinnudag kennara. Nýja námskráin krefst algerrar endurskoðunar á námsmati og kennslu. Veigamiklar breytingar kalla á verulegt endurmat á vinnubrögðum og verkferlum í starfi kennara. Grunnskólakennarar hafa þurft að leiða þessa innleiðingu án þess að til hafi komið aukagreiðslur þrátt fyrir að síðasti kjarasamningur kveði á um að greitt skuli aukalega fyrir umfangsmiklar námskrárvinnu. Lítið sem ekkert fjármagn hefur verið sett í C hluta samningsins af hálfu sveitarfélaga, en um leið er gerð krafa um umfangsmiklar breytingar á kennarastarfinu. Þau vinnubrögð ríkis og sveitafélaga hafa bitnað á gæðum kennslu og stóraukið álag á kennarastéttina enn frekar.

Í litlum skóla eins og okkar er ekki mikið svigrúm til þess að sleppa verkefnum þegar ný verkefni koma inn. Starfsmannafjöldinn býður ekki upp á miklar tilfærslur verkefna, þar sem flestir hafa þegar tekið að sér ýmis verkefni eins og vinnu í teymum, innleiðingu nýs námsefnis, umsjón hátíða á vegum skólans eða önnur störf.

Við skorum eindregið á bæjarstjórn að beita sér í kjarabaráttu kennara og sækja það fjármagn sem þarf til að standa undir góðu skólastarfi. Búa þarf svo um hnútana að við fáum borgað í samræmi við menntun, ábyrgð og reynslu.

Að afhendingu lokinni fór hópurinn í Einarshús og til að ráða ráðum sínum.

bryndis@bb.is



bb.is | 02.12.16 | 16:50 Vilja gefa Töniu og fjölskyldu góða jólagjöf

Mynd með frétt Stöllurnar Kolbrún Fjóla Arnarsdóttir og Karen Gísladóttir standa fyrir liðakeppni undir yfirskriftinni „Gerum gagn“ í Stúdíó Dan á Ísafirði þann 10. desember næstkomandi. Keppnin er bæði til gamans gerð, jafnframt því sem hún er fjáröflun fyrir Töniu Ciulwik og fjölskyldu hennar. ...
Meira

bb.is | 02.12.16 | 15:48Feita mamma frumsýnd í G.Í.

Mynd með fréttNemendur á efsta stigi við Grunnskólann á Ísafirði frumsýna í dag leikritið Feita mamma eftir Auði Jónsdóttur á fullveldisfagnaði 10.bekkjar. Sýningin í dag verður fyrir nemendur í 8.10.bekk G.Í. og nágrannaskóla og eftir sýninguna verður slegið upp balli í skólanum. Á ...
Meira

bb.is | 02.12.16 | 13:23Jólaljósin tendruð á Ísafirði og Suðureyri

Mynd með fréttÁ sunnudag er annað dagur aðventu og eru nú þegnar þessa lands teknir til við að koma sér í jólagírinn með ýmsu móti, jafnframt því sem hátíðarundirbúningur er hafinn á mörgum heimilum. Tendrun ljósa á jólatrjám í flestum byggðum bólum er ...
Meira

bb.is | 02.12.16 | 11:50Íhuguðu að sniðganga tendrun jólaljósanna

Mynd með fréttKennarar við Tónlistarskólann á Ísafirði sýndu á fundi sínum á mánudag eindreginn vilja til að koma ekki að tendrun jólaljósanna á Silfurtorgi með nokkrum hætti, en Lúðrasveit skólans og barnakór hafa í gegnum tíðina glatt bæjarbúa með tónlistarflutningi sínum við þetta ...
Meira

bb.is | 02.12.16 | 09:37Segir hótanir um brottrekstur færast í vöxt

Mynd með fréttÁ nýafstöðnu þingi Sjómannasambandsins skoraði sambandið á íslenska útgerðarmenn að bæta samskipti sín við sjómenn. Í ályktun þingsins segir að vantraust hafi farið vaxandi milli sjómanna og útgerðarmanna síðustu misserin, að í sumum tilfellum sé um algjöran trúnaðarbrest að ræða. Eins ...
Meira

bb.is | 02.12.16 | 09:01OV auglýsir samfélagsstyrki

Mynd með fréttOrkubú Vestfjarða auglýsir eftir umsóknum um samfélagsstyrki 2016, en úthlutun samfélagsstyrkja er árlegur viðburður hjá fyrirtækinu. Við styrkúthlutun er leitast við að styrkja verkefni vítt og breitt um Vestfirði og miðað við að einstakar styrkveitingar geti verið á bilinu 50.000 til ...
Meira

bb.is | 02.12.16 | 07:45Netverslun hefur áhrif á jólaverslun á Ísafirði

Mynd með fréttÍ fréttum Ríkisútvarpsins á dögunum var fjallað um netverslun á Íslandi og kom þar fram að fleiri virðist ætla gera jólainnkaupin á netinu en áður. Í spá Rannsóknarseturs verslunarinnar um jólaverslunina í ár segir að líklegt verði að meira verði um ...
Meira

bb.is | 01.12.16 | 16:50Öll miðasala af heimaleik Vestra til Birkis Snæs

Mynd með fréttMeistaraflokkur Vestra í körfubolta tekur á móti FSu á Jakanum á morgun föstudaginn 2. desember klukkan 20. Öll miðasala rennur til Birkis Snæs Þórissonar sem hefur glímt við erfið veikindi en fagnar eins árs afmæli sínu þann 7. desember næstkomandi. Birkir ...
Meira

bb.is | 01.12.16 | 15:50Hefur lifað ótrúlegar breytingar

Mynd með fréttÍ nýjasta tölublaði Bæjarins Besta er talað við Engilbert S. Ingvarsson, sem var lengst af bóndi á Tirðilmýri við Ísafjarðardjúp. Engilbert er fæddur árið 1927 og bjó stóran hluta lífs síns við Ísafjarðardjúp, fyrst sem barn og síðar meir sem bóndi. ...
Meira

bb.is | 01.12.16 | 13:53Skólamál á Flateyri í samráðsferli

Mynd með fréttBæjarfulltrúar Ísafjarðarbæjar hafa ákveðið að sameina ekki leik- og grunnskólastig Flateyrar án samráðs við íbúa. Forseti bæjarstjórnar segir það hafa verið mistök að hefja ekki samráð við íbúa fyrr. Þetta kemur fram á vef Ríkisútvarpins. Frá því hefur verið greint á ...
Meira


Byggir á LiSA vefumsjónarkerfi frá Eskli