Frétt

bb.is | 15.11.2016 | 10:14Vélarbilun veldur áfram röskun á flugi

Flugvélin sem fljúga átti til Ísafjarðar er biluð.
Flugvélin sem fljúga átti til Ísafjarðar er biluð.

Vélarbilun veldur því að ekki er hægt að fljúga frá Reykjavík til Ísafjarðar nú í morgunsárið. Er þetta annar dagurinn í röð sem vélarskortur veldur röskun á flugi til Ísafjarðar. Eins og fram hefur komið á Flugfélag Íslands aðeins tvær flugvélar sem geta lent á Ísafjarðarflugvelli og er önnur þeirra í skoðun, og í gær, mánudag, var ekkert flug til Ísafjarðar þar sem vélin sem ekki var í skoðun bilaði. Arna Lára Jónsdóttir, formaður Bæjarráðs Ísafjarðarbæjar, segir sveitarfélagið hafa fundað áður um þetta við Flugfélag Íslands: „Við höfum þegar fundað með þeim auk þess að hafa ályktað allavega tvisvar frá því að nýju vélarnar komu um áramót ef ég man rétt. Við höfum ekki fundið fyrir miklum skilningi vegna þessa, því miður. Við munum taka þetta fastari tökum, þetta hefur veruleg áhrif á íbúa og samfélag, og við verðum að sinna hagsmunagæslu þeirra af krafti,“

Þá segir Arna Lára að eftir að vélarflotanum var breytt komi það oftar fyrir að flug sé einfaldlega uppbókað: „Eftir að einungis tvær minni vélar fljúga hingað hefur sætaframboð minnkað verulega þar sem þessar vélar eru minni en fokker 50, þannig að þegar mikið er að gerast hér fyrir vestan er oft ekki hægt að fá flug.“

Í fréttum Ríkisútvarpsins í gær sagði Árni Gunnarsson, forstjóri Flugfélags Íslands, að breyttur flugfloti hefði ekki áhrif á úrslitastöðuna þó svo Flugfélagið hefði áður haft fleiri flugvélar til umráða fyrir flug til Ísafjarðar. Þá sagði hann að ástæða væri til að skoða, í samvinnu við flugmálayfirvöld í landinu, nýtt eða bætt flugvallarstæði á Ísafirði. Arna Lára tekur undir hugmyndir um nýtt flugvallarstæði: „Við áttum fund með Ísavía í haust þar sem við ítrekuðum kröfu okkar um að leitað yrði að nýju flugvallarstæði. Skilningur minn á þeim fundi var að Ísavía tæki undir það og það þyrfti að fara í veðurfarsrannsóknir. Ég fór af fundinum með tvö loforð, annað var um að sett yrði fjármagn í veðurfarsrannsókninar sem taka nokkur ár og hitt var að bílastæðið á flugvellinum yrði malbikað.“

brynja@bb.is



bb.is | 02.12.16 | 16:50 Vilja gefa Töniu og fjölskyldu góða jólagjöf

Mynd með frétt Stöllurnar Kolbrún Fjóla Arnarsdóttir og Karen Gísladóttir standa fyrir liðakeppni undir yfirskriftinni „Gerum gagn“ í Stúdíó Dan á Ísafirði þann 10. desember næstkomandi. Keppnin er bæði til gamans gerð, jafnframt því sem hún er fjáröflun fyrir Töniu Ciulwik og fjölskyldu hennar. ...
Meira

bb.is | 02.12.16 | 15:48Feita mamma frumsýnd í G.Í.

Mynd með fréttNemendur á efsta stigi við Grunnskólann á Ísafirði frumsýna í dag leikritið Feita mamma eftir Auði Jónsdóttur á fullveldisfagnaði 10.bekkjar. Sýningin í dag verður fyrir nemendur í 8.10.bekk G.Í. og nágrannaskóla og eftir sýninguna verður slegið upp balli í skólanum. Á ...
Meira

bb.is | 02.12.16 | 13:23Jólaljósin tendruð á Ísafirði og Suðureyri

Mynd með fréttÁ sunnudag er annað dagur aðventu og eru nú þegnar þessa lands teknir til við að koma sér í jólagírinn með ýmsu móti, jafnframt því sem hátíðarundirbúningur er hafinn á mörgum heimilum. Tendrun ljósa á jólatrjám í flestum byggðum bólum er ...
Meira

bb.is | 02.12.16 | 11:50Íhuguðu að sniðganga tendrun jólaljósanna

Mynd með fréttKennarar við Tónlistarskólann á Ísafirði sýndu á fundi sínum á mánudag eindreginn vilja til að koma ekki að tendrun jólaljósanna á Silfurtorgi með nokkrum hætti, en Lúðrasveit skólans og barnakór hafa í gegnum tíðina glatt bæjarbúa með tónlistarflutningi sínum við þetta ...
Meira

bb.is | 02.12.16 | 09:37Segir hótanir um brottrekstur færast í vöxt

Mynd með fréttÁ nýafstöðnu þingi Sjómannasambandsins skoraði sambandið á íslenska útgerðarmenn að bæta samskipti sín við sjómenn. Í ályktun þingsins segir að vantraust hafi farið vaxandi milli sjómanna og útgerðarmanna síðustu misserin, að í sumum tilfellum sé um algjöran trúnaðarbrest að ræða. Eins ...
Meira

bb.is | 02.12.16 | 09:01OV auglýsir samfélagsstyrki

Mynd með fréttOrkubú Vestfjarða auglýsir eftir umsóknum um samfélagsstyrki 2016, en úthlutun samfélagsstyrkja er árlegur viðburður hjá fyrirtækinu. Við styrkúthlutun er leitast við að styrkja verkefni vítt og breitt um Vestfirði og miðað við að einstakar styrkveitingar geti verið á bilinu 50.000 til ...
Meira

bb.is | 02.12.16 | 07:45Netverslun hefur áhrif á jólaverslun á Ísafirði

Mynd með fréttÍ fréttum Ríkisútvarpsins á dögunum var fjallað um netverslun á Íslandi og kom þar fram að fleiri virðist ætla gera jólainnkaupin á netinu en áður. Í spá Rannsóknarseturs verslunarinnar um jólaverslunina í ár segir að líklegt verði að meira verði um ...
Meira

bb.is | 01.12.16 | 16:50Öll miðasala af heimaleik Vestra til Birkis Snæs

Mynd með fréttMeistaraflokkur Vestra í körfubolta tekur á móti FSu á Jakanum á morgun föstudaginn 2. desember klukkan 20. Öll miðasala rennur til Birkis Snæs Þórissonar sem hefur glímt við erfið veikindi en fagnar eins árs afmæli sínu þann 7. desember næstkomandi. Birkir ...
Meira

bb.is | 01.12.16 | 15:50Hefur lifað ótrúlegar breytingar

Mynd með fréttÍ nýjasta tölublaði Bæjarins Besta er talað við Engilbert S. Ingvarsson, sem var lengst af bóndi á Tirðilmýri við Ísafjarðardjúp. Engilbert er fæddur árið 1927 og bjó stóran hluta lífs síns við Ísafjarðardjúp, fyrst sem barn og síðar meir sem bóndi. ...
Meira

bb.is | 01.12.16 | 13:53Skólamál á Flateyri í samráðsferli

Mynd með fréttBæjarfulltrúar Ísafjarðarbæjar hafa ákveðið að sameina ekki leik- og grunnskólastig Flateyrar án samráðs við íbúa. Forseti bæjarstjórnar segir það hafa verið mistök að hefja ekki samráð við íbúa fyrr. Þetta kemur fram á vef Ríkisútvarpins. Frá því hefur verið greint á ...
Meira


Byggir á LiSA vefumsjónarkerfi frá Eskli