Frétt

bb.is | 10.11.2016 | 16:13Smíða tæki til endurvinnslu á plasti

Fóðrarinn klár
Fóðrarinn klár

Á vegum Fab lab smiðjunnar á Ísafirði er nú verið að smíða plasttætara á verkstæði 3X Technology. Það eru tveir danskir skiptinemar sem hafa verið í skiptinámi við Menntaskólann á Ísafirði sem sjá um framkvæmdina að frumkvæði Þórarins Bjarts Breiðfjörð verkefnastjóra Fab lab. Segir hann það hafa verið í skoðun um nokkra hríð að ráðast í verkefni sem þetta og segir hann það að hluta til vera visst hugsjónastarf þar sem meðvitund um skaðsemi plasts í náttúrunni sem og aukin meðvitund um endurvinnslu kalli á að fólk finni að það geti gert meira en að safna plastinu saman. „Kannski er kominn tími á að við skoðum hvort ekki er hægt að taka þetta skrefinu lengra og í alvöru sjá hvað má gera við plastið eftir að við losum okkur við það.“

Þórarinn segir að megi rekja hugmyndina að græjunni til iðnhönnuðar að nafni Dave Hakkens, sem hefur gert ítarlegar leiðbeiningar á vefsíðunni preciousplastic.com um hvernig megi gera tæki og tól til plastendurvinnslu, sem ætluð eru minni notendahring en þess sem fyrirfinnst á iðnaðarstigi endurvinnslu, sem eru bæði dýrar græjur og viðkvæmar.

Smíðin á tætaranum gengur vel og er allt komið í tækið sem þarf og verið að vinna síðasta hluta verksins. Þórarinn bindur vonir við að með tilkomu tækisins megi bæta við starfssemi Fab lab í anda endurvinnslu og að í kringum það geti myndast hópur sem vill vinna með endurvinnslu á plasti. Einnig vonast hann til að þegar liggi fyrir hvað sá hópur vill vinna í framhaldinu verði hægt að ráðast í smíði fleiri tækja úr smiðju Dave Hakkens og segir hann marga möguleikana haldast vel í hendur við þá vinnu sem þegar fer fram í Fab lab smiðjunni.

Opið er í Fab labinu í dag frá klukkan 15-20 og einnig er opið mánudaga og þriðjudaga frá 15-18.



Grindin smíðuð á verkstæði 3X Technology
annska@bb.is



bb.is | 02.12.16 | 16:50 Vilja gefa Töniu og fjölskyldu góða jólagjöf

Mynd með frétt Stöllurnar Kolbrún Fjóla Arnarsdóttir og Karen Gísladóttir standa fyrir liðakeppni undir yfirskriftinni „Gerum gagn“ í Stúdíó Dan á Ísafirði þann 10. desember næstkomandi. Keppnin er bæði til gamans gerð, jafnframt því sem hún er fjáröflun fyrir Töniu Ciulwik og fjölskyldu hennar. ...
Meira

bb.is | 02.12.16 | 15:48Feita mamma frumsýnd í G.Í.

Mynd með fréttNemendur á efsta stigi við Grunnskólann á Ísafirði frumsýna í dag leikritið Feita mamma eftir Auði Jónsdóttur á fullveldisfagnaði 10.bekkjar. Sýningin í dag verður fyrir nemendur í 8.10.bekk G.Í. og nágrannaskóla og eftir sýninguna verður slegið upp balli í skólanum. Á ...
Meira

bb.is | 02.12.16 | 13:23Jólaljósin tendruð á Ísafirði og Suðureyri

Mynd með fréttÁ sunnudag er annað dagur aðventu og eru nú þegnar þessa lands teknir til við að koma sér í jólagírinn með ýmsu móti, jafnframt því sem hátíðarundirbúningur er hafinn á mörgum heimilum. Tendrun ljósa á jólatrjám í flestum byggðum bólum er ...
Meira

bb.is | 02.12.16 | 11:50Íhuguðu að sniðganga tendrun jólaljósanna

Mynd með fréttKennarar við Tónlistarskólann á Ísafirði sýndu á fundi sínum á mánudag eindreginn vilja til að koma ekki að tendrun jólaljósanna á Silfurtorgi með nokkrum hætti, en Lúðrasveit skólans og barnakór hafa í gegnum tíðina glatt bæjarbúa með tónlistarflutningi sínum við þetta ...
Meira

bb.is | 02.12.16 | 09:37Segir hótanir um brottrekstur færast í vöxt

Mynd með fréttÁ nýafstöðnu þingi Sjómannasambandsins skoraði sambandið á íslenska útgerðarmenn að bæta samskipti sín við sjómenn. Í ályktun þingsins segir að vantraust hafi farið vaxandi milli sjómanna og útgerðarmanna síðustu misserin, að í sumum tilfellum sé um algjöran trúnaðarbrest að ræða. Eins ...
Meira

bb.is | 02.12.16 | 09:01OV auglýsir samfélagsstyrki

Mynd með fréttOrkubú Vestfjarða auglýsir eftir umsóknum um samfélagsstyrki 2016, en úthlutun samfélagsstyrkja er árlegur viðburður hjá fyrirtækinu. Við styrkúthlutun er leitast við að styrkja verkefni vítt og breitt um Vestfirði og miðað við að einstakar styrkveitingar geti verið á bilinu 50.000 til ...
Meira

bb.is | 02.12.16 | 07:45Netverslun hefur áhrif á jólaverslun á Ísafirði

Mynd með fréttÍ fréttum Ríkisútvarpsins á dögunum var fjallað um netverslun á Íslandi og kom þar fram að fleiri virðist ætla gera jólainnkaupin á netinu en áður. Í spá Rannsóknarseturs verslunarinnar um jólaverslunina í ár segir að líklegt verði að meira verði um ...
Meira

bb.is | 01.12.16 | 16:50Öll miðasala af heimaleik Vestra til Birkis Snæs

Mynd með fréttMeistaraflokkur Vestra í körfubolta tekur á móti FSu á Jakanum á morgun föstudaginn 2. desember klukkan 20. Öll miðasala rennur til Birkis Snæs Þórissonar sem hefur glímt við erfið veikindi en fagnar eins árs afmæli sínu þann 7. desember næstkomandi. Birkir ...
Meira

bb.is | 01.12.16 | 15:50Hefur lifað ótrúlegar breytingar

Mynd með fréttÍ nýjasta tölublaði Bæjarins Besta er talað við Engilbert S. Ingvarsson, sem var lengst af bóndi á Tirðilmýri við Ísafjarðardjúp. Engilbert er fæddur árið 1927 og bjó stóran hluta lífs síns við Ísafjarðardjúp, fyrst sem barn og síðar meir sem bóndi. ...
Meira

bb.is | 01.12.16 | 13:53Skólamál á Flateyri í samráðsferli

Mynd með fréttBæjarfulltrúar Ísafjarðarbæjar hafa ákveðið að sameina ekki leik- og grunnskólastig Flateyrar án samráðs við íbúa. Forseti bæjarstjórnar segir það hafa verið mistök að hefja ekki samráð við íbúa fyrr. Þetta kemur fram á vef Ríkisútvarpins. Frá því hefur verið greint á ...
Meira


Byggir á LiSA vefumsjónarkerfi frá Eskli