Frétt

bb.is | 04.11.2016 | 07:35Orkuskortur utan höfuðborgar


Talsverða athygli vakti í gær frétt á ruv.is þar sem Erla Björk Þorgeirsdóttir, verkefnisstjóri skipulags raforkuvinnslu hjá Orkustofnun, höfðaði til sveitarfélaga hvað varðar orkuframleiðslu, varpaði ábyrgð á hendur þeim og lýsti áhyggjum sínum á framtíð raforkuframleiðslu. Ekki síst var áhugaverð fyrirsögn fréttarinnar „Orkuskortur yfirvofandi utan höfuðborgarinnar“ þar sem ekki var vitað til að finna mætti framleiðslu rafmagns innan borgarinnar og því skaut skökku við að meintur skortur myndi síst bitna á höfuðborginni. Hundurinn í þessu máli liggur grafinn í hraustlegu dreifikerfi frá virkjunum til borgarinnar segir dr. Guðni A. Jóhannesson orkumálastjóri í samtali við bb.is og lélegu dreifikerfi víða um land.

Pétur Markan, sveitarstjóri Súðavíkurhrepps segir sveitarfélög verði að taka til sín ábyrgð, hvort sem hún er bundin lagaskyldu eða ekki, þessum málum verði seint þokað áfram nema sveitarfélögin leggi til kraft sinn og dug. Pétur segir Súðavíkurhrepp hafa leitt umræðuna um orkumál þetta kjörtímabil hjá sveitarfélögum á Vestfjörðum og þar hafi dreifikerfi og orkuöryggi borið hæst, enda ábótavant.

Pétur segir ennfremur að Súðavíkurhreppur hafi hafið samningaviðræður við VesturVerk /HsOrka, um þrjá virkjunarkosti í sveitarfélaginu, í Ísafirði, Skötufirði og Hestfirði. Allir þessir virkjanakostir eru nú í rannsóknarferli, gefnu út af Orkumálastofnun, og eru í höndum VesturVerks. Þetta séu gríðarlega spennandi virkjanamöguleikar og gefa umræðunni um hringtenginu Vestfjarða allt annan raunveruleika. Að því gefnu að menn standi við gefin fyrirheit og klári, eitt skipti fyrir öll, tengivirkið sem á að rísa í grennd við Nauteyri, eða þar um kring.

„Uppbygging innviða er lykilforsenda fyrir því að hér þróist byggð í rétta átt. Þar eru orkumál lykilatriði. Þess vegna hefur málaflokkurinn verið sveitarfélaginu hugleikinn, stundum verið gagnrýnið og fengið gusur til baka. Staðreyndin er samt sú, að ef menn rísa ekki upp, bretta upp ermar og leggja sig ögn meira fram en þeir nú þegar hafa gert, verða Vestfirðir eftir. Menn eru komnir af stað með verkefni eins og Hvalá og Skjaldfannarvirkjun. Sú orkuöflun hefur enga sérstaka þýðingu fyrir bróðurpart Vestfjarða, ef ekki verður barist fyrir eflingu dreifikerfisins, hringtengingu. Þau virkjanaverkefni sem Súðavíkurhreppur er partur af í sveitarfélaginu geta orðið mikilvægur hlekkur í þeirri baráttu og vonlegri uppbyggingu“ segir sveitarstjóri Súðavíkurhrepps að lokum.

smari@bb.is



bb.is | 02.12.16 | 16:50 Vilja gefa Töniu og fjölskyldu góða jólagjöf

Mynd með frétt Stöllurnar Kolbrún Fjóla Arnarsdóttir og Karen Gísladóttir standa fyrir liðakeppni undir yfirskriftinni „Gerum gagn“ í Stúdíó Dan á Ísafirði þann 10. desember næstkomandi. Keppnin er bæði til gamans gerð, jafnframt því sem hún er fjáröflun fyrir Töniu Ciulwik og fjölskyldu hennar. ...
Meira

bb.is | 02.12.16 | 15:48Feita mamma frumsýnd í G.Í.

Mynd með fréttNemendur á efsta stigi við Grunnskólann á Ísafirði frumsýna í dag leikritið Feita mamma eftir Auði Jónsdóttur á fullveldisfagnaði 10.bekkjar. Sýningin í dag verður fyrir nemendur í 8.10.bekk G.Í. og nágrannaskóla og eftir sýninguna verður slegið upp balli í skólanum. Á ...
Meira

bb.is | 02.12.16 | 13:23Jólaljósin tendruð á Ísafirði og Suðureyri

Mynd með fréttÁ sunnudag er annað dagur aðventu og eru nú þegnar þessa lands teknir til við að koma sér í jólagírinn með ýmsu móti, jafnframt því sem hátíðarundirbúningur er hafinn á mörgum heimilum. Tendrun ljósa á jólatrjám í flestum byggðum bólum er ...
Meira

bb.is | 02.12.16 | 11:50Íhuguðu að sniðganga tendrun jólaljósanna

Mynd með fréttKennarar við Tónlistarskólann á Ísafirði sýndu á fundi sínum á mánudag eindreginn vilja til að koma ekki að tendrun jólaljósanna á Silfurtorgi með nokkrum hætti, en Lúðrasveit skólans og barnakór hafa í gegnum tíðina glatt bæjarbúa með tónlistarflutningi sínum við þetta ...
Meira

bb.is | 02.12.16 | 09:37Segir hótanir um brottrekstur færast í vöxt

Mynd með fréttÁ nýafstöðnu þingi Sjómannasambandsins skoraði sambandið á íslenska útgerðarmenn að bæta samskipti sín við sjómenn. Í ályktun þingsins segir að vantraust hafi farið vaxandi milli sjómanna og útgerðarmanna síðustu misserin, að í sumum tilfellum sé um algjöran trúnaðarbrest að ræða. Eins ...
Meira

bb.is | 02.12.16 | 09:01OV auglýsir samfélagsstyrki

Mynd með fréttOrkubú Vestfjarða auglýsir eftir umsóknum um samfélagsstyrki 2016, en úthlutun samfélagsstyrkja er árlegur viðburður hjá fyrirtækinu. Við styrkúthlutun er leitast við að styrkja verkefni vítt og breitt um Vestfirði og miðað við að einstakar styrkveitingar geti verið á bilinu 50.000 til ...
Meira

bb.is | 02.12.16 | 07:45Netverslun hefur áhrif á jólaverslun á Ísafirði

Mynd með fréttÍ fréttum Ríkisútvarpsins á dögunum var fjallað um netverslun á Íslandi og kom þar fram að fleiri virðist ætla gera jólainnkaupin á netinu en áður. Í spá Rannsóknarseturs verslunarinnar um jólaverslunina í ár segir að líklegt verði að meira verði um ...
Meira

bb.is | 01.12.16 | 16:50Öll miðasala af heimaleik Vestra til Birkis Snæs

Mynd með fréttMeistaraflokkur Vestra í körfubolta tekur á móti FSu á Jakanum á morgun föstudaginn 2. desember klukkan 20. Öll miðasala rennur til Birkis Snæs Þórissonar sem hefur glímt við erfið veikindi en fagnar eins árs afmæli sínu þann 7. desember næstkomandi. Birkir ...
Meira

bb.is | 01.12.16 | 15:50Hefur lifað ótrúlegar breytingar

Mynd með fréttÍ nýjasta tölublaði Bæjarins Besta er talað við Engilbert S. Ingvarsson, sem var lengst af bóndi á Tirðilmýri við Ísafjarðardjúp. Engilbert er fæddur árið 1927 og bjó stóran hluta lífs síns við Ísafjarðardjúp, fyrst sem barn og síðar meir sem bóndi. ...
Meira

bb.is | 01.12.16 | 13:53Skólamál á Flateyri í samráðsferli

Mynd með fréttBæjarfulltrúar Ísafjarðarbæjar hafa ákveðið að sameina ekki leik- og grunnskólastig Flateyrar án samráðs við íbúa. Forseti bæjarstjórnar segir það hafa verið mistök að hefja ekki samráð við íbúa fyrr. Þetta kemur fram á vef Ríkisútvarpins. Frá því hefur verið greint á ...
Meira


Byggir á LiSA vefumsjónarkerfi frá Eskli