Frétt

bb.is | 06.09.2016 | 16:49Kindur til vandræða

Kindur gera sig heimakomnar við Seljalandsveg. Mynd: Hjördís Þráinsdóttir.
Kindur gera sig heimakomnar við Seljalandsveg. Mynd: Hjördís Þráinsdóttir.

Íslenska sauðkindin tengist sögu þjóðarinnar órjúfanlegum böndum og finna margir til væntumþykju fyrir þessum merkilega fótfimu ullarboltum. Þær eiga þó til að skaprauna fólki, annarsvegar vegna sérstakrar þjóðavegaástar sem virðist greypt í DNA mengi þeirra og hinsvegar þegar þær telja sig mega ganga um þéttbýlisstaði að vild. Þar er hlaðborðið oftar en ekki ríkulegra, þar sem finna má sumarblóm af ýmsu tagi og jafnvel grænmeti í görðum. Vegna lausagöngufés hefur nú skapast talsverð ólga meðal íbúa Seljalands- og Holtahverfa á Ísafirði, sem og íbúa á Flateyri, er kindur hafa leikið lausum hala og lagt sér til munns hinar ýmsu afurðir úr grænu deildinni, auk þess að skilja eftir óvinsælar endurvinnsluafurðir átsins.

Það er á könnu sveitarfélaga að sjá til þess að girt sé í kringum þéttbýliskjarna, ef brotalamir eru á því er lausaganga búfjár á ábyrgð bæjaryfirvalda. Samkvæmt fjórðu grein samþykktar um búfjárhald í Ísafjarðarbæ segir að öll lausaganga búfjár innan girðinga sem umlykja þéttbýliskjarna Ísafjarðarbæjar sé bönnuð. Samkvæmt Ralf Trylla umhverfisfulltrúa Ísafjarðarbæjar er girðingamálum í sveitarfélaginu ábótavant og nú unnið að því að kortleggja stöðuna og svo í framhaldinu ráðast í úrbætur.

Kristján Andri Guðjónsson forstöðumaður þjónustumiðstöðvar Ísafjarðarbæjar segir að unnið sé að lausn með þeim vanda sem blasir við núna og munu starfsmenn bæjarins smala á Flateyri í dag og í Skutulsfirði í vikunni. Hvað aðgerðaáætlun almennt viðvíkur, verði fólk vart við kindur í þéttbýli, er hægt að hringja þjónustumiðstöð Ísafjarðarbæjar í síma 450 8240 og munu starfsmenn bæjarins þá fjarlægja vandræðaseggina.

annska@bb.is



bb.is | 27.09.16 | 16:50 Velunnurum þakkaður hlýhugur

Mynd með frétt Boðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira

bb.is | 27.09.16 | 14:50Píratar og Sjálfstæðisflokkur stærstir

Mynd með fréttPíratar og Sjálfstæðisflokkurinn mælast stærstir í nýjustu könnun MMR sem framkvæmd var dagana 20. til 26. september. Flokkarnir mælast þó með örlítið minna fylgi en í síðustu könnun þegar báðir flokkarnir mældust með 22,7% fylgi. Nú mælast Píratar með 21,6% og ...
Meira

bb.is | 27.09.16 | 13:23Vilja ráða sálfræðing og barnalækni í fastar stöður

Mynd með fréttReglulegar heimsóknir sérfræðinga við Heilbrigðisstofnun Vestfjarða eru umsetnar og oftast komast færri að en vilja. Í frétt á RÚV var greint frá því að á þriðja hundrað manns séu á biðlista eftir augnlækni, en slíkur kemur til Ísafjarðar fjórum til fimm ...
Meira

bb.is | 27.09.16 | 11:48Allt að 200 megavatta orka

Mynd með frétt„Þetta getur að mínu mati haft mikil áhrif á orkuöryggi þjóðarinnar, meiri en menn hafa verið að hugleiða hingað til. Ég tel að hægt sé að virkja allt að 200 MW á þessu svæði sem er utan hættusvæða vegna eldgosa og ...
Meira

bb.is | 27.09.16 | 09:37Gerir athugasemd við úreltar tölur

Mynd með fréttBæjarráð Ísafjarðarbæjar gerir athugasemd við að gamlar og úreltar tölur um fjölda skemmtiferðaskipa eru notaðar í drögum að matsáætlun Arnarlax fyrir 10.000 tonna laxeldi í Ísafjarðardjúpi. Í matsáætluninni er vísað í tölur frá 2009 þegar 29 skemmtiferðaskip komu til Ísafjarðar. Þeim ...
Meira

bb.is | 27.09.16 | 09:01Góðir gestir á minningartónleikum um Ragnar H. og Sigríði

Mynd með fréttHinir árlegu minningartónleikar um hjónin Sigríði Jónsdóttur og Ragnar H. Ragnar verða í Hömrum sunnudaginn 9.október kl. 17. Á tónleikunum koma fram ísfirski fiðluleikarinn Hjörleifur Valsson, fyrrum nemandi við Tónlistarskóla Ísafjarðar, sem nú starfar í Noregi og píanóleikarinn Ourania Menelaou. Hún ...
Meira

bb.is | 27.09.16 | 07:51Langvarandi fólksfækkun grafalvarleg

Mynd með fréttAf 74 sveitarfélögum fækkaði íbúum í 42 á árunum 2002 til 2016 en fjölgaði í 32. Mest fækkaði í sveitarfélögum á Vestfjörðum og Norðurlandi vestra. Þetta kom fram í kynningu Sigurðar Á. Snævarr, sviðsstjóra hag- og upplýsingasviðs Sambands íslenskra sveitarfélaga, á ...
Meira

bb.is | 26.09.16 | 16:52Uppáhaldslög einstaks tónlistarmanns

Mynd með fréttVilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira


Byggir á LiSA vefumsjónarkerfi frá Eskli