Frétt

bb.is | 25.08.2016 | 15:49Umfjöllun ekki í samræmi við lög


Sérblað Bæjarins besta helgað fiskeldi var kært til fjölmiðlanefndar og í dag var birtur úrskurður nefndarinnar. Hann var á þá leið að ákveðin efnisatriði í blaðinu gangi gegn vissum atriðum laga um fjölmiðla. Það var Haraldur Eiríksson, sölustjóri Hreggnasa Angling Club, sem kærði blaðið til fjölmiðlanefndar.

Tilurð blaðsins voru á þá leið að hagsmunaaðilum í fiskeldi var boðið að vera með innlegg í blaðinu gegn auglýsingakaupum. Innleggin voru í formi greinarskrifa undir nafni. Hagsmunaaðilar voru skilgreindir vítt og má nefna að auk greinarskrifa forsvarsmanna fiskeldisfyrirtækja voru greinar eftir sveitarstjórnarmenn, framkvæmdastjóra Atvinnuþróunarfélags Vestfjarða og formann Verkalýðsfélags Vestfirðinga.

Í úrskurði fjölmiðlanefndar segir að: „Sjónarmið fiskeldisfyrirtækja og aðila sem hlynntir eru fiskeldi á Vestfjörðum hafi þegar á heildina er litið vegið þyngra og fengið meira rými en andstæð sjónarmið, þar með talin sjónarmið ferðaþjónustuaðila og stangveiðimanna.“

Blaðið leitaði eftir sjónarmiðum Bolungarvíkurkaupstaðar, Ísafjarðarbæjar, Súðavíkurhrepps, Vesturbyggðar, Tálknafjarðarhrepps, Atvinnuþróunarfélags Vestfjarða, Verkalýðsfélags Vestfjarða, Landsamband stangveiðifélaga og Samtaka ferðaþjónustuaðila á Vestfjörðum. Ekki allir völdu að tjá sig um sín sjónarmið en í blaðinu var fjallað um auðlindina, væntingar og viðhorf sveitarfélaga, misjafna fortíð fiskeldisfyrirtækja, stangveiðiár á Vestfjörðum, slysasleppingar, laxalús, lyfjanotkun, viðhorf ferðamanna og ferðaþjónustufyrirtækja, hagræn áhrif fiskeldis, starfsmenn og viðhorf stéttarfélags.

Allt ritstjórnarefni blaðsins var unnið af starfsfólki BB og án aðkomu hagsmunaaðila, sumsé það voru einvörðungu greinar sem kalla má kostað efni.

Það skal tekið fram að Landssambandi stangveiðifélaga var boðin umfjöllun án þess að nokkur greiðsla kæmi fyrir og ítrekað var rekið á eftir erindi frá sambandinu en það barst aldrei. Blaðinu barst hins vegar afsökunarbeiðni frá Viktori Guðmundssyni, formanni Landssambands stangveiðifélaga, eftir að blaðið kom út og útskýring á að hafa ekki brugðist við óskum Bæjarins besta, í tölvupósti Viktors kemur fram að það hafi verið ætlun Landsambands stangveiðimanna að koma þeirra sjónarmiðum á framfæri en vegna óviðráðanlegra aðstæðna hafi ekki orðið af því.

Í fjölmiðlalögum er fjallað um aðgreiningu viðskiptaboða og ritstjórnar. Í úrskurði fjölmiðlanefndar segir um þetta atriði í fiskeldisblaði BB: „Kostað efni hafi ekki verið merkt sem slíkt og nöfn þeirra sem styrktu útgáfuna, þ.e. kostenda, hafi ekki verið tilgreind með skýrum hætti“.

Hvað þetta varðar er vert að benda á að í inngangskafla blaðsins eru hagsmunaaðilar taldir upp og þar segir: „Flestir þessir aðilar taka þátt í fjármögnun á þessu stóra blaði og þeim er boðið að birta stutt ávarp en hafa að öðru leyti ekki haft neina stjórn á efnistökum.“

Þetta metur nefndin ekki vera nægjanlegt og þarna hafi Bæjarins besta brotið lög.

Fjölmiðlanefnd ákvað að beita ekki sektum.

bryndis@bb.is

bb.is | 28.09.16 | 16:50 Grunnskólanemar dýrmætri reynslu ríkari eftir heimsókn til Þýskalands

Mynd með frétt Ísafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira


Byggir á LiSA vefumsjónarkerfi frá Eskli