Frétt

| 11.02.2000 | 10:10Hugmynd Lífeyrissjóðs Vestfirðinga ekki fær

Skutull ÍS-180.
Skutull ÍS-180.
Hraðfrystihúsið - Gunnvör hf. og Básafell hf. hafa sent frá sér eftirfarandi yfirlýsingu vegna frétta í fjölmiðlum um hugsanleg kaup á rækjufrystiskipinu Skutli ÍS:
,,Síðastliðið haust tóku Hraðfrystihúsið - Gunnvör hf. og Þormóður rammi-Sæberg hf. höndum saman með Básafelli hf. um rekstur rækjuverksmiðju Básafells hf. sem nú er rekin undir nafni Miðfells hf. Á þeim tíma var Skutull ÍS gerður út af Básafelli hf. og var gengið út frá því sem vísu að Miðfell hf. fengi keypt það hráefni sem til félli af skipinu til vinnslu í verksmiðjunni og skapaði þar með öruggari rekstrargrundvöll og tryggari vinnu fyrir þrjátíu starfsmenn er þar starfa.

Nokkru síðar kom í ljós að Básafell hf. þurfti að selja verulegar eignir, þar með taldar aflaheimildir, og má í því sambandi nefna að Hraðfrystihúsið - Gunnvör hf. keypti varanlegar aflaheimildir af Básafelli hf. fyrir um 820 milljónir króna.

Fyrir tilstilli Ísafjarðarbæjar voru hafnar viðræður við framkvæmdastjóra Básafells hf. um hugsanleg kaup heimamanna á Skutli ÍS og var hugmyndin sú að nokkrir af núverandi hluthöfum Básafells, þar á meðal Lífeyrissjóður Vestfirðinga, Ísafjarðarbær, Netagerð Vestfjarða hf. og fleiri hluthafar, notuðu hlutafjáreign sína í Básafelli hf. til að leggja í nýtt hlutafélag um kaup á Skutli ÍS. Einnig voru fleiri aðilar tilbúnir að leggja fram hlutafé, þar á meðal Miðfell hf. Hraðfrystihúsið - Gunnvör hf. hefur ekki komið að þessu máli nema sem 40% eigandi í Miðfelli hf. og þátttaka í nýju félagi sem kaupi Skutul er hugsuð til að styrkja þær stoðir sem Miðfell byggist á.

Nú nýlega hefur stjórn Lífeyrissjóðs Vestfirðinga lýst sig reiðubúna til að leggja fram verulegt hlutafé í Hraðfrystihúsið - Gunnvör hf. í því skyni að félagið kaupi Skutul ÍS. Sú hugmynd að sjóðurinn leggi fram aukið hlutafé í Hraðfrystihúsið - Gunnvör hf., sem tengist málinu aðeins sem einn af eigendum Miðfells hf., er að mati forsvarsmanna Hraðfrystihússins - Gunnvarar hf. ekki fær. Þessi afstaða félagsins hefur legið skýrt fyrir frá því í desember síðastliðnum og hefði Lífeyrissjóði Vestfirðinga átt að vera það ljóst."

Undir yfirlýsinguna rita þeir Einar Valur Kristjánsson, framkvæmdastjóri Hraðfrystihússins - Gunnvarar hf. og Guðmundur Kristjánsson, framkvæmdastjóri Básafells hf.

bb.is | 28.09.16 | 16:50 Grunnskólanemar dýrmætri reynslu ríkari eftir heimsókn til Þýskalands

Mynd með frétt Ísafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira


Byggir á LiSA vefumsjónarkerfi frá Eskli