Frétt

| 04.10.2000 | 16:31Skírskotar til vatns og klakabanda

Þorsteinn Jóhannesson afhjúpar verkið á flötinni við aðsetur Orkubús Vestfjarða á Stakkanesi.
Þorsteinn Jóhannesson afhjúpar verkið á flötinni við aðsetur Orkubús Vestfjarða á Stakkanesi.
Dynjandi heitir myndverk eftir Jón Sigurpálsson myndlistarmann, sem afhjúpað var kl. 16 í dag á flötinni framan við höfuðstöðvar Orkubús Vestfjarða á Stakkanesi á Ísafirði. Verkið rís úr grasflötinni án þess að sitja á stalli. Kveikjan að því er vatn, að sögn listamannsins. Nafnið Dynjandi er mjúkt en þrungið orku og tengslin eru augljós: Dynjandi í Arnarfirði er mesti foss á Vestfjörðum og einn fegursti foss landsins.
Fjölmargir voru viðstaddir, auk listamannsins sjálfs og fjölskyldu hans og starfsmanna Orkubús Vestfjarða, þegar Þorsteinn Jóhannesson, stjórnarformaður fyrirtækisins, afhjúpaði verkið. Kristján Haraldsson orkubússtjóri ávarpaði viðstadda og greindi frá verkinu og tilurð þess. Þetta framtak er liður í því að fegra umhverfi höfuðstöðvanna og gefa því svip.

Orkubú Vestfjarða hefur jafnan verið í fararbroddi og til fyrirmyndar hvað snyrtimennsku og góða umgengni varðar. Mannvirki fyrirtækisins hafa fyrr og síðar fengið viðurkenningar bæjaryfirvalda fyrir slíkt, þar á meðal aðsetur þess á Stakkanesi.

Myndverkið Dynjandi er háreist og mikið, rúmlega þrír metrar á hæð og nærri hálfur annar metri breiðast. Efnin gler og stál skírskota til vatns og klakabanda. Verkið er hlaðið úr meira en 200 liggjandi glerplötum, gegnsæjum að nokkru. Þegar horft er í djúpgrænan enda glerstaflans sést umhverfið og hreyfing fyrir handan og til hliðar.

Í hverja plötu miðja er gat og plötunum smokrað upp á jarðfastan stálöxul, sprautaðan útmarínbláu glanslakki. Fjórir jarðfastir stálöxlar skorða glerið og ramma það inn og festa stálplötu sem sveipar það að hluta. Stálið er sandblásið svo að áferðin er djúpgrá og mött. Platan lokar glerinu að ofan og stálöxlarnir eru boltaðir við hana í toppinn. Komið hefur verið upp ljósabúnaði til að lýsa verkið upp þegar skyggja tekur.

bb.is | 30.09.16 | 16:54 Hvunndagshetja heiðruð

Mynd með frétt Sigurði Ólafssyni, fyrrum formanni Krabbameinsfélagsins Sigurvonar, var afhent bleika slaufan í gær sem þakklætisvott fyrir vel unnin störf í þágu Sigurvonar. Bíi, eins og hann er betur þekktur í daglegu tali, lét af störfum fyrr á árinu eftir 15 ára formennsku. ...
Meira

bb.is | 30.09.16 | 15:21Svar ráðherra kemur ekki á óvart

Mynd með fréttSvar Ólafar Nordal innanríkisráðherra við fyrirspurn Jóhönnu Maríu Sigmundsdóttur, þingmanns Framsóknarflokksins í Norðvesturkjördæmi, kemur Pétri G. Markan, sveitarstjóra Súðavíkurhrepps ekki á óvart. Jóhanna María spurði ráðherra hvenær væri er ráðgert að rannsóknir og undirbúningur fyrir jarðgangagerð á milli Skutulsfjarðar og Álftafjarðar ...
Meira

bb.is | 30.09.16 | 13:4914,5 kílómetri af jarðstrengjum komnir í jörð

Mynd með fréttFjarskiptamál í Önundarfirði hafa tekið miklum stakkaskiptum, en í vikunni var greint frá því að tvö ný fjarskiptamöstur væru komin til að þjónusta íbúa fjarðarins. Ekki nóg með það, heldur hafa miklar bætur verið gerðar á fjarskiptamálum á Ingjaldssandi er starfsmenn ...
Meira

bb.is | 30.09.16 | 11:48Álftafjarðargöng ekki á dagskrá næsta áratuginn

Mynd með fréttJarðgöng á milli Skutulsfjarðar og Álftafjarðar eru ekki á teikniborði yfirvalda allt fram til ársins 2026 samkvæmt svari Ólafar Nordal innanríkisráðherra við fyrirspurn Jóhönnu Maríu Sigmundsdóttur þingmanns framsóknarflokksins, sem spurði ráðherrann hvenær ráðgert væri að rannsóknir og undirbúningur fyrir göngin hæfust. ...
Meira

bb.is | 30.09.16 | 10:01Útibú verði á Suðurfjörðunum

Mynd með fréttBæjarstjórn Vesturbyggðar hvetur stjórnvöld að tryggja að eftirlit með fiskeldi í sjó sé með markvissum og ábyrgum hætti. Þetta kemur fram í bókun bæjarstjórnar frá því í gær. Í henni segir að gríðarlegu máli skipti að vel takist til með þeirri ...
Meira

bb.is | 30.09.16 | 09:26Mikill munur á rekstrarkostnaði grunnskóla

Mynd með fréttMeðalrekstrarkostnaður á hvern nemanda í grunnskólum landsins vegna yfirstandandi skólaárs er 1,72 milljónir króna samkvæmt tölum Hagstofunnar. Rúmlega fimmfaldur munur er á hæsta og lægsta kostnaði nemenda milli sveitarfélaga samkvæmt tölum Sambands íslenskra sveitarfélaga. Frá þessu er greint í Fréttablaðinu í ...
Meira

bb.is | 30.09.16 | 07:50Ráðgjafa- og nuddsetrið opnar á nýjum stað

Mynd með fréttRáðgjafa- og nuddsetrið á Ísafirði hefur fært sig um set og opnaði í dag í nýjum húsakynnum við Hafnarstræti 4, mitt í miðbænum þar sem Gullauga var áður til húsa. Það er Stefán Dan Óskarsson sem er potturinn og pannan á ...
Meira

bb.is | 29.09.16 | 17:07Vestfirðir verði ríkt samfélag

Mynd með fréttInnan áratugar munu útflutningstekjur af laxeldi á sunnanverðum Vestfjörðum geta numið 50 milljörðum króna á ári. Þetta er mat Matthíasar Garðarssonar, stofnanda Arnarlax, en hann hefur fjögurra áratuga reynslu á vettvangi atvinnugreinarinnar. Ég hef trú á því að auðveldlega megi ...
Meira

bb.is | 29.09.16 | 16:13Biðlistar vegna skorts á gistiplássi

Mynd með fréttErlent gönguskíðafólk hefur sýnt Fossavatnsgöngunni æ meiri áhuga, en skortur á gistiplássum Ísafirði veldur því að færri komast að en vilja . Daníel Jakobsson, stjórnarformaður Fossavatnsgöngunnar, nefnir sem dæmi að norsk ferðaskrifstofa sem selur ferðir á Fossavatnsgönguna er með 70 manns ...
Meira

bb.is | 29.09.16 | 14:50Stöndum fyrir kerfisbreytingar

Mynd með fréttAlþingiskosningar eru eftir rétt rúmar fjórar vikur og stjórnmálaflokkarnir flestir búnir að leggja fram lista sína. Nokkur ný framboð verða í kjöri og einna mest hefur borið á Viðreisn, en flokkurinn hefur mælst ágætlega í skoðanakönnunum síðustu vikur. Ísfirðingurinn Gylfi Ólafsson ...
Meira


Byggir á LiSA vefumsjónarkerfi frá Eskli