Frétt

| 31.08.2000 | 08:08Flug, aðrar samgöngur og kostnaður

Enn hækka flugfargjöldin innanlands. Hæsta fargjald milli Ísafjarðar og Reykjavíkur og aftur heim leggur sig nú á um það bil sextán þúsund krónur. Hið lægsta kostar farþegann nærri tíu þúsund krónur. Rétt er að taka fram að Flugfélag Íslands er eitt um áætlunarflug á fjölfarnari flugleiðum á Íslandi. Íslandsflug hætti að fljúga til fjölmennari staðanna snemma sumars. Sú staðreynd segir einfaldlega að innanlandsflug á Íslandi er ekki til skiptanna svo fremi að lögmál markaðarins ráði. Arðurinn er ekki nógu mikill.

Hvað þýðir að flugfargjöld hækka í verði tvívegis eftir að samkeppni leggst af? Er það vegna einokunaraðstöðu Flugfélags Íslands eða einfaldlega vegna þess að kostnaður við núverandi flugþjónustu er of hár miðað við tekjur? Sennilega er spurningin of flókin og tvíræð. Engu að síður er ljóst, að tap er á innanlandsflugi. Flugfargjöld lækkuðu við skammvinna innrás Íslandsflugs fyrir nokkrum árum.

Flestum varð ljóst við nánari skoðun að ekki var rúm fyrir tvö flugfélög á Íslandsmarkaði, því miður! Sú var líka raunin fyrir hálfri öld þegar leiðum flugfélaganna, Loftleiða og Flugfélags Íslands númer þrjú, var skipt upp með þeim hætti, að Loftleiðir sneru sér frá Íslandi og námu nýjar lendur í útlöndum, sem Flugleiðir, arftaki þeirra beggja búa nú að. Ekki nóg með það. Íslendingar allir búa við þannig flugþjónustu til og frá landinu, að ekkert ríki með innan við þrjú hundruð þúsund íbúa nýtur annars eins.

Nú beinast sjónir Íslendinga að Flugfélagi Íslands, sem eitt situr að innanlandsflugi eða uppi með það. Síðasta hækkunin hristir upp í mörgum, ekki síst fjölskyldufólki. Þegar flugfargjöld lækkuðu fyrir tilvist Íslandsflugs urðu einnig þær breytingar að fjölskyldufargjöld hurfu. Enginn kvartaði þá. Enda er það yfirlýst stefna ríkisvaldsins að fjölskyldufólk geti hvort eð er átt sig. Barnabætur hafa farið lækkandi. Fólk sem er að eiga börn og halda heimili með þeim og hinu foreldrinu virðist afskaplega ósmart í augum ríkis og markaðarins, sem ráða peningunum.

Kannski er það þess vegna að mun ódýrara er að fljúga til og frá Íslandi, minnsta kosti hlutfallslega og stundum í raun, eins og þegar menn komast fyrir tíu þúsund, nú eða fjórtán þúsund krónur með breska flugfélaginu GO. Hér eru nefndar raunverulegar tölur, sú lægri á svipuðum nótum og ódýrasta fargjaldið fram og til baka frá Ísafirði. Sú hærri er lægri en hæsta fargjaldið. Enginn vill missa flugið, en það gerist hægt og bítandi hafi fólk ekki efni á því að nota það. Svo er um flestar barnafjölskyldur og marga aðra. Meðan flugfargjöld hækka verður krafan um betri vegi háværari. Svo má alltaf sækja fólk til útlanda til vinnu. Það er ódýrt að fljúga þaðan og heim aftur.

bb.is | 30.09.16 | 16:54 Hvunndagshetja heiðruð

Mynd með frétt Sigurði Ólafssyni, fyrrum formanni Krabbameinsfélagsins Sigurvonar, var afhent bleika slaufan í gær sem þakklætisvott fyrir vel unnin störf í þágu Sigurvonar. Bíi, eins og hann er betur þekktur í daglegu tali, lét af störfum fyrr á árinu eftir 15 ára formennsku. ...
Meira

bb.is | 30.09.16 | 15:21Svar ráðherra kemur ekki á óvart

Mynd með fréttSvar Ólafar Nordal innanríkisráðherra við fyrirspurn Jóhönnu Maríu Sigmundsdóttur, þingmanns Framsóknarflokksins í Norðvesturkjördæmi, kemur Pétri G. Markan, sveitarstjóra Súðavíkurhrepps ekki á óvart. Jóhanna María spurði ráðherra hvenær væri er ráðgert að rannsóknir og undirbúningur fyrir jarðgangagerð á milli Skutulsfjarðar og Álftafjarðar ...
Meira

bb.is | 30.09.16 | 13:4914,5 kílómetri af jarðstrengjum komnir í jörð

Mynd með fréttFjarskiptamál í Önundarfirði hafa tekið miklum stakkaskiptum, en í vikunni var greint frá því að tvö ný fjarskiptamöstur væru komin til að þjónusta íbúa fjarðarins. Ekki nóg með það, heldur hafa miklar bætur verið gerðar á fjarskiptamálum á Ingjaldssandi er starfsmenn ...
Meira

bb.is | 30.09.16 | 11:48Álftafjarðargöng ekki á dagskrá næsta áratuginn

Mynd með fréttJarðgöng á milli Skutulsfjarðar og Álftafjarðar eru ekki á teikniborði yfirvalda allt fram til ársins 2026 samkvæmt svari Ólafar Nordal innanríkisráðherra við fyrirspurn Jóhönnu Maríu Sigmundsdóttur þingmanns framsóknarflokksins, sem spurði ráðherrann hvenær ráðgert væri að rannsóknir og undirbúningur fyrir göngin hæfust. ...
Meira

bb.is | 30.09.16 | 10:01Útibú verði á Suðurfjörðunum

Mynd með fréttBæjarstjórn Vesturbyggðar hvetur stjórnvöld að tryggja að eftirlit með fiskeldi í sjó sé með markvissum og ábyrgum hætti. Þetta kemur fram í bókun bæjarstjórnar frá því í gær. Í henni segir að gríðarlegu máli skipti að vel takist til með þeirri ...
Meira

bb.is | 30.09.16 | 09:26Mikill munur á rekstrarkostnaði grunnskóla

Mynd með fréttMeðalrekstrarkostnaður á hvern nemanda í grunnskólum landsins vegna yfirstandandi skólaárs er 1,72 milljónir króna samkvæmt tölum Hagstofunnar. Rúmlega fimmfaldur munur er á hæsta og lægsta kostnaði nemenda milli sveitarfélaga samkvæmt tölum Sambands íslenskra sveitarfélaga. Frá þessu er greint í Fréttablaðinu í ...
Meira

bb.is | 30.09.16 | 07:50Ráðgjafa- og nuddsetrið opnar á nýjum stað

Mynd með fréttRáðgjafa- og nuddsetrið á Ísafirði hefur fært sig um set og opnaði í dag í nýjum húsakynnum við Hafnarstræti 4, mitt í miðbænum þar sem Gullauga var áður til húsa. Það er Stefán Dan Óskarsson sem er potturinn og pannan á ...
Meira

bb.is | 29.09.16 | 17:07Vestfirðir verði ríkt samfélag

Mynd með fréttInnan áratugar munu útflutningstekjur af laxeldi á sunnanverðum Vestfjörðum geta numið 50 milljörðum króna á ári. Þetta er mat Matthíasar Garðarssonar, stofnanda Arnarlax, en hann hefur fjögurra áratuga reynslu á vettvangi atvinnugreinarinnar. Ég hef trú á því að auðveldlega megi ...
Meira

bb.is | 29.09.16 | 16:13Biðlistar vegna skorts á gistiplássi

Mynd með fréttErlent gönguskíðafólk hefur sýnt Fossavatnsgöngunni æ meiri áhuga, en skortur á gistiplássum Ísafirði veldur því að færri komast að en vilja . Daníel Jakobsson, stjórnarformaður Fossavatnsgöngunnar, nefnir sem dæmi að norsk ferðaskrifstofa sem selur ferðir á Fossavatnsgönguna er með 70 manns ...
Meira

bb.is | 29.09.16 | 14:50Stöndum fyrir kerfisbreytingar

Mynd með fréttAlþingiskosningar eru eftir rétt rúmar fjórar vikur og stjórnmálaflokkarnir flestir búnir að leggja fram lista sína. Nokkur ný framboð verða í kjöri og einna mest hefur borið á Viðreisn, en flokkurinn hefur mælst ágætlega í skoðanakönnunum síðustu vikur. Ísfirðingurinn Gylfi Ólafsson ...
Meira


Byggir á LiSA vefumsjónarkerfi frá Eskli