Frétt

| 22.08.2000 | 12:47Úlfur í sauðargæru?

Stefán Kristjánsson og bíllinn.
Stefán Kristjánsson og bíllinn.
Samkvæmt skoðunarvottorði er bíllinn á myndinni Suzuki Fox þó að einhverjir haldi annað. Hann er nýkominn „á götuna“ og vekur athygli. Lögreglan taldi rétt að athuga málið. Hafnfirðingar gláptu svo mikið að þeir keyrðu hver á annan. Líklega hafa Hafnfirðingar ekki glápt svo mikið síðan þeir einblíndu upp í himinblámann eftir að tilkynnt var um fljúgandi hálku í Hafnarfirði.
Þeir sem slá því föstu að hér sé Trabant á ferð mættu minnast þess, að oft glepur útlitið. Ekki er rétt að dæma menn eða bíla við fyrstu sýn. Oft er flagð undir fögru skinni. Eða öfugt.

Eigandi bílsins og höfundur hans í núverandi mynd er Stefán Kristjánsson á Innari-Lambeyri í Tálknafirði. Hann tekur sérstaklega fram að bærinn heiti Innari- en ekki Innri-Lambeyri enda sé það málvenja. „Ég átti Suzuki Fox með ónýtu húsi og var búinn að leggja honum en á undan átti ég Trabant. Ég sá hvað þetta passaði vel saman“, segir Stefán, og síðan setti hann skelina af Trabantinum á jeppann.

Stefán fór með bílinn í skoðun á Tálknafirði fyrir skömmu og þá voru gerðar nokkrar athugasemdir. Hann lagfærði það sem fundið var að og fór síðan í reisu allt suður í Hafnarfjörð, þar sem hann fékk fulla skoðun. „Hafnfirðingar gláptu svo mikið í umferðinni þegar þeir sáu bílinn að þeir gleymdu biðskyldu og öðrum umferðarreglum og tveir bílar nudduðu sér saman.“

Síðan kom Stefán vestur aftur og fór um Djúp og hvarvetna vakti bíllinn athygli. „Það var eins og forsetinn væri á ferð“, segir hann.

Nema hvað forsetinn ferðast væntanlega hvorki á Trabant né Suzuki Fox. Hvað þá báðum í einu.

Þegar Stefán kom í gær akandi inn með Kirkjubólshlíðinni í Skutulsfirði mætti hann lögreglubíl. „Hann sneri við og elti mig með blikkandi ljós til að athuga hvað væri hér eiginlega á ferðinni.“

Stefán segir gaman að geta nýtt hlutina og sameinað þá í stað þess að henda þeim. „Þetta mættu fleiri gera“, segir hann.

Einhver sagði að þessi bíll væri eins og úlfur í sauðargæru. Það mætti til sanns vegar færa ef undir Trabantskelinni leyndist Porsche eða Ferrari.

Í þessu tilviki er öllu heldur á ferðinni sauður í gæru af öðrum sauð.

bb.is | 30.09.16 | 16:54 Hvunndagshetja heiðruð

Mynd með frétt Sigurði Ólafssyni, fyrrum formanni Krabbameinsfélagsins Sigurvonar, var afhent bleika slaufan í gær sem þakklætisvott fyrir vel unnin störf í þágu Sigurvonar. Bíi, eins og hann er betur þekktur í daglegu tali, lét af störfum fyrr á árinu eftir 15 ára formennsku. ...
Meira

bb.is | 30.09.16 | 15:21Svar ráðherra kemur ekki á óvart

Mynd með fréttSvar Ólafar Nordal innanríkisráðherra við fyrirspurn Jóhönnu Maríu Sigmundsdóttur, þingmanns Framsóknarflokksins í Norðvesturkjördæmi, kemur Pétri G. Markan, sveitarstjóra Súðavíkurhrepps ekki á óvart. Jóhanna María spurði ráðherra hvenær væri er ráðgert að rannsóknir og undirbúningur fyrir jarðgangagerð á milli Skutulsfjarðar og Álftafjarðar ...
Meira

bb.is | 30.09.16 | 13:4914,5 kílómetri af jarðstrengjum komnir í jörð

Mynd með fréttFjarskiptamál í Önundarfirði hafa tekið miklum stakkaskiptum, en í vikunni var greint frá því að tvö ný fjarskiptamöstur væru komin til að þjónusta íbúa fjarðarins. Ekki nóg með það, heldur hafa miklar bætur verið gerðar á fjarskiptamálum á Ingjaldssandi er starfsmenn ...
Meira

bb.is | 30.09.16 | 11:48Álftafjarðargöng ekki á dagskrá næsta áratuginn

Mynd með fréttJarðgöng á milli Skutulsfjarðar og Álftafjarðar eru ekki á teikniborði yfirvalda allt fram til ársins 2026 samkvæmt svari Ólafar Nordal innanríkisráðherra við fyrirspurn Jóhönnu Maríu Sigmundsdóttur þingmanns framsóknarflokksins, sem spurði ráðherrann hvenær ráðgert væri að rannsóknir og undirbúningur fyrir göngin hæfust. ...
Meira

bb.is | 30.09.16 | 10:01Útibú verði á Suðurfjörðunum

Mynd með fréttBæjarstjórn Vesturbyggðar hvetur stjórnvöld að tryggja að eftirlit með fiskeldi í sjó sé með markvissum og ábyrgum hætti. Þetta kemur fram í bókun bæjarstjórnar frá því í gær. Í henni segir að gríðarlegu máli skipti að vel takist til með þeirri ...
Meira

bb.is | 30.09.16 | 09:26Mikill munur á rekstrarkostnaði grunnskóla

Mynd með fréttMeðalrekstrarkostnaður á hvern nemanda í grunnskólum landsins vegna yfirstandandi skólaárs er 1,72 milljónir króna samkvæmt tölum Hagstofunnar. Rúmlega fimmfaldur munur er á hæsta og lægsta kostnaði nemenda milli sveitarfélaga samkvæmt tölum Sambands íslenskra sveitarfélaga. Frá þessu er greint í Fréttablaðinu í ...
Meira

bb.is | 30.09.16 | 07:50Ráðgjafa- og nuddsetrið opnar á nýjum stað

Mynd með fréttRáðgjafa- og nuddsetrið á Ísafirði hefur fært sig um set og opnaði í dag í nýjum húsakynnum við Hafnarstræti 4, mitt í miðbænum þar sem Gullauga var áður til húsa. Það er Stefán Dan Óskarsson sem er potturinn og pannan á ...
Meira

bb.is | 29.09.16 | 17:07Vestfirðir verði ríkt samfélag

Mynd með fréttInnan áratugar munu útflutningstekjur af laxeldi á sunnanverðum Vestfjörðum geta numið 50 milljörðum króna á ári. Þetta er mat Matthíasar Garðarssonar, stofnanda Arnarlax, en hann hefur fjögurra áratuga reynslu á vettvangi atvinnugreinarinnar. Ég hef trú á því að auðveldlega megi ...
Meira

bb.is | 29.09.16 | 16:13Biðlistar vegna skorts á gistiplássi

Mynd með fréttErlent gönguskíðafólk hefur sýnt Fossavatnsgöngunni æ meiri áhuga, en skortur á gistiplássum Ísafirði veldur því að færri komast að en vilja . Daníel Jakobsson, stjórnarformaður Fossavatnsgöngunnar, nefnir sem dæmi að norsk ferðaskrifstofa sem selur ferðir á Fossavatnsgönguna er með 70 manns ...
Meira

bb.is | 29.09.16 | 14:50Stöndum fyrir kerfisbreytingar

Mynd með fréttAlþingiskosningar eru eftir rétt rúmar fjórar vikur og stjórnmálaflokkarnir flestir búnir að leggja fram lista sína. Nokkur ný framboð verða í kjöri og einna mest hefur borið á Viðreisn, en flokkurinn hefur mælst ágætlega í skoðanakönnunum síðustu vikur. Ísfirðingurinn Gylfi Ólafsson ...
Meira


Byggir á LiSA vefumsjónarkerfi frá Eskli