Frétt

| 26.07.2000 | 16:52Nýir reikningar liggja fyrir

Einar Oddur Kristjánsson, alþm. og stjórnarform. Vélbátaábyrgðarfélagsins.
Einar Oddur Kristjánsson, alþm. og stjórnarform. Vélbátaábyrgðarfélagsins.
Búast má við átökum á aðalfundi Vélbátaábyrgðarfélags Ísfirðinga sem haldinn verður á mánudag, 31. júlí. Fundinn átti að halda fyrir tveimur mánuðum en honum var frestað á síðustu stundu vegna upplýsinga um að reikningar þeir sem átti að leggja fram á fundinum væru ekki réttir.
Í ljós kom að framkvæmdastjóri félagsins hafði í heimildarleysi og án vitundar stjórnar skuldbundið félagið og skrifað upp á ábyrgðir fyrir gjaldþrota félag, Vesturskip ehf. á Bíldudal, að upphæð allt að tíu milljónir króna. Framkvæmdastjórinn lét af störfum og málinu var þegar í stað vísað til Fjármálaeftirlitsins.

„Því miður hefur gengið miklu seinna en við ætluðum að koma saman reikningum en nú liggja þeir fyrir“, sagði Einar Oddur Kristjánsson, stjórnarformaður Vélbátaábyrgðarfélags Ísfirðinga í samtali við Bæjarins besta í dag. „Á aðalfundinum á mánudag munum við leggja fram nýja skýrslu stjórnar og gera grein fyrir þeim samningum sem við höfum gert við Sjóvá-Almennar tryggingar hf. Okkur er kunnugt um að stjórnarformaður og varastjórnarformaður Samábyrgðar Íslands á fiskiskipum, ríkisfyrirtækis sem nú er búið að breyta í hlutafélag, eru mjög óánægðir með þennan samning. Þeir hafa uppi heitingar um að mæta á fundinn og reyna að fá samninginn felldan“, sagði Einar Oddur.

Aðspurður um stöðu þess máls sem upp kom fyrir tveimur mánuðum sagði Einar Oddur: „Endurskoðandi okkar hefur farið gegnum reikninga og gögn félagsins og hefur með hjálp Fjármálaeftirlitsins gengið úr skugga um að ekki er um neinar frekari ábyrgðir að ræða. Við höfum unnið að því að lágmarka tjón félagsins og vonum að það takist svo vel að tjónið verði miklu minna en allt benti til í upphafi. Ég veit að fyrrverandi framkvæmdastjóri og hans nánustu hafa lagt sig mjög fram við það og ég er bjartsýnn á að áður en lýkur munum við koma þessu félagi á rétt ról“, sagði Einar Oddur.

„Samningurinn sem við gerðum við Sjóvá-Almennar tryggingar hf. er félagi okkar mjög hagstæður og gefur því möguleika á því að endurheimta fyrri styrk. Ég trúi því að það muni gerast á tveimur árum eða svo. Síðan er það félagsmanna að taka afstöðu til þess hvort þeir vilja slíta félaginu og skipta með sér eigum þess eða gera eitthvað annað. En einmitt núna er brýnast að koma félaginu á rétt ról á ný.“

Einar Oddur kvaðst vonast til að sem allra flestir félagsmenn sjái sér fært að koma á fundinn. Rúmlega 200 skip eru tryggð hjá félaginu, flest á Vestfjörðum en einnig við Húnaflóa, á Snæfellsnesi, í Reykjavík, Hafnarfirði og víðar.

bb.is | 27.09.16 | 16:50 Velunnurum þakkaður hlýhugur

Mynd með frétt Boðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira

bb.is | 27.09.16 | 14:50Píratar og Sjálfstæðisflokkur stærstir

Mynd með fréttPíratar og Sjálfstæðisflokkurinn mælast stærstir í nýjustu könnun MMR sem framkvæmd var dagana 20. til 26. september. Flokkarnir mælast þó með örlítið minna fylgi en í síðustu könnun þegar báðir flokkarnir mældust með 22,7% fylgi. Nú mælast Píratar með 21,6% og ...
Meira

bb.is | 27.09.16 | 13:23Vilja ráða sálfræðing og barnalækni í fastar stöður

Mynd með fréttReglulegar heimsóknir sérfræðinga við Heilbrigðisstofnun Vestfjarða eru umsetnar og oftast komast færri að en vilja. Í frétt á RÚV var greint frá því að á þriðja hundrað manns séu á biðlista eftir augnlækni, en slíkur kemur til Ísafjarðar fjórum til fimm ...
Meira

bb.is | 27.09.16 | 11:48Allt að 200 megavatta orka

Mynd með frétt„Þetta getur að mínu mati haft mikil áhrif á orkuöryggi þjóðarinnar, meiri en menn hafa verið að hugleiða hingað til. Ég tel að hægt sé að virkja allt að 200 MW á þessu svæði sem er utan hættusvæða vegna eldgosa og ...
Meira

bb.is | 27.09.16 | 09:37Gerir athugasemd við úreltar tölur

Mynd með fréttBæjarráð Ísafjarðarbæjar gerir athugasemd við að gamlar og úreltar tölur um fjölda skemmtiferðaskipa eru notaðar í drögum að matsáætlun Arnarlax fyrir 10.000 tonna laxeldi í Ísafjarðardjúpi. Í matsáætluninni er vísað í tölur frá 2009 þegar 29 skemmtiferðaskip komu til Ísafjarðar. Þeim ...
Meira

bb.is | 27.09.16 | 09:01Góðir gestir á minningartónleikum um Ragnar H. og Sigríði

Mynd með fréttHinir árlegu minningartónleikar um hjónin Sigríði Jónsdóttur og Ragnar H. Ragnar verða í Hömrum sunnudaginn 9.október kl. 17. Á tónleikunum koma fram ísfirski fiðluleikarinn Hjörleifur Valsson, fyrrum nemandi við Tónlistarskóla Ísafjarðar, sem nú starfar í Noregi og píanóleikarinn Ourania Menelaou. Hún ...
Meira

bb.is | 27.09.16 | 07:51Langvarandi fólksfækkun grafalvarleg

Mynd með fréttAf 74 sveitarfélögum fækkaði íbúum í 42 á árunum 2002 til 2016 en fjölgaði í 32. Mest fækkaði í sveitarfélögum á Vestfjörðum og Norðurlandi vestra. Þetta kom fram í kynningu Sigurðar Á. Snævarr, sviðsstjóra hag- og upplýsingasviðs Sambands íslenskra sveitarfélaga, á ...
Meira

bb.is | 26.09.16 | 16:52Uppáhaldslög einstaks tónlistarmanns

Mynd með fréttVilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira


Byggir á LiSA vefumsjónarkerfi frá Eskli