Ég er nú ekki mikið fyrir grænmetisrétti en þessi kom mér mjög á óvart og allri fjölskyldunni. Mæli með að prufa þessa á grillið þegar sumarið ákveður að mæta almennilega.
Vona að þessi komi ykkur jafn mikið á óvart og mér, njótið vel.
Fyrir 3-4
1 dós svartbaunir (black beans) , vökvi hreinsaður frá
1/2 græn paprika
1/2 laukur
2 hvítlauksrif
1 egg
2/3 bolli brauðmyslnur
1 msk chilíduft, ég notaði chili explosion
1 tsk cumin
salt og pipar
Avacadó chilísósa
1 dós sýrður rjómi, 18 %
2 avacadó, afhýdd og steinninn fjarlægður
3-6 msk sweet chilí sósa,
Aðferð:
- Þerrið baunirnar og stappið í skál með gaffli.
- Setjið papriku, lauk og hvítlauk í matvinnsluvél og vinnið þar til allt hefur maukast vel saman. Kreistið mesta vökvann úr blöndunni og blandið saman við baunirnar.
- Bætið chilídufti, cumin, salti og pipar saman við ásamt brauðmyslnu og léttþeyttu eggi. Hrærið vel saman.
- Mótið í 4 buff og grillið í 4-5 mínútur á hvorri hlið.
- Gerið avacado chilísósuna. Stappið avacado og hrærið saman við sýrða rjómann. Smakkið til með sweet chilísósu
- Berið fram með hituðu hamborgarabrauði, salatblaði, sósunni, avacadosneiðum, tómötum, rauðlauk og því sem hugurinn girnist.
Verði ykkur að góðu!
