Ekki var mikið um breytingar á kjörseðlum í bæjarstjórnarkosningunum í Bolungavík. Af 484 kjörseðlum var 25 breytt. Oftast var nafn Baldurs Smára Einarssonar efsta manns á lista Sjálfstæðisflokks og óháðra strikað út eða á 15 kjörseðlum af 218. Annar maður á sama lista Guðbjörg Stefanía Hafþórsdóttir fékk 4 útstrikanir og Anna Magdalena Preisner var 2 sinnum sett í 2. sæti.
Minna var um breytingar á K listanum.
Sigríður Hulda Guðbjörnsdóttir efsti maður listans var strikuð út tvisvar sinnum, Monika Gawek var strikuð út einu sinni og Guðbergur Ingólfur Arnarson, Ketill Elíasson og Reimar Vilmundarson voru strikaður út einu sinni hver.
