MMR: 62% stuðningur við ríkisstjórnina

Í nýrri könnun MMR um fylgi við stjórnmálaflokkana og ríkisstjórnina mælist hin nýja ríkistjórn með 61,9% stuðning og hefur hækkað um 2% frá síðustu könnun.

Er fylgið með því mesta sem mælst hefur frá 2009.

Framsókn hækkar enn

Einnig var mældur stuðningur við stjórnmálaflokkana. Fylgi Sjálfstæðisflokksins mældist nú 22,5%, nær óbreytt frá síðustu fylgismælingu MMR. Fylgi Framsóknarflokksins mældist næst mest eða 18,2% og hækkar úr 17,5% og fylgdu Píratar þar á eftir með 12,4% fylgi.

Fylgi Vinstri-grænna minnkaði um tæp tvö prósentustig frá síðustu mælingu og mældist nú 12,1% en fylgi annarra flokka mældist nær óbreytt.

Könnunin var framkvæmd dagana 29. nóvember til 2. desember 2021. Svarfjöldi: 933 einstaklingar, 18 ára og eldri.

Úrtak: Einstaklingar 18 ára og eldri, valdir handahófskennt úr hópi álitsgjafa MMR.
Álitsgjafar MMR eru valdir úr Þjóðskrá þannig að þeir endurspegli lýðfræðilega samsetningu þjóðarinnar á hverjum tíma.
Könnunaraðferð: Spurningavagn MMR.

DEILA