Grálúða

Grálúðan er verðmætasta flatfiskategundin á Íslandsmiðum.

Grálúða er stór flatfiskur og getur náð allt að 1,2 m lengd. Hún er dökkgrá á báðum hliðum ólíkt öðrum flatfiskum sem eru ljósir á annarri hliðinni og dökkir á þeirri hlið sem upp snýr. 

Grálúða verður kynþroska 9 – 12 ára gömul. Hún er með stóran kjaft og beittar tennur, enda mikill ránfiskur og étur aðallega loðnu en einnig ýmsar rækjutegundir.

Nöfn á öðrum tungumálum:

  • Latína: Reinhardtius hippoglossoides
  • Enska: Greenland halibut
  • Norska: Blåkveite, svartkveite
  • Danska: Hellefisk
  • Færeyska: Svartkveite
  • Þýska: Schwarzer Heilbutt
  • Franska: Flétan du Groenland
  • Spænska: Halibut negro

Af vefsíðunni fiskbokin.is