Tilboð hafa verið opnuð í vetrarþjónustu á Kletthálsi til næstu þriggja ára.
Þrjú tilboð bárust og voru þau öll hærri en áætlaður verktakakostnaður 33,7 m.kr.
Áratog ehf., Patreksfirði bauð 38,3 m.kr.; Leifur Zakarias Samúelsson, Reykhólahreppi bauð 46,9 m.kr. og Fremri Gufudalur s.f., Fremri Gufudal bauð 54,4 m.kr.
Samningur sem gerður verður í framhaldi af útboði þessu gildir í þrjú ár frá töku tilboðs með heimild til framlengingar til tveggja ára eitt ár í senn.
Helstu magntölur eru:
- Færðargreining 8.100 km
- Mokstur með dráttarvél 600 tímar
- Álag vegna notkunar á snjóblásara 180 tímar
Verklok eru í apríl 2024.
