Jólasvínið eftir J.K. Rowling

Þann 12. október kemur Jólasvínið eftir J.K. Rowling út á sama tíma um allan heim.

Þetta er fyrsta skáldsaga Rowling fyrir börn og ungmenni eftir að hún skildi við Harry Potter.

Jack á sér uppáhaldsleikfang – lítið tuskusvín. Svínið hefur fylgt honum alla tíð, í gegnum súrt og sætt. Þangað til aðfangadagskvöld eitt að hið hræðilega gerist: svínið týnist. En jólanótt er tími kraftaverkanna, nóttin þegar allir hlutir geta lifnað við – jafnvel leikföng.  Og nýjasta leikfang Jacks – Jólagsvínið (þessi pirrandi staðgengill tuskusvínsins) – fær djarfa hugmynd. Saman leggja þeir upp í ævintýralegan leiðangur í leit að týnda leikfanginu – til að bjarga besta vini Jacks.

Jólasvínið er hugljúft en spennandi ævintýri um uppáhaldsleikfang drengs og hversu langt hann er tilbúinn til að ganga til að finna það. Þetta er fyrsta skáldsaga J.K. Rowling fyrir börn og unglinga eftir að hún skildi við Harry Potter.

Bókina prýða teikningar eftir Jim Field en hann er margverðlaunaður myndskreytir.