Ef þú vilt fræðast um sveppi er Fræðslumiðstöð Vestfjarða með námskeið fyrir þig.
Þetta námskeiðið hentar öllum sem vilja fræðast um sveppi sem finna má í nærumhverfinu og henta í matargerð.
Farið verður út í skóglendi til að skoða, greina og tína sveppi. Kennt verður að hreinsa sveppi og fjallað um helstu geymsluaðferðir.
Mæting er við brúna yfir Buná í Tunguskógi. Þátttakendur þurfa að taka með sér körfu/ílát til að tína í, heppilegan hníf fyrir hreinsun og ílát fyrir uppskeruna til að taka með heim.
Leiðbeinandi er Anna Lóa Guðmundsdóttir.
