Alls var landað 1.359 tonnum í Ísafjarðarhöfn í maímánuði.
Júlíus Geirmundsson ÍS landaði tvisvar samtals 330 tonnum af afurðum. Páll Pálsson ÍS var með 587 tonn í fimm veiðiferðum og Stefnir ÍS 375 tonn í fjórum veiðiferðum.
Þá var landað 67 tonnum af rækju. Það voru Klakkur ÍS og Valur ÍS sem voru á rækjuveiðum.
Að öðru leyti var rólegt yfir höfninni. Það voru engir aðkomubátar eins og oft áður og enginn bátur stundaði strandveiðar frá Ísafirði.
