Einn af bestu hagyrðingum landsins er Pétur Stefánsson, Reykjavík og er hann mikilvirkur í á sínu sviði og afkastamikill. Hann segir frá því að hann ásamt konu sinni fór á Cafe Riis á Hólmavík og fengu þau sér að borða.
Einkunn hans var þessi: „Toppmatur og góð þjónusta.“ það eru ekki amaleg ummæli.
Og að sjálfsögðu fylgdi góð vísa með:
Kom ég inná Cafe Riis
og keypti úrvals fæði.
Þjónustan er vinur vís
og veitingarnar æði.
Þessa mynd lét Pétur fylgja með:
Og önnur vísa:
Á öndinni stend ég og stika ótt
um Strandir sem fáa svíkur.
-Fengum við hjónin friðsæla nótt
í faðmi Hólmavíkur.
