Strandveiðar ganga vel. 135 bátar náðu 12 dögum

Landsamband smábátaeigenda segir tölur um afla í maí sýna meiri mismun milli veiðisvæða heldur en áður hefur verið.

Strand­veiðisjó­menn munu al­mennt vera ánægðir með fyrsta mánuð vertíðar­inn­ar, afla­brögð, gæft­ir og verðið fyr­ir fisk­inn, sem hef­ur verið mun hærra en í fyrra það eina sem skyggir á er að veiðislóðin fyrir Suðurlandi var þakin þörungablóma sem kom í veg fyrir að veiðar gengju sem skyldi.  Afli í róðri var að meðaltali 500 kíló sem er fjórðungi lægra en á árinu 2020.

Tölurnar staðfesta rækilega hversu náttúruöflin hafa sterk áhrif á strandveiðarnar.

Á öðrum svæðum sjást ekki viðlíka tölur þó þær séu ekki með öllu jákvæðar nema á svæði C, þar sem afli í róðri jókst að meðaltali um 13 kg milli ára.

Heilt yfir er þó ekki annað að sjá en strandveiðar hafi gengið vel í maí.  Alls 135 bátar náðu að nýta alla daga sem í boði voru og 50 bátum vantaði aðeins einn dag upp á að ná í tólfuna.  Til samanburðar voru aðeins 31 bátur sem tókst að ná fullum fjölda í maí á síðasta ári, en eins og menn muna voru brælur þá afar tíðar.

Fiskverðið er annar stór þáttur í útgerð strandveiðibáta.  Í maí á þessu ári var meðalverð á þorski 287 kr sem er 66 kr hærra en í fyrra.